Hawaii Holomua, 2 May 1891 — KA MAKOU PEPA O KEIA LA. [ARTICLE]

KA MAKOU PEPA O KEIA LA.

E hoomanaoia o ke kino, ke kii a me ka nanaina o ka makou pepa e oili aku nei i keia la imua o ka lehulehu, oia ke kulana a me ka oiwi o ka makou nupepa puka pule e hoopukaia aku ana ma ka la 9 o Mei ae nei: E ike iho ana ka lehulehu ua like no a like ka nui a keia pepa me ko na nupepa makua e hoolahaia nei mawaena o kakou, oia ke Kuokoa me Ko Hawaii Pae Aina i huiia a me ka nupepa Elele. He mea pono i na makamaka ke hoomaopopo iho, o ke kumu nui o ko makou hoouai e ana aku i keia pepa ma keia la, i mea no na makamaka e ike iho ai i ke kulana o ka makou nupepa puka pule, a i ole hoi lakou e haohao a kanalua iho paha no ke ano a me ka nui o ua pepa la a makou e hoopuka aku ana. Ke puka keia pepa ma ka la 9 o Mei nei, alaila, he $1.25 wale no ka uku pepa no 8 mahina, mai Mei aku nei a pau i Dekemaba. Hookaa mua ka rula.