Hawaii Holomua, Volume III, Number 3, 14 January 1892 — KE KULANA 0 KE A UPUNI. [ARTICLE]

KE KULANA O KE AUPUNI.

— Ae! He mea nui ke kulana o ke Aupuni, a o ka oi loa aku, oia no ke kulana o ka aina. He nui na kakaolelo e hoike nei i ko lakou naauao a me ke akamai e pili ana i ke kulana o Hawaii. O kekahi poe, e olelo ana he kupilikii ke kulana, a e uhi ana i ka lakou mau olelo me ke koloka o ka hoinoino. A o kekahi poe hoi, ua palaina iho i ka lakou mau hoakaka, me ka hoohinuhinu ana a lilelile. O ka makou wale no e olelo aku, ma ke ano he wahaolelo no ka lahui, eia ka aina iloko o ke au holomua, a eia ke Aupuni iloko o ke au onipaa. Aohe kumu no ke pihoihoi, aka, he nui na kumu no ka hauoli.