Hawaii Holomua, Volume III, Number 24, 10 June 1893 — HE AUPUNI HAWAII ANEI KEIA? [ARTICLE]

HE AUPUNI HAWAII ANEI KEIA?

O ka inoa o ke Aupuni Kuikawa a lakou i hoolaha ae ai, a e kapa | nei hoi la lakou iho, oia keia —“Au- : puni Hnwaii Kuikawa.” Ma keia | wahi he mea jxmo ia kakou e na i j kanaka Hawaii e noonoo a e ninau i ko kakou lunaikehala—pehea la i | i Aupuni Heneaii Kuikawa ai keia i mana Aupuni hou. No ka mea, | iloko o ka Aha Kuka o ke Aupuni Kuikawa, aole loa i hoonoho ia kekahi Kanaka Hawaii i hoa kuka ma ka auao o ka Lahui Hawaii, aka, oka mea mua loa i wae ia mahope iho o ka ike ia ana aole e holo ana ke Kuikahi Hoohui Aina, he Pukiki kai komo aku iloko o ua Aha nei e noonoo no ka pono a i ole no ka j>oino o ka Lahui Hai waii. He hookae maopopo keia 1 ia oe e ke kanaka nona ka aina, ke i Kanaka hoi nana i hooikaika ma o Kona mau kupuna la e loaa he : wahi no keia poe kolea kauahua e j ku ai, a i keia la. ke olelo mai nei : ma ka lakou mau ano hana—“no lakou ka aina, a oe ke ke kauahua!” He mau hana anei keia e hiki ai i ka manaolih o ke kanaka HaI waii ke hoomanawanui? Auhea la ka lahui malalo iho o ka la i hoomanawanui e like me ka Lahui Hawaii? E hoike mai kekahi ano kanaka o kekahi ano lahui i ko lakou hoomanawanui ana e like me oe eka H&waH, a ina ua hiki iaīa ke hoike mai i ka oiaio raa kou aoao, alaila, e hooj>au ia ko makou kuhihewa, aka, ina aole, alaila, e pej>ebi ia na manao mo a me na manao lapuwale oka poai hookahuli Aupuni i keia manawa a do ka manawa mau loa—a oka makou huaolelo hope loa maluua o ko lakou iiina, oia no ka—"Moe malie i ke kai o ko Hakul”