Hawaii Holomua, Volume III, Number 143, 20 January 1893 — KAMAHAO LUAOLE. [ARTICLE]

KAMAHAO LUAOLE.

O keaha ke kamahao? O ka malama o na makaainana o ke Alii i Kona leo Alii. I ke aha? I ko lakou lei haaheo iloko o ko lakou umauma, e peepilipoli ana iloko lilo o ko lakou mau puuwai a e kau mau ana iluna o ko lakou mau umauma i keia mau mapuna leo Alii—e lilo i kiai no oukou ka maluhia—ma ka oukou kuka ana, ko oukou hele ana, ko oukou noho ana, ko oukou hiamoe ana, a i na manawa no a pau—e malama loa i ka maluhia.