Ka Wai Ola - Office of Hawaiian Affairs, Volume 38, Number 9, 1 September 2021 — Ka Lani Alii Hope O Hawaii [ARTICLE+ILLUSTRATION]

Ka Lani Alii Hope O Hawaii

y HA'I MANA'O OPINION

Na Anakala Hinano Brumaghim Ike kakou e pili ana ka Hale o Kamehameha, oia hoi, o Kamehameha I, KalanikuaLiholiho, Kalanikauikeaouli, Alexander Liholiho, a me Lota Kapuaiwa. I ko Lota Kapuaiwa hala ana, aohe hooilina Moi. No laila, ua koho ka poe Hawaii ia William Charles Lunalilo, he moopuna o Keliimaikai, ke kaikaina o Kamehameha I. I ko Lunalilo hala ana, aohe hooilina Moi. No laila, ua koho ka Aha Olelo o Hawaii ia Davida Laamea Kalakaua. I kona hala ana, ua ukali ia oia e Liliuokalani, kona kaikuahine. Hoi, ua kahea ia o Kaiulani i ka hooilina Moi, aka ua hala oia i 1899. I keia manawa, ua hanau ia o Jonah Kuhio Kalanianaole Piikoi i 1871. O kona Makua kane o Davida Kahalepouli Piikoi, ka hoahanau o Kalakaua, ka Moi o Hawaii. O kona Makuahine o Kekaulike Kinoiki II, ka moopuna o Kaumualii, ka Moi o Kauai, a me kekahi kaikaina o Kapiolani, ka wahine o Kalakaua. He elua ona kaikuaana, oia hoi, o Edward Keliiahonui Piikoi a me Davida Kawananakoa Piikoi. O kana wahine o Elisabeta Kahanu Kaauwai. Aohe keiki! I ko Kinoiki hala ana, ua hanai ia na keiki Piikoi e Kalakaua. Ua hala o Edward i 1887. Ua hala o Davida i 1908. 1 1902, ua hookoho ia o Keikialii Kuhio i ka Aha Olelo Lahui o Amelika Hui ma Wahinekona. He Repubalika oia. 1 1917, ua hala o Liliuokalani. 1 1920, ua apono ia ka Hawaiian Homes Act e ka Aha Olelo Lahui o Amelika Hui no na makaainana. A laila, i 1922, ua hala o Jonah Kuhio Kalanianaole Piikoi, Ka Lani Alii Hope o Hawaii. ■

Wayne Hinano Brumaghim is a graduate of the Kamehameha Schools, and the University ofMaine where he earned a BA in mathematics/engineering. He served in the U.S. Air Force and lived on the continent until 1984 when he returned to O'ahu to carefor his mother. He retiredfrom the Sheraton Waikīkī in 2005 and returned to school at UH Mānoa, earning both BA and MA degrees in Hawaiian studies in his 6os. Brumaghim resides in Papakōlea.