Hawaii Holomua, Volume III, Number 174, 8 March 1893 — KA HUI MAKEE PONO KAULIKE. [ARTICLE]

KA HUI MAKEE PONO KAULIKE.

Ua hoala ia ae nei he Hui mawaena o kekahi poe o ke kulanakauhale nei no ke kakoo ana i ka pono kaulike mawaena o kela a me keia kanaka e noho ana maloko o na kaiaulu o nela mau Paemoku nani. Me he la, o ke kumu i ulu mai ai oka noonoo iloko o keia poe, mamuli no ia oka honohopo ia no na mea e hanaia aku ana e ka mana aupuni hou me ke kuka ole ia oka lehulehu holookoa, a o kekahi kumu no hoi, oia ka hoea ana ae o na lono ma o a maauei o ka aina e olelo ana. ua hoao ae kekahi mau lala o ua aupuni hou nei e kailiku i ka mana koho balota o na kanaka Hawaii, a e kipaku la lakou mai na oihana aupuni aku a pau, a he uui aku no kekahi mau iono oke ano hoohaiki i ka pono kaulike. O keia mau hana he kapakahi a he pono ole, a he mea hoi i ae ole ia ma na aupuni naauao o ka honua nei. O ke kuokoa o ko ke kanaka kuleana koho balota, he mau haawina kamahao ia i hiipoi ia e ka mana aupuni o kona lahuikanana, a mamuli oia kahua i ulu mai ai keia Ahahui Makee Pono Kaulike.