Hawaii Holomua, Volume III, Number 2, 7 January 1892 — NA LONO. [ARTICLE]

NA LONO.

He nui na lono e lauahea nei ma na pipa alanui o kakou i keia kakahiaka e pili ana i na hana a kekahi mau Alii a me Lunamakaainana i ka la iho la i nehinei no kela olelo hooholo hilinai ole i ka Aha Kuhina. Ke lono ia nei ua hele kino aku kekahi haole kalepa me kona mau pakeke i piha i ke dala a haawi aku la i na kipe i kekahi mau Hoa. He mau lono lapuwale keia ina he oiaio, aka, ina aole oiaio, he mea pono e kinai ia ka hoolapuwale ana i ka inoa o na Hoa o ka Ahaolelo. E imi aku ana nae makou i ka oiaio o keia mau lono, a e waiho aku hoi imua o ke akea.