Ka Leo o ka Lahui, Volume II, Number 494, 7 July 1892 — Page 1

Page PDF (916.42 KB)
This text was transcribed by:  Lynne Minamishin
This work is dedicated to:  Minamishin 'Ohana

KA LEO O KA LAHUI.

"E Mau ke Ea o ka Aina i ka Pono."

Buke II.                                   HONOLULU IULAI 7, 1892.                                 Helu 494

HE MOOLELO KAILI PUUWAI

NO

SENIA LUTERA

Ka Ui Puuwai Mabala

O

ENELANI KAHIKO.

A I OLE

He Nanea Hooheno no Kekahi Kauna Wahine Opio me kana mau Aloha Ekolu.

(Mai ka peni mai a ka mea hanau o A@a@eda, a pela aku.)

MOKUNA I.

Heaha ke kumu nui i hookaumaha ia ai kou mau helehelena, e hai mai e ka ipo, i ole ai e wawahiia ko'u puuwai.

No laila. me kona poo e kulou haahaa ana imua o Enora, me he he mahina e kulou ana imua o ka malamalama o ka la i ke awakea, kamailio mai la oia me ka leo haahaa a waipahe, e like me kona ano mau he puuwai no ka wawali me ka nanahe.

O kena mau mea a pau au e kamailio mai nei. he pololei waleno, aole au e kue aku ana i hookahi huaolelo, no ka mea ina io no aole ka moiwahine o ka poe kuewa e malama ia'u me he makuahine ponoi la no'u he mea maopopo aia aku la au ilalo me Milu i keia manawa.

No laila, oia hookahi ko'u hoaloha a makuahine hanai hoi nana au i malama a hiki i ko'u mui ana, a i ko'u ola.

A nou hoi he oiaio no ua like oe me he kaikuaana ponoi la no'u mai ka pahu hookahi mai, aka nae o kau mau hana ua oi aku ia mamua o mea hiki ia'u ke hoomanawanui!

Nolaila, ua pono oe o kaua, aka hookahi a'u mea i poina mamuli paha o ka plalaka, oia hoi, he hoaloha e ae no kekahi o'u i makaukau i na manawa a pau e hoohuli aku i kona hope i ko ka honua a pan, a o ua mea la, oia no o Heneri kuu aloha, ka mea hoi i hoopaa mai ia'u i wahine a i kokoolua no kona mau la ma keia ola ana!

I ka manawa a Enora i lohe ai i ka inoa o ke ao nauiu a ua mau opua nei elua e aumeume ana mai ko Senia waha mai. ua kuo koke mai la oia me ka nana hoaano ana mai o kona mau maka elua maluna o kona kokoolua-e poina ole ai ua Senia nei i na la a pau o kona ola ana-oiai ua Senia nei e ku ana me kona mau lima elua e puliki ana mamua o kona umauma kapalii; aia hoi hapai ae la ua Enora nei i kona lima iluna maluna ae o kona poo, me ke kuhikuhi ana o kekahi manamana lima iluna o ka lani, a me na maka enaena hoohiki mai la oia i kekahi hoohiki weliweli i hui pu ia me ka huhu:

E hoolohe mai ia'u e Senia, wahi ana, e hoolohe mai ia'u, i hoomaa@@li ia ai kuu huhu nou e pipii nei me he wai wela la!

Mamua ae o ka manawa a ka la e oili hou mai ai maluna o kela mau kuahiwi e kuku mai la, e lilo mua a@a au i moiwahine no oukou a pau, no ka mea o kuu makuahine i keia manawa, oia hoi ka moi@ine o ka poe kuewa, eia oia ke waiho nei ma ka moe o ka make, a e moe ana oia i kana moe hope loa no ka manawa pau ole, mamua ae o ko ka mahina manuahi ana mai i kona malalama opulepule maluna o ka wai o keia lokowai i keia po.

Alaila, e lilo auanei ka huaolelo a ko'u waha i mea mana a i kanawai, aole hoi e hiki i kekahi mea hookahi iloko o ko kakou pohai ke kue mai ia'u; nolaila ke hoohiki nei au i keia manawa ma ka ma ka inoa pakahi o na aumakua o ko'u mau kupuna, ina aole oe e hoopaa mai imua o'u ma keia wahi i keia manawa i ka mea a'u e makemake nei, aole oe e ike hou i na helehelena o Heneri Robaka ia ao aku ia ao aku.

No ka mea e kaukolo aku no au mahope ou a hiki i kou luakupapau ponoi, a aole loa hoi he kau e pili ai nei mau maka e amo aku la aia wale no a hoko ia no kuu makemake, oia hoi e make no oe i na oe e hooko ole mai i ka'u noi.

No ka mea o ko'u mea hewa ia o ka hoohaehae ia, a aohe o'u hooponopono ke loaa ia'u he manawa kupono e hana ai i kekahi karaima, ina oia mea ka mea e-loaa ai i kuu uhane kana ai e maona ai!

Nolaila e Senia, e hoohiki mai oe imua o'u i keia manawa, a ina aole-@a hai mua aku nei au i kou hoopai imua ou a @a lohe oe ia mea.

Mahope iho o ko Senia akaaka ana no kekahi manawa pokole kamailio aku la oia me keia mau huaolelo:

Aole anei ua oi aku ka pono o kou hoomanawanui iki ana e ke kamaaliiwahine Euora a hiki mai ia sekona, ka manawa hoi a ka hanu o ke ola e haalele mai ai i ke kino o kou makuahine, alaila kapa oe ia oe iho he moiwahine no ka poe kuewa, aole i keia manawa, oiai no oia ola ana.

Aole i pau.

HE MOOLELO

NO KE KEIKIALII:

AWAREDA!

KA UI LEILA

o Noremadi.

(Kakauia no Ka Leo.)

MOKUNA XI.

            Mahope iho o ka hala ana aku o Ikopa a me kona mau kanaka ma ka lakou huakai imi i ka hoku nalowale o Noremadi, huli koke ae la ua moi opio nei @ kauoha aku la ia Kalawada, e hele oia e wae i kekahi mau naita an@@ i hiki ai ke paulele. no ke kokua ana mai iaia ma ke kii ana ia Lameka e hele mai imua ona, no ka mea makemake oia e ike iaia ia manawa.

He manawa ole mahope iho, aia hoi ku ana ua Lameka nei imua o ke alo o ka moi opio.

He mau hehehelena ano mae ko ua Lameka nei iaia i komo mai ai, a o kana kunou ana Imua o ka moi opio, aole i ukali pu mai me kona puuwai.

No ka mea ua nana mai la ua Mameka aloha ole nei maluna o Awareda me ka naau hookae.

E Lameka maikai, ua lohe iho nei au i kekahi mea hou ano nui i keia kakahiaka.

Nolaila au i kauoha aku nei ia oe e hele mai no ko kaua hoomaopopo pu ana, wahi a Awareda i kamailio mua mai ai.

Eia au i keia manawa imua ou, e hana mai elike me kau i ike ai he pono, wahi a Lameka, me ka hoomau hou ana mai:

Ua manao mua mai nei no au pela, no ka mea he mau la hoikeike keia no na mea hou na Noremadi nei.

Ke lawe kaua i ko kaua noonoo a hookahua iho maluna o keia pane a ua Lameka nei, e ike auanei kaua, o ka pane maluna ae he pane ia na kekahi kanaka koa piha i ka maka'u ole.

I ko ka moi hoomaopopo ana i ke ano o ke kanaka e ku ana imua o kona alo.

He mea e kona kaumaha, aka nae aole oia i hoi @e mai i kona huhu imua ona ia manawa.

No kekahi mau minute mahope iho, hoakoakoa ae la oi i kona manao oluolu a pau i kahi hookahi, a nana pono mai la i ua naita Lameka nei iaia i kamailio hou mai ai.

E Lameka, no na mea hou e ae aole a'u ka na ilio no lakou.

Aka, no na mea i hanaia ma kahi pupupu hale o Kamila ma i kekahi manawa o ka po nei, oia ka'u e makemake nei e kamailio aku ai oe.

Ilaila au i ka po nei, wahi a Lameka.

Aole nae a'u mea hou ano nui i ike ai.

Aole anei oe i kau aku i kou mau lima huluhulu maluna o ka poe a'u  hoonoho aku ai i poe kiai malaila no ka malama ana i ka maluhia oia wahi.

Ae, ua hopu au ia lakou a pau. no ka mea, ua loaa aku lakou ia'u ua makaukau me na mea kaua.

Nolaila ua manao au ia lakou @e poe kipi.

He kipi anei o Leila, he mea kaua anei kekahi ana i kona manawa i lawe ia ai?

Wahi a ka moi opo i ninau mai ai me na maka pahaohao.

Nona a me kona makuahine, aole au i hoeha hookahi maawe lauoho o ko laua mau poo, aka o ka poe i loaa aku ia'u me na mea kaua oia ka'u i hopu, wahi a Lameka

Aole anei, mamuli o kou hana ana pela.

Wahi hou a Awareda oiai kona mau maka me he mau maka la no ka liona opio e nana pono ana i ke ku mai a kona enemi imua ona, ua kailiia ke kaikamahine aloha a Kamiia mai kona poli aku?

Pela anei e ka moi opio?

Wahi a ua Lameka nei i hoao mai ai e hoopakele iaia iho mai ka manao ia ana aku ua komo pu oia iloko o na hana no ka hoomahuka ana ia Leila.

Ua ike no oe e Lameka, no ke aha oe i ninau hou mai ai ia'u! O keia mau hana au, aole ia he mea e nalowale ai no ka mea au i hana aku ai.

Aole i pau

O ka Bila Helu 50, e ae ana e laikini ia ka Paka-Pio, oia ka hana nui imua o ka Hale i ka Poalua nei, a pela no, i ka Poakolu nei.

Halawai a na Komite Kuwaena o ka Hui Hawaii Liberala.

Ma ka halawai a ka Hui Hawaii Liberala i malamaia ma ke ahiahi Poaha i hala, June 16. ua kohoia na Keonimana malalo iho i mau lala no ke Komite Kuwaena:

APANA I.

Hon. R. W. Wilikoki              F. H. Keiki

J. W. Kahalewai               G. B        Elama

D. K. Kamakauwila.

APANA II.

Hon. J. W. Bipikane                S. Kaloa

J. Kahahawai               T. Hoomaha

APANA III.

Hon. J. E. Buki                                   J. K. Prendergast

I. Nauhu                                  J. S. Kekukahiko

APANA IV.

C. B. Maile                                          S. Kanaauao

J. Holoua                     Alex. Smith.

APANA V.

Hon. J. Nawahi                                                           W. Kalaehao

J. K. Paele                                                       D. W. Pua

KO MAKOU MAU LUNA LAWE PEPA.\

Oiai ua hoopauia kekaho mau luna o KA LEO O KA LAHUI, a ua paku'i hou ia mai he mau luna hou, nolaila no ka pomaikai o ko makou poe heluhelu, a i hookoia ai no hoi ka pono a pau, ke hoike aku nei makou i ka papa inoa o ko makou mau luna e like me keia malalo iho

D. Kahaleluhi                                      S. Kua

J. W. Keanu                                                                Wile Buki

H. Kalei

Ma ke Kauoha.