Hawaii Holomua, Volume III, Number 23, 3 June 1893 — KE ALIIAIMOKU. [ARTICLE]

KE ALIIAIMOKU.

He maikai no ke ola kino o ke Aliiaimoku Liliuonamoku, ka hiwahiwa a ka lahui, e walea ana hoi i na ea huihui o kona hale nani ma Wasinetona Hale, e noho ana iloko o na manaolana a me ka hauoli, e kukai olelo ana hoi me ka oluolu i na poe e kipa aku ana ma kona home, a ua kipa aku hoi ke keiki lalawai o ke Kula o Kamaomao no ke kuka pu ana me ke Aliiaimoku, mamua o kona holo ana aku no Kauai i keia ahiahi.