Hawaii Holomua, Volume III, Number 148, 27 January 1893 — Page 3 Advertisements Column 2 [ADVERTISEMENT]

NA LALA O KA OIHANA KINaIAHI. Pauku 10. Ua hiki no i kekahi mea e lilo i Ul* no ka Oihan* Kinaiahi o Hilo ma ke koho ae ana a ka hapanui o na lala o kekahi puali kinaiahi, a ua mea la i noi aku ai, eia no nae, aole ua mea la he me* aeahaukae a kupono ole paha, a aole i hoahe«raia no kekahi feloni i kala ole ia. Ona lala oka Oihana Kiuaiahi i lawelawe mau ika lakou mau kana no ka manawa aole i emi malalo o hookahi makahiki mamua koke iho o ka la mua o Juiai o kela a me keia makahiki. aua loaa he palapala e hoike ana no la mea. e hookuuia mai ka hookaa ana i ka auhau kino, kula ame alanui iloko o kela ame keia makahiki. Oia poe lala wale no ka i aeia e koho ma na koho ana o ka Oihana; a e hoomaopopo hou ia, ao!e e kuleana kekahi mea malalo o na makahiki he umikumamawalu e koho. NA PUALI KINAIAHI. Paukl* 11. E like no ka nui ona puali ona poe kinaiahi me na mea i hooholoia i kela ame keia manawa eka Papa Luna Oihana. Ua hiki i kela a me keia o na puali i oleloia ke koho mai loko ae » kona mau lala iho i luna hoohana, kokua luna hoohana, kakauolelo a me ka Puuku. Ua hiki noe hoohuiia na oihana hope elua ike kanaka hookahi. Ua loaa no ka mana i kela a me keia puali e hana, hoololi a hoopau i na rula me na hooponopono ana ia lakou i kue ole i ke kanawai. a i ole ia, me na rula a me na hooponopono ana o ka Oihana e like me k& mea kupono. Pavku 12. E hele ak-u no kela a me keia kanaka kinaiahi i na hoomaamaa ana a me na hookahakaha ana a pau, a pela no hoi me na halawai ana o ko lakou mau puali pakahi, ma aole i keakeaia mamuli o ka ma’i maoli ana, a i ole ia, no ke kaawale ana mai Hilo aku, a e noho malalo o na rula a pau o ko lakou mau puali pakahi a me ka Oihana Kinaiahi. E hele koke aku kela ame keia kan&ka kinaiahi i ka wa e pauahi ai, a e hele aku me kona puali a hiki i ka mauawa a ka luna hoohana, a i ole ia. a ke kokua e kauoha ai e hoi. Pauku 13. Aole e emi malalo o hookahi manawa iloko o kela a me keia malama e hoomaamaaia ai na kaawai a me na mea hana lehulehu, a e hoomaemae pono ia a nanaia. Ina aole e hele ae kekahi kanaka kinaiahi ma ia hoomaamaa ana, a i ole ia» ua hoole a hana ole paha i ka hana ana i kekahi hana e pili ana, e kauia maluna ona ka hoopai i hoakakaia e na rula o ka Oihaua, a i ole ia. o kona pu&li paha. NA PAUAHI. Pauku 14. Ina i ka manawa o kekahi pauahi, o kekahi mea e komo aku ana maloko o na palena i kauia e ka Luna Nui (koe na ona a poe paha e noh ' ana maloko o na hale e pili koke ana me kahi o ua ahi la), a i ole ia, e keakea ana i ka laweia ana a hoohanaia ana paha o kekahi kaawai a mea hana paha, a i ole ia, me ka manaoino a kolohe a nana pono ole paha, ua pii aku maluna o kekahi laina iliwai e hoohanaia aua ma ia pauahi, a i ole ia, ma kekahi ano ma na manaaa e ae, ua hanaino me ka manao maoli no e hana pela i kekahi o na pono kinaiahi, a i ole ia, ma na hana e ae ua keakea i na hana o ka Oihana ma ke kinai a hoomalu ana ia mea, e kauia maluna ona ka hoopai aole e oi ae mamua o elua haneri me kanalima dala. Pauku 15. Ua loaa ka mana ika Luna Nui ame na makai e h<>okaawale aku, a i ole ia. e kauoha e hookaawaleia aku a j>aaia mai kahi kokoke i keKahi pauahi, me ka ikaika ma he kupono, i kahi kanaka noho wale, a i ole la, i hoohuoiia a me na kanaka a pau, ma ko lakou noonoo ana, aole i kupono e hoohanaia, a i ole ia, aole i hoohanaia ma ke kokua ana i ke kinai ana a kaupale ana paha i keahi, a i ole ia, ma ka malama ana i na waiwai ma na wahi aokoke i ke ahi. Pauku 16. E loaa no ika Luna Nui a tne na poe e hana ana malalo o kana mau kanoha, i mea e hoopakeleia ai na waiwai a i mea e kaupale ia ai kekahi ahi, e komo maloko a maluna o na wahi e pili koke ana me ia ahi; a o kekahi mea e hoole ana ia komo ana ua hiki no ke hookaawaleia aku ma kahi e me ka ikaika. Pauku 17. E loaa no ina kaawai, na kaa a me na mea hana eae o ka Oihana Kinaiahi, i na manawa a pau e hoikeia ae ai he pauahi, ka mana e hele ma ua alanui, ala ololi, ala liilii a me na alaloa a pau ma ke kulanakauhale o Hilo. Pauku 18. E hoike koke aku na poe e noho ana ao na ona paha o kekahi hale i aia e ke ahi, a i ole ia, i aneane pilikia i ke ahi iloko o laila, i hoahuia ai kekahi mea pahu a aila paha no ia mea i ka Luna Nui. Pauku 19. Ma na wahi i pili ai na mea i hoakak.ua ma ke Kanawai e pili ana i ka Oihana Kinaiahi o Honolulu. oia hoi ka Mokuna XLV, o na Kanawai o 1888, no ke kinai ana a kaohi ana i na ahi. i ke kulanakauhale o Hilo, e mana no ia a e iilo i mana piha no ka hana ana i kekahi hana i oleloia maloko o laila no ua niaa hana la. Pauku 20. E lilo keia Kanawai i mea mana a e lilo hoi i kanawai mai a mahope aku o kona la e aponoia ai. Aponoia i keia la 9 o Januari. M. H. 1893. LILIUOKALANI K. Na ka Moi: