Ka Leo o ka Lahui, Volume II, Number 485, 24 June 1892 — Page 4

Page PDF (1.06 MB)
This text was transcribed by:  Maggie Butterfield
This work is dedicated to:  Awaiaulu

KA LEO O KA LAHUI.

"E Mau ke Ea o ka Aina i ka Pono."

 

KA  LEO

 

John E. Bush

 

Luna Hooponopono a me Puuku.

 

Honolulu, June 24, 1892

 

I  NA  HOA  HELUHELU.

 

   Mamuli o ka anoi nui a me ka makemake paulehia o ko makou mau makamaka heluhelu e lawe nei i KA  LEO  O  KA  LAHUI, e hoopuka mau ia ko lakou mau inoa hookaa mahina iloko o ka nupepa, ka inoa o ka luna, a me ka la i hookomoia ai iloko o ka nupepa.  No ka pomaikai o na makamaka, ai kumu hoi e hoopilikia mau ole ia ai ko makou mau makamaka e na luna hana apiki, ke lawe nei makou i ke koikoi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou a hooko nei a e lilo no hoi keia hoolaha i bila hookaa no ka wa e okiia ai kekahi luna hana apiki, e loaa ana ia lakou ka pepa ma ke Keena i na wa a pau i makemakeia.  Nolaila, e awihi ae e ka poe hookaa mua o keia mahina.

 

KAU  AHAOLELO  O 1892

 

LA  HANA 21

Poakolu, June 22

 

   Halawai ka Hale e like me ka mau.

   Na Palapala Hoopii.

   Bipikane, i uku no Haalo, ma ke ano lawe leta no ka apana ekahi haawiia i ke Komite Waiwai.

   Wili nana, ua pau i ke pai ia na bila helu 63 a me 64.

   Iosepa, i manawa hou no ka hoike a na komite no ke mea e pili ana i ka bila 1 a me 2.

   Kapahu he mau bola. 1 e hooponopono ana i na lako wai o Waiohinu, Kau. 2 e pili ana i ke kau kaapuni ekolu o ke aupuni.

   Kanealii, he Kanawai e pili ana i na Kiaaina.

   Loio Kuhina, i manawa hou no kana pane i na ninau a Akipoka.

   J. M. Horner, ma ke kapaeia ana o na rula i ka hoike a ke Komite o na Lilo, e pili ana i ka uku o ke kakauolelo o ke keena o ko na Aina  E. a pala aku, waihoia ma ka papa no ka noonoo pu ana ma ka bila haawina.

                        Na  Olelo  Hooholo.

 

   Edemona, he kanawai e hooloi  ana i ka pauku 517 o ke Kanawai Civila.

   Kamauona 1 he kanawai e hooleli ana i ke kanawai haalele kula; 2 hooponopono ana i na uku hoomau.

   Akina, he kanawai e hoololi ana i ka pauk 8 o ka mok o na Kanawai o 1886, haawiia i ke komite hoomau.

   Waipuilani, he hoololi i manaoia no ke Kumukanawai.

   Kanauoha, he kanawai e hooponopono ana i ke keena o ka Peresidena o ka Papa Ola, a he kanawai kekahi e hoololi ana i ke kanawai home liilii.

 

                        Na Hana o ka La.

   Waipuilani, he mau itamu kekehi aole i holopono, aponoia ke noi e haawi i ke komite pa’i, a mai iaia ae a ke komite o na hoolilo.

   Ka bila haawina imua o ka komite o ka Hale. Kamika ma ka noho Lunahoomalu.

 

                        Keena o ko na Aina E.

   Uku o ke Kuhina $9000

   Mahope o ka aumoume ana o ka Hale no kekahi manawa loihi, haoholoia e like me ka mea ma ka bila.

 

   Hoopanee ka Hale hora 12.

 

                        AUINA  LA.

 

   Akoakoa hou ka Hale i ka hora 1:30.

   Uku e ke Kakauelelo $6,000, hooholoia $5,000.

   Uku o na Kupakako $5,600 hooholoia $5,400.

   Ka olele ma Wasinetona $12,000 kapaeia.

   Kona mau Kupakako me na hooiilo $2,000 kapaeia.

 

   Kanikela Hawaii ma Kapalakiko $8,000, kona mau kupakako me na hoolilo $5,000, hoololia.

   Oihana aupuni me Kanikeia i ko na Aina E, $4,000, hooholoia.

   Na lilo o na Agena E. $4,000, kapaeia.

 

   Na hoolilo o ke aloalii $8,000.

   Mahope o ka hoopaapaa loihi ana o na hoa ua hooholoia ia ia $4,000 e hoololi e like me ka hooioli a ke komite.

   Waika, he noi e haalele ke komite i kona noho, aponoia.

   Ma ke noi a Kamauoha, aponoia ka hoike a ke komite.

   Numana, ina ke kapaeia ana o na rula, he kanawai e pili ana i ka mea i hanaia ma ka la 20 o Ianuari 1886, mawaena o Hawaii nei me Iapana.

   Marsden, he hoolaha kanawai e kau ia ma ke poo he kanawai e hooponopono ana i ka hookomo ana mai i ka raiki me ke dute ole iloko nei o ka aina ma kekahi mau kupono i hoakaka ia.

    Hoopanee ka Hale.

 

   He mea hoopahaohao i ka noonoo ka ike ana iho, o ka moku kiapa John D. Spreckels, kekahi manu nunu hehi ale o ka Moana Pakipika nei no na kapakai o Kalepeni oia ka mea nana i hii aku na Keenimana elua na laua i hoonaueue i na manao loaa o kekeahi poe kalaiaina o ke aupuni Hawaii, nona ka inoa mua o Kipikona; a o ka lua hoi, oia e Konela V. V. Akipoka, o keia mau kanaka kaulana a elu, hookahi no o laua halelana i hoi hou aku ai i ke one hanau.

 

KE  KULANA  O  KO  KAKOU  MAU  HUI  KINIPOPO E  KU  NEI

 

   O keia malalo iho nei ke kulana o ke kahou mau Hui Kinipopoi keia manawa, ka nui e ka lakou paani ana, ka lakou mau paani i lanakila a me ka lakou mau paani i haule, mai ka hoomaka ana mai o kaia Kau Kinipopo a aiki i kela la:

 

Hui                  Lanakila                      Haule               Paani

 

Honolulu           2                                 2                     4

Kamehameha   4                                  2                     6

Hawaii                2                               3                     5

Crescent                      2                        3                     5

 

 

OLELO HOOLAHA

 

  Ke hoikeia aku nei i na kanaka a pau elike me ke kuleana i loaa ia’u mai a David Kalakaua Rex ma kona palapala Alodio ia’u o ka la 15 o Novemaba, 1890:  me na hooiaio kupono a me ko ka Mea Hanohano A. F. Judd, Lunakanawai Kiekie olelo hooholo no ka hooiaio kupono ana ma ka la 4 Iune, 1892.

  Ua kauohaia au e hooko i na mea a pau no’u elike me ka palapala kumu.

   Akahi – Ke hoi la eku nei, ua lawe ae nei au i na wahi e hoakaka nei malalo iho:  Ka hapakolu iloko o ka aina mahi raiki ma Kaiwiula, me na mea e pili ana, ma ka akau, me kela aina o Kawaiholo.

   Alua – Ke kula pohaku paakea makai me na loko o Aleneho nui me Alenoho iki, oia o (Auiki).

   Akolu – Hookahi hapalua o ko Kahuakai, Hamama o Kapakahakai, a me ke kai o Honuku, e pili ana i na palena o Kaliawa.

   O keia kekahi mau aina i kuhikuhia iloko ka Apana 1. o ka Palapala Sila Nui Helu 6450; o Kaunuohua no W. L. Moehonua iloko o ka Iliaina o Mokauea. Kalihi, Oahu.

   Ke paleo ia ahu nei; na kapu na kanaka e ae aole he mau hoa ainno’u ; ua noa i ku’u nau hoa aina na pono ma ka aina, ma na kai hamama; he hapakolu ko ka hoa aina, me ka anae ka i-a ma ke kai;a he Kiawe ka laau hoomalu o ka aina.  Ke hanaia e ko’u mau hoa aina ka manao maikai o ke kanawae, na ae ia, o na mea kuleana, e hoike mai iaia i na manawa a pau me ka pono.

   O na holoholona komohewa me na kanaka maluna o ua mau aina la, e hanaia elike me ke kanawai o a’u me ko’u mau hope.

                                    S. W. MAHELONA.

Puuhale, Iune 6, 1892

june 7 1m

 

 

            HE  HOOLAHA  I  KE  AKEA.

 

   E ike auanei na ano lahui a pau, o no ho ana ma ke Aupuni Hawaii, mai na kane, wahine, a me na ipuiki; i loaa i na ma’i o hola a me kela ano, o naue mai i ko’u Keena hana, a ma’u o hoopou aku i na ehaaha a ka ma’i maluna o oukou o na makamaka, he hiki ia’u ke lapanu i na ano ma’i a pau, ma’i iloke e ka opu, hu’i ke kino, aki iloke o ka iwi, eha o ke poe, ma’i wahine a pola ahu.  Mai hoololohe aku o na hoa, hale moi hookahi, hele mai elua, hale mai no a pau loa; he oluelu ka auhau, he hui me ia ma na kuhai elele ana;  ua makaukau wai o pulama mai i na home ana mai mai na Mokapuni mai, me ka elua a me ka hikiwawa loa, he mal@@@@ a he hoalehmaikai no oukou o no Hawaii.

 

                        Owau iho no,

            DR. LEONG KENG TONG.

 

Helu @9  Hul@2 o ma alanui Kamilha mo Hotele, Honolulu, Oahu   Aug 31

 

 

HOOLAHA  HOU  E  ALA,  E  ALA.

 

B. F. Ehlers & Co. PAINAPA

 

HELU 99 Alanui Papu

 

E Hooloho hou mai e na MAKAMAKA, moi ae a lololua, e hele mau mai no oukou e like ia PAINAPA, no ka mea, he kanaka oia i noho a kamaaina i kela kulanakuhale.

 

AIA  MA  KONA  HALEKUAI  NA

 

Papale Wahine .................................

Kinamu Nani  8 Ia.......................  $ 1.00

Kalakoa Nani 18 Ia..........................   1.00

 

  E kuai aku ana MAKOU i ko makou mau waiwai a pau no ke Kumukuai i haule iho i ko lakou mau Kumukuai mua.

 

   Na Palule $2.50  he $1.50  wale no, a e na Pulule $1.50 he $1.00 wale no.  Ke ike mai la oukou i ka emi loa ana.

 

Kupaianaha maoli keia emi naaupo ana e hele koko mai, o nolo auano oukou.

B.F. Ehlers & Co.

 

 

Huro !  No ka la Heihei.  Huro.

 

NA  PAPALE  O  NA  LEDE  I  HOONANILA

“    “               “                      “ KAMALII   “

“ AAHU NANI  O  NA  LEDE.

 

   He Kuai Hoemi Kuikawa no ka la 11 o Iune, ke malamala ana ma kahi o

N. S. SACHS,

104 Alanui  Papu, Honolulu.

 

E hoemi ana makou i ke kumukuai o ka Makou mau PAPALE  no ka la

 

11 O  IUNE,

 

E kokoke mai nei, ma ke kuai ana aku ma ke KUMUKUAI  HAAHAA loa i ike mua ole ia mamua,m oia ia makou

 

Na PAPALE  ANO  HOU  LOA  MAI  NEI, a pela no hoi me  NA  ANO  HOONANI  HOU  O  NA  PAPALE

 

o ke ano maemae a oi loa e ka maikai, a ua loaa pu mai nei no hoi ia makou.

 

NA  PAPALE  LUINA  o ke ano hou loa mai nei, nolaila e kipa mai ma ko MAKOU Halekuai nei i ike maka, a e huipu aku au no hoi ma kou i ke

 

KUAI  HOOPAU  O  KA  PAPALE  O  NA  KAMALII

 

Na Papale Hele Kula o na opio, he 25c wale no, oiai noo o kena waiwai io he 50 me 75 keneta.

 

   Ina oe e makemake i lole maikai no ka la 11 o Iuna, eia ia makou kahi waiho ai, a ke kakahi aku neo no kou kii mai.

 

  Na Lole Hapa Kanikau i hiki ke heloi ia, e he ano Akala Halenalena, Bolu a me Keokeo, e he ano maikai loa a pilikia ole hoi ke halai ia he 25 keneta wale no o ka i-a.

 

   Na Keokeo Lihilihi Paa pu maikai loa, a me na ano waihooluu a mau a ka manao e haakei ae ai, e kuai ia aku ana no ke kumukuai haahaa loa.

 

    Na Lole keokeo a me na Lole Panio o na ano a pau i hiki ke huleiia me ka mae ole, he nui loa ia makou.

 

   E na hoaloha, o kipa, e ike kumaka i ka nani o Aipo, he me ka lohe popoino.

 

   E Hoomanao aio ke Kuai Hoomi ma kahi

-:N. S. SACHS :-

3-DTL                         104 Alanui Papu, Honolulu