Hawaii Holomua, Volume III, Number 266, 21 July 1893 — ALOHA WALE. [ARTICLE]

ALOHA WALE.

Iloko o keia ola ana, he nui na kuia a me na uiia e hekau mai ana maluua o ke kanaka, a he haawina luuluu hoi ke uhola aku ana ma ke ala oka noho’na o kekahi poe. O ka ulia kaumahi oi loa i kau mai maluna o ko kakou lahui nei, oia no ka u ai lepera, ka mai i kapaia he hookaawale ohana. He mea ku i ke aloha ame ka luuluu ka ike aku e kaili ia ana ke keiki mai ka poli aloha aku o ka makua, a o ka makua mai ke keiki aku, a pela hoi ka hoapili he kane mai ka wahine a&u, ao ka wahine hoi mai ke aaue aku. Ua like me he pahi la e okioki ana ia loko. a e hookuu ana hoi ina omaka waimaka e hiolo makawalu mai. Pela no , makou e u nei a e kaniuhu aloha ae nei no kokakou makamaka e na hoaluha o ka Hawaii Holomi'a. oia hui ko kakou Kakauolelo mua iho uei, oia o Mr. Thc-s. K. Nakanaela, ua kaili ia aku la oia eka i mana o ke kanawai aia i ka Halemai Kuikawa ma Kalihi-kai. e kali ana no na kauoha hop* loa e hei aku no ka panalaau ma Molokai. Me ka minamina a me ke aluha nui makou e hookuu aku nei i ua hoaluhi nei iioko o ka poholima o ke Akua Mana Loa.