Ka Elele, Volume 3, Number 8, 15 July 1847 — HOOLE AWA. [ARTICLE]

HOOLE AWA.

0 ka awa kahi mea ona, A na kanaka e inu nei, Na kane wahine kamalii, Pau pu lakou i ka ona. 1 ka awa me ka rama, I ka baka me ke gini, I ka ipu me ka uala, I ke kaila me ka waina, Na mea ona no a pau, Ino maoli kela mea, Pono ole ke inu aku. Kumulau hoolaha ino, Na hewa me ka ona, O ka awa kahi mea ino, Pupuka kana hana, Ulaula kahi maka, Makole maka piapia, Nakaka kahi ili,

Moloa a hiamoe, Hoomana i na akua kii, I oluolu mai lakou. Iehova ke Akua no, Kapu na mea ona a pau, Olelo mai Iehova ia Mose, E inu wai ka Isaraela. Pela no kakou a pau, E inu wai pu kakou, Wai puna huihui loa, Waikahe o kahawai, Wai ono o uka lilo, Pono wau ke imi mau, Na mea huihui a pau, I ka ai me ka ia, I ke kapa me ka hale, I ka pule me ke kula, I ka ike naauao. A kani mai kahi bele nei, Ku no wau a hele pu, Me ka poe imi pono, Aole au e hele pu, Me ka poe inu ona, Auwe! auwe! Ka make ka make, Ka inu i na mea ono.