Hawaii Holomua, Volume III, Number 24, 10 June 1893 — KELA MAU POKA PAHU. [ARTICLE]

KELA MAU POKA PAHU.

Aole i pau na hauwawa no kela mau poka pahu, aka, ke aiwaiwa loa aku nei. O R. W. Wilikoki ka mea e kaulana ia nei a me kela haole makai oia 4 Wagner. Uaolelo ia, na keia haole no i hana kela mau poka, i kokua ia e D. L. Huntsmau 5 make iho nei, iloko o kela manawa i upu ia ai ke kipi a pau ai o Wilikoki ma i ka hopuhopu ia. No ke ko ole ana o ia muu ohumu kipi, ua kanu ia ua mau poka nei maloko o kekahi pa ma alanui Papu, a o kekahi no o ua mau makai nei kai ike i kahi i kanu ia ai. O kekahi mea ano pahaohao e kamailio ia nei e ka lehulehu, oia no ka hiki ana o kela mau alii makai ma kela wahi ika manawa hookahi, ame ka pololei o ka hele ana a ma kahi o kela eke i waiho ai me ua poka. Aka. oiai eia iloko o ka lima o ka Ilamuku ka mana e imi, a ke imi nei no hoi. a ua olelo ia, ua loaa iaia kekahi meheu, nolaila, he mea pono e waiho malie aku i keia mea, me ka manaolana e imi ikaika ia ai a e hooko ia ka pono ma na ano ano a pau.