Hawaii Holomua, Volume III, Number 217, 8 May 1893 — NUHOU KULOKO. [ARTICLE]

NUHOU KULOKO.

Apopo na kiure haole. He onohi ko waho ae o Daimana Hila i ke ahiahi nei. He aha mele ko Kaumakapili i ka po o ka la apopo. He upe-kole me ka hanu-paa ka ma’i nui o keia mau ia. Ua manao wale ia. i keia ahiahi e ku mai ai ka mokuahi Oeianika, a i ole i ka la apopo. Ua koi aku uei ka Hui Waapa Matala i ka Hui Healani, e heihei hou laua ma keia mua iho. 0 ka luawai hou e eli ia aku aoa ma Kalaupapa, Moiokai, no na ma’i, e hiki aku ana na lilo ika ♦3,500. Ma Huelo, Maui. ma ka la 2 o keia mahina, ua hanau mai na ka wahine aJ. K. Kameki, he kaikamahine nui nepunepi.

Ua huli hoi mai ko makou Kakauolelo ma ke K:nau o ka Poaono nei. me na lono oka nawaliwali o ka aoao hoohui aina ma ka apana 0 hilo. Hawaii. Na kamalii Pukiki o ka Avalataisa ka eo oka hukihuki kaula me ka Euleūna i ka Poaono i hala, no ka manawa o ewalu minule. Ua makanaia ka hui lanakila he ehma dala. Ma ka paani kinipopo i malama ia ma ke ahiahi Poaono nei, mawaena o na Hui Hawaii a me Kamehameha, ua ahaiaeka inoa hope 1 ka lanakila o ka la. mamuli o ka loaa ana ia lakou he hookahi puni oi, oia hoi, 6 kue ia 5. Ma līanamaulu, Kauai, ma ke kakahiaka o ka Poalima i hala, ua hakaka iho la kekahi mau Pukiki limahana i uluhia e ka leleiona o ke kiaha, a o ka hopena o ka laua hakaka ana, ua make iho la kekahi ma ka hahau ia ana o kona poo me ka pauku laau. 0 kekahi wahine haole nona ka inoa o Mrs. Robson, e noho nei ma ke alanui Ema, ma ke kakahiaka Sabati nei, ua loaa iho la iaia kekahi apana palaoa iloko o kona pa, a i kona haawi ana iua palaoa la i ka moa, ua make iho la ka moa, nolaila ua manaoia, ua hookomoia ka laau-make iloko o ua palaoa la. Ua aihue ia ke ekedala a kekahi kalaiwa kaa hapaumi ma ke alanui Beritania ika po Poaono nei. Ua hookomu nia i ua eke dala la maloko o kekahi pahu malalo o kahi e noho ia ai, aka nae iaia i kii aku ai iua eke dala la no ka hoohana ana, aia hoi ua iilo. Aole i maopopo ka mea i lilo ai. 1 keia la iho la i hooloheia ai ka hihia o Mrs. Mary Sutherland. ka wahine haole i hopuia ai ike ahiahi Poalima i hala, no ka pane ana no ka mea e pili ana i kela aihue opiuma, oia hoi na tini opiuma he 206 i nalowale ai mai Kuapapanui aku, mamua aku nei. Ua manaoia. oA. R. Walker ka mea nana i aihue, oia hoi ka wiliki o Kuapapanui i hoopauia. Ina he mau helu 17 koe o ka Hawaii Holompa Puka Pule ma ka lima o ko makou mau Luna Pepa ma na wahi a pau, a pela me na helu o na la 3, 17 a me 19 o ka nupepa Puka La o Maraki iho nei, e pono la lakou e hoouna hou mai ma keia Keena, ma ka inoa oka Hawaii i/oLOMi A. Ma ke kauoha.