Hawaii Holomua, Volume III, Number 170, 2 March 1893 — BONAKILA [ARTICLE]

BONAKILA

MOKUNA XV. HE KIAHA I.AAU MAKE. Uhi mai la ka po, a mamua ae o ka haule ana o na kulu pakaua mua loa o ka ino maluna o ka ilihonua, aia hoi hoea mai la ka elele a me ka Makua Aderina. He ulia pomaikai nui keia no laua, no ka mea ia laua no a komo malalo o ka malu o ke anahuna, ua haule iho la ka ua me ka ikaika nui. Nolaila, hoomaikai ae la ua kahunapule nei i ke Akua, no kona pakele mahunehune ana ma ka Apua. Akahi no a pono iho la, wahi a ke aliipowa Bereda, oiai oia e lululima aloha ana me ke kahunapule. O ka uhane maikai nana i hoopakele mai nei ia o e eka makua hemolele mai keia ino ae oia uo auanei ka mea nana e kokua mai ia oe ma ka hana nui au i hele mai nei e ka Makua. Aole o’u manao pela e Bereda maikai. No ka mea he wahi malihini loa keia ia’u, wahi a ke kahunapule. Pela io no e ka makua maikai. Owai keia manu punua au e makemake nei i kokoolua a i hoapili nou? Ke ninau mai nei anei oe no kuu wahine? Ae e Bereda. Ma o kuu ola la, manao au e hai hou mai iloko o ko’u kulana kahiko, ina nae he wahi kaawale kekahi o kou kakela nani nei. Aole, aole loa, e ka Makua Aderina. Aole loa e hiki ke hanaia pela ihea auanei e loaa ai la makou ko makou kahunapule ina oe e haalele ana i ka hale hoohiki laa? Auwe he nui loa o lakou. E nana oe e Bereda, a i ole aole auanei e loaa ia oe na hoomaikai ana mai kekahi mau kahu. na mai o ko makou poai laahia. Pehea? Heaha ke ano o kau mea e olelo mai nei? Hamau! He mea huna ia. Aole o kela ana o Donesusa wale no ke ana hookahi i loaa ua pepeiao, nolaila, mai ninau mai oe ia’u no ia mau mea a pau.