Hawaii Holomua, Volume III, Number 170, 2 March 1893 — HE MOOLELO EEHIA NO KE KANAKA-AUWANA O KE AU KAHIKO. [ARTICLE]

HE MOOLELO EEHIA NO KE KANAKA-AUWANA O KE AU KAHIKO.

MOKUNA VIII. NA KANAKA I HOANO E IA. E ae ana anei oe e kokua mai ia’u ma keia huakai, a e lilo hoi i alakai no ko kaua aoao? Aole o ke Kanaka Auwana manao nui loa no ka hanohano i hoopaaia aku imua ona. Aka ma muli no o kona ano maka’u ole a puni kaua no hoi, ua makaukau loa oia e ae aku i ke noi O ka mea kupanaha nae, mamua ae o ko ke Kanaka Auwana ae ana aku, aia hoi ua pane koke mai la ka moiwahine Mariana, ka inea hoi i loaa ole ka makemake e haalele mai ke Kanaka Auwana, penei: O ko’u manao e Manapeta, e noho ke Kanaka Auwana me a’u, a oia hoi ke kapena o ko’u mau kou oiai oe e hele ana e luku ana i ka pue Apura. No ka mea, aole pono ke hoonele ia au me kekahi kanaka kupono no ke kokua ana mai ia’u iloko o keia manawa kupilikii, koe wale no a loaa ko’u kiai kupono, alaila hiki ia'u ke hiamoe me ka oluolu. Aka ina oe e lawe ana i keia kanaka me oe. Alaila, aole loa e hiki ia’u ke moe me ka oluolu, a ke hele hoi me ka lanakila. I ka lohe ana o ka moi i keia mau olelo a kana aliiwahine maikai, aole oia i kue mai ma na ano a pau. Aka ua waiho mai la oia na ke Kanaka Auwana e koho nona iho. A oiai, ne mea e ae no kekahi ake Kanaka Auwana i makemake nui ai, oia hoi ka hele ana e ike i ka wahine akua Hetora, nolaila ua pane aku la eia Ina he oluolu like ia e olua ko’u noho ana i ke kulanakauhale nei, ua ae au e lilo i kapena no na koa kiai ponoi o ka moiwahine. Mahope iho ua ae mai la o Parao e noho ke Kanaka Auwana. a oia hookahi no ke hele me na koa. Ua hiki mai la kaua ena makamaka i ka hopena o keia mokuna a ua ike ae nei hoi i kana mau hana. A nolaila, e hoomanawanui iki iho oukou e na makamaka a puka hou aku i ka la apope me na ono hou.