Hawaii Holomua, Volume I, Number 50, 17 April 1894 — O kaua pu Ilaila. [ARTICLE]

O kaua pu Ilaila.

Ua hoopa ia mai makou o ka Lunahooponopono o ka makamaka “Ka Leo o keia kakahiaka, me na huaolelo maeele o ke aloha pilipaa ia kakou, ko kakou home, a me ka hiki ia kakou ke hoomau aku i ka noho’na kuokoa o ua home aina la o Hawaii malalo o kona Poo o ka Lahui, e lilo ai i makuahine no ka kakou mau keiki ma keia hope aku. a aole hoi oia wale, aka, no ko kakou lahui aloha e ulupa ia nei e ka poai o na hana hapuku a me na hana poholalo. He oiaio, ua hoao ia mai no makou a ua kono ia mai rae ka ikaika, aka, o kela aloha»hemo ole e lilo pio aku i kii paani keaka na kekahi poai, aole loa e kumakaia ia Hawaii, a me ko makou mau hoa kanaka o ke kulana lahui like. O makou pu kekahi me oe e “Ka Leo” e kupaa ma ia kumuhana lahui —“he Hawaii oe, a he Hawaii makou —Hawaii a mau loa.”