Ka Leo o ka Lahui, Volume II, Number 513, 3 August 1892 — Page 1

Page PDF (989.15 KB)
This text was transcribed by:  Na limahana a pau o ka ?Aha Punana Leo, ko Ka Haka
This work is dedicated to:  ?Anake Lolena Nicholas

KA LEO O KA LAHUI.

"E Mau ke Ea o ka Aina i ka Pono."

 

Buke II.      HONOLULU AUGATE 3, 1892            Helu 513

 

HE MOʻOLELO KAILI PUUWAI

 

NO

 

SENAI LUTERA

 

Ka Ui Puuwai Mabala

 

:o:

 

ENELANI KAHIKO.

 

A I OLE

 

He Nanea Hooheno no kekahi Kauna Wahine Opio me kana mau Aloha Ekolu.

 

Ma ka peni mai a ka mea kakau o Avereda, a pela aku

 

MOKUNA III

 

Ua kaili aku oe i ke aloha a kaua puuwai mai aʻu aku, nolaila ua pono oe o kaua ke kanu ola ia!

 

          Ke leo hoi nana i hoauau i kona uhane me ka wai o na pua o ke kula, aka o kana leo i lohe aku ai ia manawa o ko Enora no ia, a ua opiopina hoi ua leo la iloko o ke kuakoko o ka huhu nui. iaia i olelo mai ai penei:

          Ua kaili aku oe i ke aloha a kuu puuwai mai aʻu aku, nolaila maluna ou na hoino a me na hoahewa ana a pau, a o ka make oi kou hoopai kupono!

 

MOKUNA IV

 

          E ke Akua o keia ila uuku maluna o koʻu lima ka nana i hoike mai, o oe no kuu lei i nalowale ka mea aʻu e imi nei.

 

          Me kela leo hookae o ka piha hu@ a me ka lili punalua, e wawalo ana me ka ikaika. i like loa ke anoano a me ke puanuanu o ke koko e liko me na hiona weliweli a ua Senia nei i ike ai ma kona moeuhane pahaʻohaʻo.

 

          E ke Akua Kiekie he moeuhane anei kaia a ua nohea nei a i ole ua maalo loa aku no paha kela moeuhane weliweli mai iaia aku, a he mau mea io maoli keia?

 

          Ua kaili aku oe i ke aloha a kuu puuwai mai aʻu aku, nolaila maluna ou na hoino a me na hoahewa ana a pau a o ka make oia kou hoopai kupono!

 

          Wahi hou a ua Enora nei i ka mailio hou mai ai me ke aloha ole i ukaliia e kekahi leo akaaka lokoino ku i hoonaaikola e wawalo hele ana iloko o ka ululaau i lawa me ka mana i hiki ke hoopio i ka pana ana o ka puuwai o ua Senia nei no kekahi manawa loihi.

 

          Ae, ua kaukolo mai ua Enora nei mahope o kona mau kapuai me na maka okooko o ka inaina, me ka hii pu ana ma kona poli i kekahi pahu uuku, kahi hoi a kekahi mau m@o nahesa e lapuu ana i o a ianei me kona alelo awa.

 

          Ua lohe aku la o Senia i ka haluku mai o ua mau moo la, a ua koho koke iho la oia iloko ona he he moo ka mea iloko o ua wahi hoowaa la, no ka mea o na moo nahesa na kupa o ia ululaau.

 

          Nolaila, e like me ka hikiwawe o ka olapa ana a ka malamalama o ka uwila, hoomanao ae la oia i na olelo oolea o ka huhu o ua Enora nei i kamailioa mai ai iaia.  me kona hoohiki pu ana mai hoi imua on a pau pele a pau mano, e pepehi koke mai no oia a make kanu, ma oia e piko pau iole ana ia Heneri mai ia ia mai.

         

          Me ia mau noonoo, hoohoio iho la oia me ke kanalua ole, oia no ke ano o keia huakai a ua Enora nei o ka ukali ana mai mahope ona iloko o ka puuwai o ka ululaau: nolaila aloha iho la na Senia nei iaia, no ka mea ke hahai nei ka make iaia ma na wahi a pau.

 

          No kekahi mau sekona pokole mahope iho o na elele hooweliweli aua Enora nei i luai mai ai aia hoi hookuu mai la ua kaikamahine kuawa puuwai ole a uhane ole nei i ka ukana ana i lawe mai iloko o kahi holowaa uuku ana epaa ana ka popo auhuhu hoi e hookoia ai kona lili maluna o Senia, a me he mea la i paiia ae na maka o ua Senia nei aia hoi pouli pu iho la kona ike.

 

         

HE MOOLELO

 

@

 

AWAREDA!

 

a me

 

KA UI LEILA

 

o Noremadi

 

(Kakauia na Ka Leo)

 

MOKUNA XIII

 

Ka inoi kuapuu o Noremadi

 

          A e ola ana oia ia manawa ma ke kulana kupilikii elike me ka ilihune o ka iole i ahona i ke aloha mai o kona mau hoa o ke komo pu ana iloko oia mau hoouka kaua he nui.

 

          Ua hala aku kana wahine ma kela aoao mau o ka poeola a he keiki hookahi ke ola ana me ia oia hoi o Morica.

 

          He kina ko kela Morica mai kona hanau ana mai e hiki ole ai ke holoiia a hiki iko laua kanu pu ia ana iloko o kaluakupapau hookahi.

 

          Oia hoi, ua hanauia mai oia ma ke ano bipi kuapuu no Nouaiki; me ke poo nui hewahewa i kupono ole no kona wahi kino panana-iki.

 

          A he akua hoomakaʻuka maoli oia ma na ano a pau i ka nana aku oiai kona auwae a me kona mau papalina ua paa pono me ka umiumi kuku oolea e hoolilo ana hoi iaia i akua huluhulu a i ole i eepa no Waolani.

 

          He oiwi kino ano paakiki kona, a he mau lala hoi i olokea ia ma na io huki maloeloe elike me ko ka bipi kolo.

 

          He wahi peke maopopo oia no pili pono ka la i Papaenaena.

 

          He oihana lapaau me ka hookohukohu kahuna, oia kana hana i komo kuhohonu ai me kona uhane a pau mai kona mau la opio mai.

 

          O ke kanalimala o kona mau makahiki ia manawa, a ua like hoi me kanakolu makahiki a oi o kona la welawela ana ia hana.

 

          A iloko oia manawa loihi he nui kona hoowahawahaia mawaena o ka poe maikai, no kona kimopo i kapuahi a ka poe mea kapuahi.

 

          He wahi manawa uuku loa kona i ike ia ai ma ke kulanakauhale o Wavela, mamuli iho la o na kumu i hoike mua ia ae nei i kou mea kakau.

 

          Oia hoi ka hilahila i ke poo kapiki on a, ke kua kamelo a me kela mau hana ana i kona mau la e uilani ana ka io no ka ai o ke ao nei.

 

          Ma ke kakahiaka nui poniponi o kekahi la ae, oiai hoi ua Orema nei e noho ana me kana keiki iluna o ka ilihonua mamua iho o ke alo o ko laua wahi papai hale e walea ana hoi i na hana wini mua oia kakahiaka.

 

          Me ka mahalo ana i ka nani oi kelakela o ka la opuu kakahiaka, hoea aku Ia o Kaberana imua o laua, a mahope o na kukai aloha ana hoi aku la lakou a pau iloko o ka hale.

 

          Ua hoopiha loa ia ke koa kahiko me ka hauoli i kona halawai ana ma ia kakahiaka e ke kahuna o Odina, kana aikane hoi o ka wa kamalii o ka holoholo pu ana.

 

          No Monica hoi ke kuapuu, aohe on a ano hoihoi no ko Kaberana hoea @ aku.

 

          Elike no me kona ano mau o ka huhu i na mea a pau e hele aku ana, koe wale no ka peo i kamaaina iaia.

 

          Nolaila, aole no oia i hoike mai he mau hiona o ka hauoli iloko on a ma keia halawai a na hapauea.

         

          He nui na mea hou ano nui a hoopuikaika noonoo o keia mau la wahi a ua Kaberana nei me ka pu ili ana o kona umauma, a pela i loaa ai ka ulia o keia halawai ana o kakou.

 

          Ae, wahi a Orome, he nui na mea ho@ o keia mau la e ka makua hemolele.  O kekahi o lakou aʻu i lohe mai ai ika penei ua holo mahuka aku nei ka moi opio mai Noremadi nei aku.

 

          Wahi a Orema i pane aku ai i ka kahuna o Odina.

 

NA MAI O KE POO

 

KA MAKA         NA PEPEIAO

KA WAHA,        KA PUU AI, A ME KA UMAUMA

 KA

 

PUUWAI,

          AKEMAMA,

                   OPU,

                   KE AKEPAA,

                            A ME

                            PUUPAA:

          I huipuia me na maʻi o ke koko a me ka ili, ua hiki loa ia

 

DR. MCLENNAN

 

          ke hoola ia mau pilikia a pau me ka hikiwawe i ike mua ole ia.

 

          O kona wahi i hoonauao ia ai ma ka ike lapaau, maloko no ia o na kula ao Kauka kaulana o Amelika.  Huipuia, a iloko o na makahiki he 14 i hala hope ae nei, ua ike ia ka holopono o lana mau lawelawe apau ana ma na mahele mai i hoikeia ae nei maluna ma Kapalakiko ma ke ola ana o kekahi poe mai i hooiloiloia e kekahi poe Kanka aole e ola.  E nana i kekahi mau hoike e pili ana no kona makaukau, iloko o kona mau la pokole o ka hiki ana mai i Honolulu nei, o kekahi mau mai i hanaia @ na Kauka no kekahi mau mahina a no na makahiki kekahi, aole nae he loaa o ka oluolu, e like me  --- Mr. Geo. Sherwood e noho nei ma Waikiki, i ike ia e na mea a pau nona ka Hale @ o Waikiki na

         

          Dr. McLENNAN

 

          i hoopakele ae iaia no kekahi mau pale pokole mailoko ae o kona mai loihi. O Mr. J. T. Waiakahauki, kekahi o na kalepa i kamaaina nui koke kulanakauhale nei na keia.

 

          Dr. McLENNAN

 

          ola ai no na mea kau i koe e hele e huipu me Mr. Walakahauki.  O Mr.Thes Reweastle e hana nei ma ka Hui Hana Hao Lokahi, e mau makahiki loihi ae nei kona oaa ana i ka mai eha o ka opu, ua imi i ke ola aole nae he loaa, aka, he mea makehewa ko makou.  kamailio ana aku no ia mea, e pono no o ninau iaia , a nana e hoike mai Na

 

          Dr. McLENNAN

 

          i hoola ia Thomas P. Spencer o ka Elele W. Heilbran oka Halekuai Bipi Metapolitana; Mrs Mary Robinson he wahine @ mai Paia, Maui mai mai kona maʻi Akepau mai o Geo Town@  @ o ke Kaawa Helu Elua mai @ mai mai @ ka ili a me ko koko ino i hanaia e kekahi poe kauka e ae a hoea ole ke ola a na

 

          Dr. McLENNAN

 

          i lapaau a ola. He lehulehu wale ka poe Hawaii i hoolaia, e pau ole ai @ keia kolamu.

 

          O ka poe mai e makemake ana ia Dr. McLENNAN, e hele @ ma kona @ Hana @ kona wahi noho, o ka poe o na ano maʻi a pau me ka maʻi hookaawale ohana ma ke alanu alakea ma ka aoao ma Waikiki o ka Hale Ahahui Opiopio o na @ kahi hoii noho hope loa ia iho nei e Dr. Luka

 

          Na @

 

          @ @ 107   @ @ @

          June 17 @