Ka Leo o ka Lahui, Volume II, Number 486, 27 June 1892 — Page 4
This text was transcribed by: | Kelly Murray |
This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
KA LEO.
_____
John E. Bush. Luna Hooponopono a me Puuku.
_____
HONOLULU, JUNE 27, 1892.
_____
I NA HOA HELUHELU.
Mamuli o ka anoi nui a me ka makemake paulehia o ko makou mau makamaka heluhelu lawe nei i KA LEO O KA LAHUI, e hoopuka mau ia ko lakou mau inoa hookaa mahina iloko o ka nupepa, ka inoa o ka luna, a me ka la i hookonoia ai iloko o ka nupepa. No ka pomaikai o na makamaka, a i kumu hoi e hoopilikia mau ole ia ai ko makou mau makamaka e na luna hana apiki, ke lawe nei makou i ke koikoi o keia hana maluna o ko makou hokua, a oiai hoi, o ko makou kahua ia, o ka hooko i ka leo o ka lehulehu, o ko ke Akua leo ia, a pela makou e hooko nei, a e lilo no hoi keia hoolaha i bila hookaa no ka wa e okiia ai kekahi luna hana apiki, e loaa ana ia lakou ka pepa ma ke Keena i na wa a pau i makemakeia. Nolaila, e awihi ae e ka poe hookaa mua a keia mahina.
_____
NUHOU KULOKO.
Ua haalele mai ka mokukaua Auseteralia i keia awa ma ke ahiahi o ka Poaha i hala.
_____
Ua malamaia ka hoike o ka hale kula Punahou Prepatory i ka Poalima i hala.
_____
He mau heihei moku kiakahi kekahi e malamaia ana ma ka la 4 o keia mahina ae.
_____
He ehiku paani popo i koe alaila hoomaha na keiki paani popo, oia no hoi ka pau ana o keia kikina.
_____
E malamaia ana he aha hulahula Europa ma Manamana, ma ka po o ka la kulaia o na Amerika.
_____
Ma keia Poaha iho, ke loaa ole na kuia, e hoohui ia ana ma ka berita maemae o ka mare o Mr. T. Richards ame Misa May Atherton. Maemae wale.
_____
Ua mahui mai makou, e malama hou ia ana ka hukihuki lio i hoopaapaa ia ai ma ka la 11 iho nei, ma Kapiolani Paka, ma ka la 4 o keia mahina ae, ma ke kahua kinipopo. Nolaila e naue nui ae e ko ka ua Kukalahale nei mau kini i ike maka i ke kupueu o Koolau, ka uuku iki hoi nana i kaualako ka lio o Kaua-i iluna o ka lepo. I ko makou manao, ua hoopii hou ia ae ke kumu pili mua i hoopua ia mawaena o laua.
_____
Ke ole e loaa na kula, e houheuhene ae ana no na keiki kunukunu ole a Mr. Berger ma ka Ema Kuea i keia po, e like me ko lakou rula maa mau.
_____
Ma ka la apopo e malamaia ai na hana hoike hope loa a na keiki o ke kula Kamehameha, Nolaila e naue ae e na makua mea, keiki, i ke pono i ka hua a ke keiki i imi ai i ka naauao.
_____
Ua hoopuehu ia mai ia makou, o na hoa hanohano kekahi o ka Hale Ahaolelo, e akoakoa ae ana ma ka hoike hope loa a na haumana o ke kula Kamehameha, e malamaia ana ma ka la apopo, ma Bihopa Holo.
_____
He manawa maikai keia no na poe puni lealea o kulanakauhale nei, e holo ai i Maui e makaikai ai i na lealea heihei lio, no ka mea he ehiku wale no dala me hapalua ka uu moku no ka holo ana maluna o ka mokuahi Kalaudine a hoi mai. Lealea ino.
_____
Ma ka po o ka Poaono i hala i malamaia ai ka aha mele a na kaikamahine o ke kula hanai o Kawaiahao, e like me na mea i hooloha ia ma ka pule i hala. Ma ke koho akuo ka oi keia e ka piha mamua o na hoikeike mua i hala, ke hele la a koe wahi kowa ole na noho o loko o ka luakini.
_____
Huro ! Huro ! Huro ! He mea hou ka makou i ke ahiahi Poakolu aku nei o kela pule i hala, i ike ia aku ai kekahi mau lede opio mai loko ae o ka hui piwai ma Kakaako e ao ana hoi i ka hoolele kukui uwila e like hoi me ke kukui uwila o ka mokukaua lawe hae Kapalakiko.
_____
Kauka Yong Kam Pung. (APANA.)
Helu 53, Alanui Maunakea.
Ke Kauka Loea o ka Aina Pua !
Ua hiki ke hoola ia kela a me keia @ ma'i, mai ko na kana, wahine a @ na keiki liihi. O na ma'i ha-no ua hiki loa ia ke hoola ia @ ka maalahi. A o na ma'i e pili ana i ka maka pau pu ia i ke oia. Ke hoike ia aku nei, ona, ke ola ia nei, me ka oluolu pu o kahi auhau. Ka poe pilikia hanau keiki a hele nui paha o ke koko a paa a lohi paha ka hanau ana, pa paha e ka waiu, e hele nui mai i o'a ne.
E KIPA mai o ka poe i hooluuluu ia me na haawina pilihua a ka ma'i a na'u oukou e hooluolu aku.
KAUKA YONG KAM PUNG.
Honolulu Sept. 2, 1891. 272-ds.
_____
KE KULANA O KO KAKOU MAU HUA KINIPOPO E KU NEI.
O keia malalo iho nei ke kulana o ko kakou mau Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani i haule, mai ka hoomaka ana mai o keia Kau Kinipopo a hiki i keia la:
Hui Lanakila Haula Paani
Honolulu 2 3 5
Kamehameha 4 2 6
Hawaii 2 3 5
Crescent 3 3 6
_____
OLELO HOOLAHA.
Ke hoikeia aku nei i na kanaka a pau elike me ke kuleana i loaa ia'u mai a David Kalakaua Rex ma kona palapala Alodio ia'u o ka la 15 o Novemaba, 1890: me na hooiaio kupono, a me ko ka Mea Hanohano A.F. Judd, Lunakanawai Kiekie olelo hooholo no ka hooiaio kupono ana ma ka la 4 Iune, 1892.
Ua kauohaia au e hooko i na mea a pau no'u elike me ka palapala kumu.
Akahi -Ke hai ia aku nei, ua lawe ae nei au i na wahi e hoakaka nei malalo iho: Ka hapakolu iloko o ka aina mahi raiki: ma Kaiwiula, me na mea e pili ana, ma ka akau, me kela aina o Kawaiholo.
Alua -Ke kula pohaku paakea makai me na loko o Alenoho nui me Alenoho-iki, oia o (Auiki).
Akolu -Hookahi hapalua o ko Kahuakai, Hamama o Kapakahakai, a me ke kai o Honuku, e pili ana i na palena o Kuliawa.
O keia kekahi mau aina i kuhikuhiiia iloko o ka Apana 1, o ka Palapala Sila Nui Helu 6450; o Kaunuohua no W.L. Moehonua iloko o ka Ihaina o Mokauea, Kalihi, Oahu.
Ke paleo ia ahu nei; ua kapu na kanaka e ae, aole he mau hoa aina no'u; ua noa i ko'u mau hoa aina na pono ma ka aina, ma na kai hamama; he hapakolu ko ka hoa aina, me ka anae ka i-a ma ke kai; a he Kiawe ka laau hoomalu o ka aina. Ke hanaia e ko'u mau hoa aina ka manao maikai o ke kanawai, ua ae ia, o na mea kuleana, e hoike mai iaia i na manawa a pau me ka pono.
O na holoholona komohewa me na kanaka maluna o ua mau aina la, e hanaia elike me ke kanawai o a'u me ko'u mau hope.
S.W. MAHELONA.
Puuhale, Iune 6, 1892.
june7 1m*
_____
HE HOOLAHA I KE AKEA.
E ike auanei na ano lahui a pau, e noho ana ma ke Aupuni Hawaii, mai na kaue, wahine, a me na @; i loaa i na ma'i o kela a me keia ano, e nana mai i ko'u Keena hana, a ma'u e hoopau aku i na ehaeha a ka ma'i maluna e oukou e na makamaka, he hiki ia'u he Iapana i na ano ma'i a pau, ma'i iloko o ka opu, hu'i ke kino, aki iloko e ka iwi, oha o ke poo, ma'i wahine a pela aku. Mai hoololohe aku e na hoa, hele mai hookahi, hele mai elua, hale mai no a pau loa; he oluolu ka auhau, ke hui me ia ma na kukai olelo ana; home @ mai mai na Mokapuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.
Owou iho no,
DR LEONG KENG TONG.
Helu 40, Huina o na alanui Kamika me Hotele, Honolulu, Oahu. Aug.31, 1y.
_____
HOOLAHA HOU E ALA, E ALA.
B.F. Ehlers & Co. -PAINAPA
HELU 99 Alanui Papu.
E Hoolohe hou iaai o na MAKAMAKA, mai no a loh@, e hale mau mai no oukou e ike la PAINAPA, no ka mea, he kanaka oia i @ a kamaaina i loeia kulanakauhale.
AIA MA KONA HALEKUAI NA
Papale Wahine
Kinamu Nani 8 Ia $1.00
Kalakoa Nani 18 Ia 1.00
E kuai aku ana MAKOU i ko makou mau waiwai a pau no he Na mukuai i haule iho i ko lakou mau Kumukuai mua.
Na Palule $2.50 he $1.50 wale no, a o na Palule $1.50, he $1.00 wale no. Ke ike mau la oukou i ka emi loa ana.
Kupaianaha maoli keia emi naaupo ana e hele koke mai, e nele @ oukou.
B.F. EHLERS & CO.
_____
Huro ! No ka la Heihei. Huro.
NA PAPALE O NA LEDE I HOONANIIA
" " " " KAMALII "
" AAHU NANI O NA LEDE.
He Kuai Hoemi Kaikawa no ka la 11 o Iune, ke malamaia ana ma kahi o
N.S. SACHS,
104 Alanui Papu, Honolulu.
E hoemi ana makou i ke kumukuai o ka Makou mau PAPALE no ka la 11 O IUNE.
E kokoke mai nei, ma ke kuai ana aku ma ke KUMUKUAI HAAHAA loa i ike mua ole ia mamua, oia ia makou.
Na PAPALE ANO HOU LOA MAI NEI, a pela no hoi me NA ANO HOONANI HOU O NA PAPALE
o ke ano maemae a oi loa e ka maikai, a ua loaa pu mai nei no hoi ia makou.
NA PAPALE LUINA o ke ano hou loa mai nei, nolaila, e kipa mai ma ko MAKOU Halekuai nei i ike maka, a e huipu aku au no hoi makou i ke
KUAI HOOPAU O KA PAPALE O NA KAMALII.
Na Papale Hele Kula o na opio, he 25c wale no, oiai nae o kona waiwai io he 50 me 75 keneta.
Ina oe e makemake i lole maikai no ka la 11 o Iune, oia ia makua kahi i waiho ai, a ke kakali aku nei hoi kou kii mai.
Na Lole Hapa Kanikau i hiki ke holei ia, e ke ano Akala, @, Bolu a me Keokeo, o ke ano maikai loa a pilikia ole hoi ke halai ia, he 25 keneta wale no o ka i-a.
Na Keokeo Lihilihi Paa pu maikai loa, a me na ano waihooluu a @ a ka manao e haakui ae ai, e kuai ia aku ana no ke kumukuai haahaa loa.
Na Lole Keokeo a me na Lole Pauio o na ano a pau i hiki ke huloiia me ka mae ole he nui loa ia makou.
E na hoaloha, e kipa, e ike kumaka i ka nani o Aipa, he me ka lohe pepeiao.
E hoomanao, aia ke Hoemi ma kaho o
N.S. SACHS,
104 Alanui Papu, Honolulu.
_____