Hawaii Holomua, Volume III, Number 218, 9 May 1893 — HE MOOLELO EEHIA NO KE KANAKA-AUWANA [ARTICLE]

HE MOOLELO EEHIA NO KE KANAKA-AUWANA

MOKUNA XIV. KE ALA ANA O KA MEA I HIAMOE. Ia Kei i haaleie mai ai, me ka puuwai kaumaha i piha me ke pahaohao, ku ae la ka moiwahine a hoi aku la no kona keena moe pouoi. Ma ka puka o koua rumi moe, kauoha aku la oia i kona mau kauwa lawelawe aole eae i kekahi mea e komo aku e ike iaia, a mahope o ke ki ana a paa na puka, haule aku la oia maluna 0 kona wahi moe me ka huna ana i kona mau helehelena me ka pale-uluua. Ma ia ano iho la oia i noho ai no kekahi mau hora loihi, me he mea la ua make—a hiki wale i ka manawa a ka pouli o po i kipa mai ai iloko • ua keena la. Aka nae, aole oia i oni ae—ae; o kona puuwai nae, ua like me ke ahi ka lalapa, a ua haikea hoi kona mau helehelena i kona enaena ana, olai ua kuluwaimaka puanuanu oke kaumaha kuhohonu e hanini ana mai kona mau maka mai, a ko ae la ka puanu u ke mela' “Auhea walo oe e ka waimaka, E hoopulu nei i ka lihilihi, Akahi ka weia o kuu umauma, 1 ka hakuikui a ke aloha.” No ka mea, i kela mauawa ua maopopo iaia na mea a pau. 0 kela mea i hooholo kahiko ia, nona hoi ua hoemanao ana i kekahi manawa he ku i ka weliweh, a i kekahi manawa hoi he hauoli. Aka, no ka manawa hope loa. e like me ka moeuhane i poina kekahi hapa, aia hoi hiki mai ia ka manawa uo ka hooao ia ana. Hoomaopopo iho la oia, i kekahi wa he mea maikai ole ke aloha ipo, no ka mea he ai mai ia i keola o ka mea e aloha ana, a aole hoi e loaa iaia he hoomaha oluolu ana ma keia ao, a pela no hoi iloko o ka luakupapau o ka make mau loa. A o kona enemi, ka mea hoi ana i ike ai ma kana hihio, aole ia he akaku • like me kana i manao wale ai, aka, he wahine ola maoli no la. Aole i puehu.