Hawaii Holomua, Volume III, Number 21, 20 May 1893 — NA KAHULI LEO LEA. [ARTICLE]

NA KAHULI LEO LEA.

I kumu e ike a e hoomaopopo ia mai ai ke kaulaua i ka noeau, ka loea a me ka eleu o ka Lahui Hawaii e na miliona o na Lahuikanaka like ole o na Aupuni he lehulehu o ka honua nei e akoakoa ae aua ma kela hoikeike nui ma Kikako, ua hooholo iho nei ko kakou mau Kahuli Leo Lea, Ka Bana L.ahui Hawaii e holo aku no ua kahua kamahao la ma ka la 24 o keia mahina. Nolaila, i mea e kokua ai ia lakou ma keia huakai hookaulana ia Hawaii, e haawi ana lakou he AHA MELE NUI ma ka po o ka POAONO, MEI 20, i ka hora 7:30 P. M. 0 keia ka Aha Mele hope loa a na Kahuli Leo Lea mamua o ko lakou haalele ana mai i ke one hanau, aau aku ike kai ioa. O ko lakou mamwa no hoi keia e kuupau mai ai i ko lakou leo kani, a o ka mea oi loa aku, e hui pu aku ana he lehulehu o ka poe i kaulana no na hana hoohauoli ame na mea a pau i ku ike aloha aina. E hoike ia aku aua na mea a pau e pili «na i keia Aha Hooha uoii ma keia hope aku. E loaa no na noho wae ma ka Lnroikudala o L. J. Levy ao na auhau he waipahe e like no me ke ano mau. I kumu e hoike ia ai ka anoi a me ke aloha o na Hawaii i na Hawaii i kupaa no lakou iho, ke kono nei makou i ka lehulehu hulookoa e hele aku ma keia Aha Mele ano nui a piha kaulana.