Hawaii Holomua, Volume III, Number 2, 7 January 1892 — HE OIAIO ANEI? [ARTICLE]

HE OIAIO ANEI?

Mai ka nupepa Puka La mai o ka Poakolu. Mamuli o ka manao a makou i hoopuka aku ai i nehinei, nona ke poo—”Ku aku la i ka Pua a Pikoiakaalala” —ua hoouna ia mai la ka lono i o makou nei, eia ka ke hoohalua ia mai nei makou e na ene- mi, e ake ana e imi i kahi e hiki ai ke hoopilikia mai, i wahi e kinai ai ia makou a hoopau i ka makou mau kamailio ana a hoike ana i ka oiaio. O ka makou wale no e pane aku nei, oia keia—e hele mai, ua makaukau mau ka malamalama e hoomalamalama aku i na kuono pouli o ka manaoino.