Hawaii Holomua, Volume I, Number 44, 6 April 1894 — I Mau Ahahui Kokua. [ARTICLE]

I Mau Ahahui Kokua.

Aole wa e ae a na kanaka Hawaii aloha aina oiaio i hakoko ai me kekahi kuinuhana koikoi loa, e like me ko keia wa e nee nei. I keia wa e nee nei, mamuli o ke oni-paa ana o na manao aloha Alii, aloha aina a aloha lahui iloko o ka umauma o ke kanaka Hawaii i okoa loa kona kulana mai ko Iuda Isekariota mai, ua ku kela kanaka oiwi oiaio o Hawaii maluna o ka papahele e hookomo ana iaia iho, a i kona ohana hoi i.aloha nui ia, iloko o ka hune, ka pololi a me ka pilikia. A nawai la auanei e hoomama ae i keia mau kaumaha e |x>poi iho ana maluna 0 ua kanaka la? Aole paha keia i pilī i ke kanaka i ulakolako maoli kona noho ana, ka mea hoi e hiki ana ke pale aku 1 kela mau haawina ehaeha i hoikeia ae la; aka, no ke kanaka i loaa ole ia mau haawina, oia auanei ke pilikia ana. Xolaila, he mea pono anei ke nana-maka ia aku keia hana ku io maoli i ke aloha Alii, aloha aina a aloha lahui? Eia ka hana pono. E kukulu ia na ahahui kokua ma kela a me keia apana. O ka haoa a keia mau ahahui. oia ka ohi ana i na hopaumi a me na kenikeni a kela a me keia kanaka opu aloha e haawi ana iloko o ka waihona o ua mau ahahui la. O keia mau hapaumi i hoiliili ia pela, he mau mea ia e kokua ana ma ka wa e hoonele ia ai kekahi kanaka Hawaii ilihune o loko o ka apana i ka hana, mamuli o

kona hoopauia ana niai ka hana mai a ka poe kuo a aloha Alu ole, no kona hoohiki ole ana uialalo o ka hoohiki e kumakaia ana ike auouni Moi. Ke {iane aku nei makou i keia manao hoakaka i mea e noonoo ia ai e kakou Hawaii, i loaa ai ia kakou he wahi e hoomaha ai ke kuia io aku me na hopena awaHa i hoakaka wale ia ae la maluna.