Hawaii Holomua, Volume III, Number 201, 14 April 1893 — HE HAE AMERIKA. [ARTICLE]

HE HAE AMERIKA.

Aia iluna o Puowaina kahī i kau ai ka hae Amerika i keia kakahiaka. Ua hele aku makou e nieniele, a ua hoike ia mai e kekahi poe he hana na kamalii. Pela io anei? O ke kau ana o na hae maloko o ke kulanakauhale nei he hana anei ia na kamalii ? Malia paha oke kuu awiwi ana iho nei o kekahi poe i ko lakou mau hae he mau hana kamalii ia, aka, heaifa la hoi ke kumu o keia mau ano hoonaukiuki wale iho no ? Aole anei i lawa me na ki pu ? Ua lawe ia mai imua o makou i keia manawa a makou e makaukau nei e puka aku, ka hae Amerika i kau ia maluna o ka Puu o Kalola ma Puowaina. mai aS. K. Kaloa mai. a eia na hua palapala i kakau ia maluna o ke poo o ua hae la, Portuguese Colny P C.