Hawaii Holomua, Volume III, Number 162, 17 February 1893 — UA PAPA IA. [ARTICLE]

UA PAPA IA.

O ka Lunkini o Kaumakapili, he Betela ia i hoolaa ia no Iehova Sabaota, ke Akua Kiekie Loa, e like no hoi me na luakini e ae. He wahi hoano ona mohai hala, a e hoomaha aku ai i na kaumaha a me na luuluu iraua oke Akua, a [ me ka haawi ana i nā leo pule. Ua kaulana na makua misionari mua 0 kakou i hala i ka make. ka poe na lakou i kanu mua ka hua o ka pono ma Hawaii nei, a i koi mai i na kanaka e pule hooki ole, i mea e loa» ai ke ola. Ua kamaaina no hoi kakou i ka lakou mau mamo, a o na keiki no hoi a lakou kekahi mau haiola o loko o keia luakini, eia nae, ua hookuia ia mai makou no lakou. Ano iho la, i lohe mai ai makou, ua papa ia aku a ua hookapu loa ia ka pule ana i ka inoa o ka Moiwahine Liliuokalani, a ua hoopau pu ia aku hoi ke anaina haipule kakahiaka a na kanaka maloko oua iuakini nei. O keia iho la ke kumu nui i lohe hou ole ia ai kela leo bele e pa-e ana i ka hora 4 o na kakahiaka a pau ma Kaumakapili. a i hoakoakoa ae hoi 1 kekahi wahi heluna kanaka uuku me na mea kaua ole ho ka haipule ana.