Hawaii Holomua, Volume I, Number 44, 6 April 1894 — Moolelo Hoonaueue Puuwai no SINEDERILA; A I OLE IA, KA Opio Kamaa Aniani. [ARTICLE]

Moolelo Hoonaueue Puuwai no SINEDERILA; A I OLE IA, KA Opio Kamaa Aniani.

Ka Moolelo Kaili Puuwai o Heleue maloko 6 ke Anaina Hulahula. Ka Manu Xunu hooko kauoha inai ka He-Kupapau mai o kona makuahine. Ua kali hoomau iho na elele hooko kauoha o ke keikialii no kela kamaa aniani, oiai na kaikamahine ihu nukee elua a ka luahine o Arabia e hoao ana e oki i ko laua mau manamana wawae, a o ke kaikamahine kaikuaana, oia ke kaikamahine , nui o ka leo c uwe kapalili nei nu ka eha, mamuli paha o ke ano uaua loa o na io liuki liiuhalaka e holo pololei la iluna o ka puka o ka lani, a ua hiki ke lohe wale ia kona leo uwe kapalili o ka ehaeha iwaho o Kapiolani Paka, a ua kono ia ka luahiue e komo koke aku iloko o kela rumi a haawi i kekahi kokua e pono ai kona aoao ma ke kahua upehupehu o ai-a-ka-lio, no ka hana ana i na kanawai a me na hapa kanawai o Arabia. “He hana hiki ole ia’u ke oki iho i keia manamana wawae, mamuli o ka haawina ehaeha K>a a’u i halawai mua ole ai iioko o ko’u ola ana e like rae keia, wahi a ua kaikamahine la i pane mai ai me kona leo haalulu e nae iki aua, a me na waimaka hoi e hiolo makawalu uei ma koua mau \k\[xxlina. “Hohole samoka! I-u dami fulu Kawaihae, uwala kahiki liilii ma Kalepolepo,” wahi a ka luahine makuahine i pane mai ai me kona leo okalakala e hooko ia kana kauoha oki i kona manamana nui. i kumu e komo pono ai iloko o kela kamaa aniani a mare aku oia i ke keik;-

alii. “E waiho mai i kou manamana wawae imua o’u ano, a e hooko uku no au i ke oki ana | no kou pomaikai pilikino e noho ai iloko o ka hauoli ma keia mua aku.” I keia wa i lalau koke aku ai ika koi oki wahie a lakou, a me hookahi hahau palena ole ana me ka ikaika hoohana o kona mau aahuki, ua moku pu aku la ka manamana wawae nui o kana kaikamahine a lele ana iwaho o ka puka aniani, a haki pu no hoi ke au o ke ko’i oki wahie a lakou a poomuku, me ke koe o kahi o ke kumu a ua luahine la e paa ana ika lima. Me hookahi leo kapalili o ka walania launa ole i hooho ae ai ke kaikamahine, a oia ka ua wahine la e puliki paa ana i kona waha, o lohe mai auanei na elele o ke keikialii no keia hana i>ono ole e lawelawe ia nei maloko o kela rurni, a ua ike aku laua i kekahi manamana wawae nui e waiho mai ana iwaho o ka ipuka aniani, a ua holo ae ka haupu iloko o laua, aia paha he hana poholalo o ke kauhke ole ka keia luahine e onou poo nei i kana kaikamahine no kela kamaa aniani, oia no ko laua wa i ku koke ae ai iluna a kauoha aku la e hooko piha ia ko kuahaua imua pono 0ko laua alo, a i ole pela, e hoopau koke ia ko lakou mana kolio balota malu ana malalo o ke Kumukanawai. Ua puka koke mai la ka makuahiue a pane mai la i na olelo hooko kauoha o ke keikialii me keia mau olelo: “ E oluolu mai ia’u e na elole oke aloalii; Ua makaukau na mea apau no ka hooko aku 1ka hana me ka holopono, a aohe he mau ulia e alaia mai ai ia oukou, oiai no ke alahele no ka halealii o ka mea kiekie ka Hooilina Moi o Arabia nei. He wahi noi ka’u ia olua, aia ma ko olua aoao ke kauoha aku i ke kaapio o ka Hotele Hawaii e ki}ia mai, a hele aku oukon ma ka oukou huakai kauoha o ka mare wahine me ka hauoli [ puka mahope] nui palena ole o ko kakou haku ke keikialii ame kona lahui, no ke koena aku o ko kakou mau la maluna oka ilihonua a hiki i ke ao pau ole.” [ A keia Poakahiae]