Ka Leo o ka Lahui, Volume II, Number 502, 19 July 1892 — Page 4

Page PDF (964.27 KB)
This text was transcribed by:  Gloria Vlachos
This work is dedicated to:  Na Lei Hulu I Ka Wekiu

KA LEO O KA LAHUI.

"E Mau ke Ea o ka Aina i ka Pono."

 

KA LEO

 

-----

 

John E. Bush.

 

Luna Hooponopono a me Puuku.

 

-----

 

HONOLULU, JULY 19, 1892

 

-----

 

Ka Palapala Hoopii a ko Hilo i ka Papa Ola e Hoopau ia Dr. Wiliamna.

 

-----

 

            Ka Pane a ka Papa Ola; a me ka Pane Oolea a ka poe nana ka Palapala Hooopii.

 

-----

 

                        Mr. Lunahooponopono,

 

                        Aloha oe: - No ka pomaikai o ka lahui e ike mai i ke ano a me kulana o ka Papa Ola e ku nei, ke hookuu akea aku nei makou i na mea i hanaia mawaena o makou a me ka Papa Ola.

 

                        Ma ka la 19 o Maraki i hala, ua noho ka halawai makaainana, a hoolohe i ka hoike a ke komite i kohoia e ka halawai mua ae, no ka hooponopono ana i ka olelo hooholo, a ua waiho mai la ke komite he hoike e olelo ana, ua hoololiia ka olelo hooholo, a he palapala hoopii kai hoomakaukauia, a ua heluhelu ia ua hoike nei a ke komite, ma ke ano he palapala hoopii.

 

                        Pau ka heluhelu ana, lawe ka halawai a noonoo, mahope o ke kuka ana, ua aponoia ua hoike la; a ua kakau inoa ia no ma ia la; a ma ka la 21 oia malama, ua hoouna ia ua palapala nei i ka Papa Ola.  Apenei na olelo o ua Palapala Hoopii nei:

 

                        "I ka Peresidena a me na hoa o ka Papa Ola, aloha oukou:  O makou, o ka poe no lakou na inoa mahope ae nei, ne ka apana o Hilo mokupuni o Hawaii, o ko Hawaii Pae Aina.

 

                        "Ke hoopii aku nei makou imua o oukou me ka nonoi kui'o aku e hoopau ia o Dr. Wiliama mai kona ano he kauka aupuni no keia apana; a e hoonoho mai ia Dr. Morisona @a kona wahi, malalo o na kumu:

 

                        Akahi:  "Ua o malu iho nei oia i kekahi poe keiki o keia apana, ma na la o Marki nei A.D. 1892, me kona hoolaha mua ole, e like me ke kuhikuhi o ke kanawai, i mea e lohe pono ai na mea a pau.  Aole no hoi oia i hoopuka iki i hoolaha no kona lawelawe ana i ka o lima. a hiki i keia la 19 o Maraki 1892.

 

                        "A mamuli oia ano hana pono ole a keia kauka. ua kupono oia e hoopau kokeia.

 

                        Alua  "Ua ake no oia e ukuia aku e kekehi poe e hele aku ana i o ma la e kii laau, me he mea la, aole he kauka aupuni oia.  A ma ia mea, a me kekahi mau mea e ae, aole ona hilinai ia ma kona ano kauka aupuni.

 

                        "Kakau inoa ia e makou i keia la 19 o Maraki 1892."  (Hookahi haneri inoa a oi).

 

                        Ma ka la 27 o Maraki, loaa mai la ka pane a ka Papa Ola ma o ke kakauolelo la, a penei ka olelo:

 

                        "D. W. Kealohapauole a me 102 poe o Hilo i hoopii mai ia Dr. B. W. Wiliama, Hilo, Hawaii, aloha oukou:

 

                        "Ua kauohaia mai au e ka Papa Ola, e hoike aku, ua loaa pono mai ka oukou palapala poopii e hoopau ia o Dr. Wiliama; a ua kauohaia aku nei oia e pane mai ma kona aoao, i hiki ai i ka Papa Ola ke kaupaona i na aoao elua.  Ua loaa ia'u ka hanohano e lilo i kauwa hooloha na oukou.

 

                                                                                                                                                                                                                                                                                    Chas. Wilcox.

 

                        Kakauolelo o ka Papa Ola."

 

                        Ma ka la 8 o Mei, loaa hou mai ka pane a ka Papa Ola, a penei:

 

                        "Keena o ka Papa Ola Hawaii, Honolulu H. I. Mei 6, 1892.  H. West, E. Kekoa a me Kekino a me 99 poe e ae, Hilo, Hawaii, aloha oukou:

 

                        Mamuli ona hoike i loaa mai i ka Papa Ola, mai ia E. G. Hikikoki mai, e pili ana i ka oukou hoopii no Dr Wiliama, i hanaia ma ka la 19 o Maraki; Ua hooneleia k Papa i ke kahua, a kumu kupono e hoopau ai ia Kauka Wiliama; nolaila, na hiki ole ke hookeia @@@ oukou makemake."  Eia pu mai he kope o na hoike a ka Makai Nui o Hawaii no ua Palapala Hoopii'la." Ua loaa ia'u ka hanohano, a pela aku."

 

                        Ma ka la 12 o Mei, ua leta aku o Henry West i ka Papa Ola, e unuhi ia ma ka olelo Hawaii na olelo hoike a E. G. Hikikoki, a hoouna mai.  Ua loaa mai ka pane no ia noi ma ka la 19 o Mei, a ma ka la 29 oia malama no, loaa mai la ka unuhi ana ma olelo Hawaii.                                                                                                                                                           

                                                                                                                                                                                                                                                                                                                                                                                                                                                                                                                                                                                                                        Aole i pau.

 

-----

 

Na Luna Ohi Aunau o ka 1892.

 

-----

 

                                                                                    Ua aponoia ka poe keonimana malalo iho nei i mau Hope Luna Auhau no keia makahiki, 1892:

 

OAHU

 

                                                                                                                                    Honolulu…………………………….T. A. Lloyd

                                                                                                                                    Ewa me Waianae…………………….S. Hookano

                                                                                                                                    Waialua…………………………………………..

                                                                                                                                    Koolaupoko No. 1……………………Asa Kaulia

                                                                                                                                    Koolaupoko No. 2……………………E. P. Aikue

                                                                                                                                    Koolauloa…………………………….L. J. Aylett

 

MAUI

 

                                                                                                                                    Lahaiha……………………………...David Taylor

                                                                                                                                    Wailuku………………………...Wm. T. Robinson

                                                                                                                                    Makawao…………………………..David Morton

                                                                                                                                    Hana………………………………..... J. P. Sylva

                                                                                                                                    Molokai me Lanai………………………………..

 

HAWAII

 

                                                                                                                                    Hilo me Hilo Akau………………N. C. Crawford

                                                                                                                                    Hamakua…………………………Chase Williams

                                                                                                                                    Kohala Hema………………..Wilmot Vredenburd

                                                                                                                                    Kohala Akau………………………...Eben P. Low

                                                                                                                                    Kona Akau……………………….J. Kaelemakule

                                                                                                                                    Kona Hema……………………..Thos. H. Wright

                                                                                                                                    Kau………………………………..O. T. Shipman

                                                                                                                                    Puna………………………………... J. E. Elderts

 

KAUAI

 

                                                                                                                                    Waimea me Niihau………………….T.H. Brandt

                                                                                                                                    Koloa……………………………….  A. K. Mika

                                                                                                                                    Lihue………………………………J. B. Hanaike

                                                                                                                                    Kawaihau………………………………..S. Kaiu

                                                                                                                                    Hanalei……………………………W.E. Deverill

 

KE KULANA O KO KAKOU MAU HUI KINIPOPO E KU NEI.

 

-----

 

                        O keia malalo iho nei ke kulana o ko kakou mau Hui Kinipopo i keia manawa, ka nui o ka lakou paani ana, ka lakou mau paani i lanakila a me ka lakou mau paani i hanle, mai ka hoomaka ana mai o keia Kau Kinipopo a aiki i keia la:

 

                                                                                                            Hui                                               Lanakila                       Haule                           Paani

 

                                                                                                            Honolulu                                             2                                  4                                              6

                                                                                                            Kamehameha                                      7                                  2                                      8

                                                                                                            Hawaii                                                 3                                  4                                      6

                                                                                                            Cresent                                                4                                  4                                      8

 

-----

 

HE HOOLAHA I KE AKEA

 

-----

 

                        E ike auanei na ano lahui a pau, e no ho ana ma ke Aupuni Hawaii, mai na kane, wahine, a me na keiki; i loaa i na ma'i o kela a me keia ano, e naue mai i ko'u Keena hana, a na'u e hoopau aku i na ehaeha a ka ma'i maluna o oukou e na makamaka, he hiki ia'u ke lapaau i na ano ma'i a pau, ma'i iloko o ka opu, hu'i ke kino, aki iloko o wa iwi, eha o ke poo, ma'iwahine a pela aku.  Mai hoololohe aku e na hoa, hele mai hookahi, hele mai elua, hele mai no a pau loa; he oluolu ka auhau, ke hui me ia ma na kukai olelo ana; ua makaukau wau e pulama mai i na kono ana mai mai na Mokupuni mai, me ka eleu a me ka hikiwawe loa, he makamaka a he hoaloha maikai no oukou e na Hawaii.

                                                                                                                                                                                                                                    Owou iho no,

                                                                                                                                                                                                                        DR. LEONG KENG TONG.

                                                                                                                                                                      Helu 40, Huina o na alanui Kamika me Hotele. Honolulu. Oahu.    Aue 31. 1v

 

-----

 

OLELO HOOLAHA NO NA PUAA.

 

-----

 

                        Ke loaa ka puaa e hele wale ana ma kuu mau aina oia o Halawa a me Aiea e pepehi ia ana e hooko ia keia ke hala na la he umi mai keia hoolaha.

 

                                                                                                                                                                                                                                                KIMO PELEKANE.

                                                                                                                                                                                                                                                            (J. I. Dawsett)

                                                                                                                                                                                                                                    Honolulu, Iune 28, 1892          june 30  1 m.

 

-----

 

Kauka Yong Kam Pung.

 

APANA

 

-----

 

Ke Kauka Loea o ka Aina Pua!

 

-----

 

                        Ua hiki ke hoola ia kela a me keia ane ma'i, mai ko na kane, wahine a me na keiki liilii.  O na ma'i ha-no ua hiki loa ia ke hoola ia me ka maalahi.  A o na ma'i e pili ana i ka maka pau pu ia i ke ola.  Ke hoike ia aku nei, eia ka ola ia nei, me ka oluolu pu o kahi auhau.  Ka poe @@ilikia hanau keiki a hele nui paha o ke koke a paa a lohi paha ka hanau ana, pa paha o ka waiu, e hele nui mai i o'a ne . 

 

                        E KIPA mai e ka poe i hooluuluu ia me na haawina pilihua a ka ma'i a na'u oukou e hooluolu aku.

 

KAUKA YONG KAM PUNG

Honolulu  Sept. 2, 1891                          d3 272

                       

HOOLAHA HOU

 

EALA, EALA.

 

B. F. Ehlers & Co. - PAINAP

 

Helu 99  Alanui Papu.

 

E Hoolohe hou mai e na MAKAMAKA, mai no a lokoino. e hele mau mai no oukou e ike ia PAINAPA, no ka mea, he kanaka oia i noho o kamaaina i keia kulanakauhale.

                       

                                    AIA MA KONA HALEKUAI NA

 

                                                Papale Wahine……………………………………………………

                                    Kinamu Nani    8 Ia…………………………………………………….$1.00

                                    Kalakoa Nani  18Ia……………………………………………………..$1.00

 

                                                E kuai aku ana MAKOU i ko makou mau waiwai a pau no ke Ku mukuai i haule iho i ko lakou mau Kumukuai nua.

 

                                                Na Palule $2.50 he $1.50 wale no, a o na Palule $1.50, he $1.00 wale no.  Ke ike mai la oukou i ka emi loa ana.

 

                                    Kupaianaha maoli keia emi naaupo ana e hele koke mai, o nele auane oukou.

 

                                                                                                                                                                                    B. F. EHLERS $ CO

 

-----

 

Huro!     No ka La Heihei.   Huro.

 

                        NA PAPALE O NA LEDE I HOONANIIA

                        NA PAPALE O NA KAMALII

                        NA AAHU NANI O NA LEDE

                                    He Kuai Hoemi Kuikawa no ka la 11 o Iuyne, ke malamaia ana @@@m kahi o

 

N. S. SACHS,

 

-----

 

104 Alanui Papu, Honolulu.

 

E hoemi ana makou i ke kumukuai o ka Makou mau PAPALE no ka la

 

11 O IUNE.

 

-----

 

                        E kokoke mai nei, ma ke kuai ana aku ma ke KUMUKUAI HAAHAAA loa i ike mua ole ia mamua, eia ia makou

 

                        Na PAPALE ANO HOU LOA MAI NEI.  a pela no hoi me NA ANO HOONANI HOU O NA PAPALE

 

                        o ke ano maemae a oi loa o ka maikai. a ua loaa pu mai nei no hoi ia makou.

 

                        NA PAPALE LUINA o ke ano hou loa mai nei, nolaila. e kipa mai ma ko MAKOU Halekuai nei i ike maka a e huipu aku an no hoi makou i ke

 

KUAI HOOPAU O KA PAPALE O NA KAMALII.

 

                        Na Papale Hele Kula o na opio, he 25 wale no oiai nae o kona waiwai io he 50 me u5 keneta.

 

                        Ina oe e makemake i lole maikai no ka la 11 o iune, eia ia makou kahi i waiho ai, a ke kakali aku nei no kou kii mai.

 

                        Na Lole Hapa Kanikau i hiki ke holoi ia, o ke ano Akala. Halenal@@@, Bolu a me Keokeo, o ke ano maikai loa a pilikia ole hoi ke holoi ia, he 25 keneta wale no o ka i-a.

 

                        Na Keokeo Lihilihi Paa pu maikai loa, a me na ano waihooluu a nau a ka manao e haakoi ae ai, e kuai ia aku ana no ke kumukuai haa@@loa.

 

                        Na Lole Keokeo a me na Lole Panio o na ano a pau i hiki ke holoia me ka mae ole, he nui loa ia makou.

 

                        E na hoa@@@, e kipa, e ike kumaka i ka nani o Aipo, he @@ ka lohe pepeiao.

 

                        # Hoomanao, @@ ke Kuai Hoemi ma kahi o

 

--------------------------: N. S. SACHS :--------------------------

                                                                                                                                                                                                                                    104 Alanui Papu, Honolulu