Hawaii Holomua, Volume III, Number 14, 1 April 1893 — KA NINAU O KA MANAWA. [ARTICLE]

KA NINAU O KA MANAWA.

Oka ninau nui o ka manawa imua o ka Lahui Hawaii i keia la. oia no keia —pehea ana la ko kakou aina oiwi? E ulu ae ana keia ninau iloko o kakou mamuli oka maopopo pono ole ona mea a ke Aununi Amenka e hooholo ai. Aka, oiai e hoouna ia mai ana he Komiaina no ka ninau a hoomaopopo ana ika manao oka lahui, nolaila. ke pahola aku nei makou i ka leo poloai o ke aloha aina. e kupaa kakou me ka lokahi, mai puni I na kipe ia a me na hoomakaukau ia e hoolilo i ka ea o ko kakou aina makuahine, aka, e nui ke aho. e hoomauawanui a e hopo ole no ka hoihoi hou ia mai oko kakou Au puni Aliiaimoku i kaili ia aku, a e hoolilo ika kakou mau pule ame ke aloha aina i pahikaua a i paiekila no ka pono a hiki i ka hopena o ka kwa ana mai o ka lanakila ia kakou no ka maluhia a me ka po- ; Bnik«i o na mea a pau e uoho ana ma na kaiaolu oko kakou home Paredaieo kamahao o ka Pakipika.