Hawaii Holomua, Volume I, Number 29, 13 March 1894 — Puna Gula Hoolaa o Enelani. [ARTICLE]

Puna Gula Hoolaa o Enelani.

Iwaena o na mea hoonani o ke Kalaunu Alii o Enelani e | pulama nui ia nei kona ihiihi, a e kiai makaala mau ia nei hoi kona maluhia, o ko Puna Gula Poni Moi kekahi o Enelani, i hoe'laa ka laahia o na Moi o ia Aupuni mana nui o ka honua no na haneri keneturia makaliiki i hala ae nei. ■ E hoomaka ana ka moolelo o keia Puna mai ke au mai o Edewada i ka 10GG, he gula wale no kona ano i kinohinohi ia me na pohaku momi makamae loa, a i ka wa o ka poni Moi, mai keia Puna aku e ninini ia ai ka aila no ka hoolaa ana i ka mea poni a hiki mai no i keia la, a ua kapaia aku, oia ke Puna o ka Poni Moi o na Alii e rula ana ia Beritania Xni a me kona mau Panalaau.