Ka Leo o ka Lahui, Volume II, Number 511, 1 August 1892 — Page 1
| This text was transcribed by: | Na limahana a pau o ka ?Aha Punana Leo, ko Ka Haka |
| This work is dedicated to: | ?Anake Lolena Nicholas |
KA LEO O KA LAHUI.
"E Mau ke Ea o ka Aina i ka Pono."
Buke II Honolulu Augate 1, 1892 Helu 511
He moolelo kaili puuwai
no
SENIA LUTERA
Ka ui Puuwai Mabala
o
ENELANI KAHIKO
a i ole
He Nanea Hooheno no kekahi Kauna Wahine Opio me kana mau Aloha Ekolu
(Mai ka peni mai a ka me kakau o Ane@@@@, a pela aku)
MOKUNA III
Na kaili aku oe i ke aloha a kaua puuwai mai aʻu aku, nolaila au pono oe o kaua ke kanu ola ia!
Oiai oia e hele ana, e kau maumai ana imua o kana mau hoomanao ana na helehelena huhu o kekamaliiwahine Enora kona enemi,a pela no hoi me Heneri kana kane ka mea ana i mare ai ma ia po.
Hoomau hou aku la no oia i ka hele ana imua no kekahi wahi pupupu hale e ku mai ana aole i mamao loa aku mai kona wahi poopoo mai ana i haalele aku la mahope, he wahi pupu hale hoi ia no kekahi mau wahi elemakule, e ku hookahi ana mawaena o ka ululaau
nunui e poaipuni ana i kekahi kula panoa akea.
Oiai ola e kuoe hookahi ana ia wa o ka po, he keu ka mehameha me ke auoano eehia, no ka mea ua
hapa no ka eleele o ka ipuhao i ka pouli oia po, a aole e hiki pono keike aku i ke alahele malalo o ka malu o na leo o ua poe kumulaau nei.
A mamuli o keia mau kumu, alu hou ae la iloko ana na hoomanao poina me ana no kana moeuhane
hooweliweli i loaa iaia ma ia po, oiai ka @@@ o @@@ laau e owe @@@malie ana ma ka paia o kekahi mau pali pehaku nunui e umalu koke mai ana ma kona mau aoao a pau.
A pae pono mai la no hoi ka leo hanehane o kekahi wahi kahawai nuku iloko o kona mao pepepeiao, e like me ka rula mau o na kahawai e lauwili mau ai i ka po a me ke a oia leo hookahi.
Ma keia wahi hoomaha iho la ua Senia nei me ka hanu kaumaha ana. oiai kona mau lima elua e palulu ana mamua o kona umauma iaia i hawanawana malie ae ai penei:
O, o kela hoku nani. keia hoku hoi aʻu i ike ai maloko o kaʻu moeuhane!
Makemake loa au e ike hou iaia; o, ke manao nei no au ikela moe no au i kekahi hoku i like loa me ia mamua, aka nae aole i maopopo iau ihea la ia wahi.
Me keia mau olelo, palulu ae la oia i kona mau lima elua mamua o kona mau maka, me ka hoomaumau ana, oiai ke kaumaha e lumilumi ana i kona puuwai opiopio.
Ane hoomamao aku la mai iaia aku ka hoomanao ana ua mare ia oia ma ia po me Heneri, ke keiki
kuewa. me he mea la aia kekahi mau helehelena okoa ke alai ia ma waena o laua.
Aka. nou e Senia Aloha, ua hala ka manawa pono no ia manao ana, no ka mea ua paa ko ihi i ka uwea
a aole hoi e hiki ia oe ke uilani hou!
Makemake loa au e hele mai kela mea aʻu e kakali ana ma kaʻu moeuhane e kii iaʻu. no ka lawe ana aku iaʻu ma kekahi wahi maikai me ia e noho ai.
Wahi hou ana me ke kahuli ano e ana ae o ka hooluu o kona mau maka. elike me na maka palupalu
o kekahi manu nunu.
O, e kuu hoa, kuu ipo, kaʻu mea hoi e lia nei. Ina oe he kino wailua. o oe koʻu akua e hoomana ai, aka, ina oe he kanaka elike me aʻu o oe koʻu hoa e lai ai ke kaunu i ka pili pahupahu i Kaukeano.
Ae he mea maopopo loa, ma na olelo maluna ae a ua Senia nei, @@ mea akaaka ua poina loa na hoo-
manao ana mai iaia ae no kana kane kuewa o ka mare ana ma ia pa, a aia kona manao a pau maluna o kela opio ana i ike ai ma kona moeuhane.
Aole i pau.
HE MOOLELO
NO KE KEIKIALII
AWAREDA!
a me
KA UI LEILA
o Noremadi.
(Kakauia no Ka Leo)
MOKUNA XII
Ka Nohoai i Hoohakahakaia.
Aole, aole ioa pela, eia oe ke kamailio nei me ka noonoo ole.
Pehea e hiki ai ia Odina ke hoihope mai kana olelo i hoike mai aima ka waha o kana kauwa?
Aole anei oia i kauoha mai iaʻu e mare me Awareda? wahi hou no a Elevira.
Aole e kuu kaikamahine maikai, aka o kana i hoopaa mai ai o kau kane e mare aku ai he moi no ia,
aole nae i maopopo o Awareda pahaa i ole he moi e aku no paha.
Ua ike mua no @@ i ko Awaredanele i ka nohoalii mamua o ka make ana o kona makuakane hoopono
elike me kaʻu i hoike mua aku ai ia oe, no ka me i ka wa no o ua moi nei e olà ana. ua ike e no au i ke
ano mimimo o kona koko alii, pela au i manao ai, e hiki mai ana ka manawa e nele ai ke koko oka lalani moi o Koratina iloko oka aakoko o na moi o Noremadi nei ma
keia mua aku.
No ka mea ke hoomau nei no o Awareda i kona ano hoomaloka, ahe hookae loa oia iloko okona naau ia Odina, a i ka nana aku me he mea la o ke kaikamahine a Kamila oia kona akua e hoomana nei;no laila he mea pono ke kaili koke ia mai ke kalaunu mai iaia mai,
mamua ae o ka paumaele ana ma kona mau hewa.
Ua hoike mua aku au ia oe, o oe ka lalani makuahine o ka lalanimoi hou o Noremadi nei, a mailoko aku hoi o kau mau pua e laha aku ai ka hanauna alii hou: nolaila o kau kane e mare aku ai, he mea maopopo loa oia ka moi hou o Noremadi nei.
Alaila, owai ana kaʻu kane e mare aku ai? i ninau hou mai ai o Elevira. Owau ka ike ia mea; nolailo e wa-
iho malie oe naʻu e hana ia mea.
Ua ano pioo ae la o Elevra iaia i ninau hou mai ai; owai ia mea, e oluolu e hai mai?
Mamua ae o koʻu hahai ana aku ia oe, e hoomanao oe e Elevira, o kekahi keia o na kauoha i loaa mai
iaʻu mai a Odina mai.
Nolaila, maililo kana kane i poni ai nau i mea nou e hookaumaha ia ai ina ua ku ole i kou makemake, e laa ke kupolo a pela aku. aoleloa e pili mai ia mau mea ia oe.
Ua ike no hoi paha oe e Elevira ia Morica, ke keiki a Orema?
Auwe, O morica anei kaʻu kane e mare ai!
Wahi a Elevira i hooho mai ai me ka puiwa nui, me he mea la. aole i komo ka hoihoi iloko ona no ka pahu olelo.
Ae, ua hai mai oe. O kau kane ia a na lani i manao ai.
O Morica ke keiki a Orema!
Wahi hou a Elevira i hoo@@@ mai ai, me he mea la ua lilo kela inoa i akua makau nana elike me ka ia i ka maunu ekaeka.
Ae, a pehea, e hoole ana anei oe iaia? i ninau mai ai o Kawerada me ka oe-oe ana o kekahi manamana lima i ka ukana o kona puka ihu.
Ua palupalu oia e ka makua hemolele?
Pela no, aka oia ke kane a na lani i hoopaa ai nou, a o kekahi no hoi: o ka bipi kahiko e like me ia. ua akena ia kona mioi no ka ikaika, wahi a Kaberana me ka hohola ana o ka minoaka ma kona mau papalina alualu.
Mamuli o kou opiopio loa aole i maopopo ia oe ke kumu o ko Odina mahao ana pela, aka noʻu iho,
he aniani kolohi ia mau mea a pau iaʻu, a ia kaua e kamailio nei me he ia oia pu kekahi maanei i keia
manawa.
Oiai hoi me ia kane elemakule e laha hou mai ai ka lalani moi hou o Noremadi nei.
Aole i pau.
NA MAI O KA POO
KA MAKA. NA PEPEIAO
KA WAHA, KA PUU AI,
A ME KA UMAUMA
-KA-
PUUWAI
AKEMAMA,
OPU,
KE AKEPAA
-A ME-
PUUPAA;
I huipuia me na maʻi o ke koko a me ka ili, ua hiki loa ia
Dr. McLen@an,
ke hoola ia mau pilikia a pau me ka hikiwawe i ike maa ole ia.
O kona wahi i hoonaauao ia ai ma ka ike lapaau, maloko no ia o na kula aoKauka kaulana o America Huipuia, a iloko o na makahiki he 14 i hala hope ae nei, na ike ia ka holopono o kana mau lawelawe ap@@@ @@ ma na mahele mai i hoikei ae nei maluna ma Kapalakiko. ma ke ola aua o kekahi poe mai i
hooiloiloia e kekahi poe Kauka aole e ola. E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekahi mau mai i hanaia o na Kauka no kekahi mau mahina a nona makahiki kekahi, aole nae he loaa o
ka oluolu, elike me––––Mr. Geo. Sherwood e noho nei ma Waikiki, i ike ia e na mea a pau nona ka Hale Ana@ o Waikiki, na DR. McLENNEN.
I hoopakele @@ iaia no kekahi mau pule pokole, mailoko ae o kona mai loihi. O Mr. J. T. Walakahauki. kekahi o na kalepa i kamaaina nui i ko ke kulanakau-
hale nei, na keia DR. McLENNEn i hoola iaia mai ka Rumakika @@ oiai oia ma Kapalakiko he mau makahiki i hala ae nei, ka maʻi hoi @@@ i hooopili
kia nui iaia ma Honolulu nei a holo ai no Europa, sole nae i old a e ole o DR. McLENNEN ola ai, ue na mea aku i koe, e hele a huipu me Mr. Walakahauki. O Mr. Thos. Rewcastle e hana nei ma ka Hui Hana Hao Lokahi, e mau makahiki i loihi ae nei kona loaa ana i ka mai eha o ka opu, ua imi i ko ola aole nae he loaa, aku, he mea makehewa ko makou kamailio ana aku no ia mea, e pono o e ninau iaia, a nana i hoike mai. Na Dr. McLENNAN. i hooia ia Thomas P. Spencer o ka Elele,
W. Heilbron o ka Halekuai Bipi Metapo@@ana; Mrs. Mary Robinson. he wahine Hawaii mai Paia, Maui mai, mai kona maʻi Akepau mai, o Geo. Townsend eneginia o ke Kaawai Helu Elua, mai kona mai mai ma ka ili a me ke koko ino, i hanaia e kekahi poe kauka e a@a loaa ole ke ola, a na Dr. McLENNAN, i lapaau a ola. He lehulehu wale ka poe Hawaii i hoolaia, e pau ole ai ma keia kolamu.
O ka poe mai e makemake ana ia Dr. McLENNAN, e hele ae ma kona K@@@ Hana ma kona wahi noho, o ka poe o na ano maʻi a pau me ka maʻi hookaawale ohana ma ka Alanui Alakea, ma ka@@@@ ma Waikiki o ka Hale Ahahai Opiopio o na @@, kahi @@@ noho hope loa ia iho nei o Dr. Luka.
Na Telepona
Hale Helu 197 @@@@@ Helu @@@
@@@@@