Ka Nupepa Kuokoa, Volume LXII, Number 13, 29 March 1923 — KUU LEI ALOHA HE KEIKI UA HALA. [ARTICLE]

KUU LEI ALOHA HE KEIKI UA HALA.

E Mr. Lunahooponopono; Alolm oe a nui:—E oluolu mai oe e hookipa iho ma kahi kaawale o kau ahailono ahonui, i ike mai ai na kini ohana, na hoaloha hoi me na hoalauna o kuu lei Wm. Lonokaiolohia K. Hodge, e noho ana i ka la liiki ma Kumukahi a ka welona a ka la i Lehu. Ua haalele mai kuu leialoha ia'u i ka la 30 lanuari 1923, ma ko maua home aloha, ma Kaaluhee, Wainiha. Ua hanauia oia i ka la 17 o Aperila, M. H. 1906, ma Haena, Kauai; ua piha iaia na makahiki he 16 me 9 mahina, me na la keu o kona hanu ana i na ea o keia ao inea, a haln aku la. Luuluu wale! Ua hala mua no kona papa, Wm. Kamakaualani Hodge ma ke alahele ana i hele aku la, a koe au kona mama me kona pokii kaikuahine, e paiauma aku nona ma keia ao. Ile keiki aloha makua oia, a ua lilo no au kona mama i mea nui iaia. Ua hoonaauaoia uo oia ma ke kula olelo Beritania o Haena, a o ka hope ma Waioli, a na ka nawaliwali o koaa kino, i hoonoho iaia ma ka home. He haumana oia no ke Kula Sabati o Waioli huiia, he lala pu no ke C, E. Kuwaena, pela me ka Y. M. C. A., ma ia mau liana maikai no oia i hana ai a hala aku la. Ahoha no ke hoomanao ae i leana j mau hana! Luuluu Hanalei i ka ua nui, Kaumaha i ka noe o m Alakai. 0 k6 alahele ana i liele aku la, e loaa aku ana no ia ia'u, aka, oia, aole e hoi hou mai ana, ua hala i ke ala hoi ole mai. E ke kehau anu o Manoa, me ka huli wai ama 'u o Limahuli, o ka lei a olua i pulania ai a nui aole iho nei oia. Aia paha me ka poli laua'e o Maleana i na wni o Kapalae me Kanaloa; ke i mai nei ka hanehane aole no ilaila, eia aku nei paha oe i ka hakalewa o Nualolo, i na pali o ahi o Kamaile me Aneki? He iki ka hana a ke aloha, hainaia no e ka waimaka hanini mawaho, e uwe no au ia oe e kuu lei, hele loa, kuu hoapili o na wahi apau. E ke onekani o Nohili me ka lei pahapaha o Polihale, aole oia e hui hou ana me olua. E kauhale a Limaloa i ka wailiula o Mana, aole oia e hooipo hou ana me olua. Ena niu o Kaunalewa me ka ohai o.Papiohuli, ke huli nei au ia oe e kuu lei, aoie iho nei oe, eia aku nei paha oe i Kikiaola, i ka auwai a ka Menehune, e inu ana i ka waiula me ka wai kca,"na witi kaulana o Manokalani. E ka laula o Kapaa i ka lulu o Moikeha, o ka pua lei a olua i pulama aloha ai, aole iho.nei oia, na lioi no paha i ke onehanau, e hooipo me na lehua o Luluupali, i ke kai aloha o Kaumaka, huna na maka 0 kuu lei ua hoi i ka home maha mao, i ko ai na mea i hoikeia e ka Baibala, he mahu ke ola o ke kanaka i pua ae a nalo ak t. E hoomaikaiia ka inoa o lehova! Ke haawi aku nei au i ko'u hoomaikai palena ole i na ohana rae na hoaloha, i hoaumoe pu me a'u oiai ke kino o kuu lei e kau ana, pela me na lei me na bo-ke pua i hoowehiwehi iho i kona home hope loe, ka poe na lakou i eli ka lua, pela pu i ka Makua Kahu D. K. Kaaeamoku, nana na leo pule i haawi iho no kona kino lepo, pela 1 na hoaloha Kepani, no oukou apau ka'u mau hooniaikai; me na limahana o ke Kuokoa ko'u hoomaikai hope. Owau iho no kona mama iloko o ke kaumaha me ka luuluu. MES. MINNIE K. HODGE, me ka Ohana. Wainiha, Kauai, Feb. 20, 1923.