Hawaii Holomua, Volume I, Number 45, 9 April 1894 — Moolelo Hoonaueue Puuwai no SINEDERILA; A I OLE IA, KA Opio Kamaa Aniani. [ARTICLE]

Moolelo Hoonaueue Puuwai no SINEDERILA; A I OLE IA, KA Opio Kamaa Aniani.

Ku Moolelo Kaili Puuwai o Heleue inaloko o ke Anaina Hulahula. Ka Manu Nunu hooko kauoha inai ka Ho-Kupapau mai o kona makuahine. “E hooko ia aku ana ia kumuhana imua o ke Alii ka Moi o Arabia noi,” wahi a kekahi 0 na ukali i pane mai ai i na olelo a ka makuahine e pili ana 1 ka lawe aku i kana kaikamahine i ka halealii. “Aka, he noi ka'u i makemake ai nau e mai ano, me ka oiaio malalo o ka hoohiki, ina ua kupono ka wawae o kau kaikamahine iloko o kela kaimia aniani me ka loaa ole o kekahi poino; “Ae, me ka oiaio," wahi a ka makuahine i pane mai ai me ka leo kuoo o ka hopo ole. “Ma ka inoa o na (liaholo a pau o ka po, ke hoohiki nei au no ke kakoo i ka oiaio o ka’u mau olelo hoike, ua kupono ka wawae o ka’u kaikamahine iloko o kela kamaa aniani, a e

hoike aku olua ia mea imua o ka Moi, ua hookoia kona makemake i keia manawa.” E like me ka olelo a o mua a ka Moi i na ukali o ke keikialii, i ka wa e loaa ai ka wahine nona kela kamaa aniani ma ke komo pono ana o kona wawae pepeekue iloko, e huli hoi koke aku kekahi o na ukali imua o ka Moi no ka hoike aku ia . lono o ka hauoli imua o kona aloalii, a i loaa hoi iaia he manawa e kahea ai i ka ahakukamalu a me ka aha kuhina o ke aupuni no ka akoakoa mai e ike-maka a lohe i keia kumuhana no ka loaa o ka wahine a ke keikalii e mare aku ai i keia po, a oia ka kekahi o na ukali i hooko aku ai ia kauoha, a huli hoi aku la i ka halealii me ka awiwi nui. a waiho aku la i kana hoike piha imua o ke Alii ka Moi, no ka hooko ia o kona makemake.