Hawaii Holomua, Volume I, Number 26, 30 June 1894 Edition 02 — KA PUALI O KE ALOHA. [ARTICLE]

KA PUALI O KE ALOHA.

E likeme na mea i hoopuka ia aku maloko o na kolamu o kei pepa o ka la 26 nei. no ka hoala ana o kekahi mau opio a keia kulanakauhale, he Ahahui ma ka inoa, ‘Salavation Army". Ua noho io no ko lakou halawai ma lalo iki aku o ke kihi o Alanui Oki Hou me Maunakea, maloko o kekahi rumi i hookaawaleia no na hana hoeueu a hoolana manao, ua hele mai no he mau uhane o ko’u lahui oiwi e lohe i ka makou hai manao ana maloko no o ka ke Akua olelo, a ua loaa no he manao hauoli no ia akoakoa pu ana me lakou, me ka manaolana no e hoomau mai ana no lakou i ko makou hui hou ana i keia po Poaha aku ma ia keena no, a na ka Haku no e hoohui ia kakou iloko o ke kuikahi, a e alakai ia kakou ma ke kuamou o ka pono a me ka pololei iloko o kona aloha pumehana. Ma hope iho o ka hookuu ana o na hana oia po, ua noho iho la na i lala o kela hui e noonoo i inoa no ko lakou Hoi, a ma ko lakou nooi noo ana, ua hooholo iho la lakou i kela inoa e kau ae la ma ke poo o keia wahi manao pokole*. Nolaila, ke hoikeia aku nei ma ke akea ka poe nona na inoa i hoolaha muaia aku ai ma keia pepa; e hele aku ana imua o na makamaka a me na hoa’loha malalo o keia inoo: ka “Puali o ke Aloha” no ka pono a me kaoiaio i ka inoa o Iesu Kristo Amene. -> E malama ana lakou i ko lakou halawai ma kela wahi i hai ia aku la, ma na po Poalua, Poaha a me Poalima, a ma ka Meregorauna i ka po Poaono ke ole he mau kuia. L. KEAWEPOOOLE. Kakauolelo. Na Lala o keia Hui: W. Higgin, Peresidena. S. Kaloa, Luna Hooia. S.K. Kamakaia, Puuku. L. Keawepooole, Kakauolelo.