Home Rula Repubalika, Volume I, Number 1, 2 November 1901 — Page 8
8 HOME RULA REPUBALIKA, POAONO, NOVEMABA 2, 1901.
ai. Pela ka pii mau ana ae o na manao kekeue mawaena o lakou a hiki i ko lakou wa i hakaka maoli ai. Ma na la nui a pau e pii mau mai ana ko kuaaina kamalii i ke taona, e ike mau ia ana ma kahi o ka iwakalua a kanakolu kamalii ma kela a me keia oao e kaua ana me na laau a me na pohaku.
E lilo mau ana ka lanakila o keia mau hakaka ana i na keiki kuaaina, a e hele mau ana lakou maloko o ke kulanakauhale me ke kau o ko lakou mau poo iluna a me he mea la no lakou ponoi na alanui. Ua lilo keia mau hakaka ana i mea e makaikai mau ia ai e ka lehulehu, me na makua pu no hoi o na koa kamalii. A oiai he ku maoli no i ka pilikia keia mau hakaka ana, aole nae kekahi mea i hoao e hooki ia mau hana.
A oiai no ke taona o Napoliona, aohe oluolu o kona noonoo no keia lanakila mau o na kamalii kuaaina maluna o kona aoao. Nolaila, i kekahi mau hakaka ana aole oia i komo pu aku, aka, ua holo aku la oia a pee ma kekahi wahi kupono e hiki ai iaia ke hakilo pono mai i na hoohana ana a na aoao a i elua, a i mea nona e ike ai i kahi hemahema o kela a me keia aoao, a pela paha e loaa ai ia lakou ka lanakila. Ua ike oia aole ma ka heluna ka like ole, no ka mea ua like a like no ka heluna o na aoao a i elua, me he mea la, he kanawai ia no lakou, "I hookahi kanaka ia hookahi kanaka."
Mahope iho o keia mau hakilo ana ua hoakoakoa ae la o Napoliona i kekahi o kona mau hoa, ana i hilinai piha ai, a waiho aku i kana mau hoolala ana imua o lakou, he mau hoolala ana hoi ana i manaopaa ai ina e hookoia ana e loaa ana ia lakou ka lanakila. I ka maopopo ana i kona mau hoa ua hooho ae la lakou me na leo hauoli "helu ekahi kela," a hoomaka koke iho la kona mau lukanela no ka hoonee mua ana aku i na mea i hoolalaia. Ua kauoha oia e kukuluia i puali kokua, a o ka lakou hana o ka hoolako mai i na koa me na laau a me na pohaku. A pono keia mau mea a pau, ua hoounaia aku la ka palapala kukala kaua i ka puali kuaaina, a ua loaa koke mai no ka pane e olelo mai ana aohe o lakou makau.
Ua holo koke ae la ka lohe a puni o Aiakio no keia hooili kaua, a he mau hora mamua ae o ka manawa e kaua ai, ua hiki aku la he heluna nui o ka poe makaikai no ka mea ua loheia aku la ke kaena o na kamalii o ke taona e hoihoi hou mai ana lakou i ko lakou inoa maikai ma keia hooili kaua ana.
I ka hiki ana ae i ka manawa i hooholoia ua ikeia aku la na keiki kuaaina e ku laina mai ana ma ko lakou aoao me na laau pokopoko ma ko lakou mau lima, o ka lakou mea kaua mau no hoi ia, me na hiohiona manaolana no o ka lanakila. No ka manawa pokole mai ka hoomaka ana mai o ke kaua i kupaa iho ai o Napoliona a me kona mau koa ma ko lakou kahua imua o kela poe koa lima kakauha, no ka mea, ua ike iho la no lakou, ua oi loa aku no ka ikaika o kela aoao mamua o ko lakou.
(A hoea hou aku).
O ka Poakahi iho nei, Okatoba 28, ka la e make ai o Solagoza, ka haole nana i powa ke ola o ka Peresidena, Na ka uwila e lawe i kona ola.
Ma ka mokuahi Sonoma o ka la 30 iho nei i hoi mai ai ka Haku Bihopa o Honolulu mai ka Ahaolelo Lahui mai o ka Ekalesia Opikopo o Amerika i malamaia mai nei ma ke Kulanakauhale o Kapalakiko.
Ke kokoke mai nei na la nui Kalikimaka a me Hape Nuia, nolaila, e hoomoamoa i wahi kenikeni i mea kuai makana na keiki. A hiki mai ia manawa na makou e kuhikuhi aku kahi e loaa ai o na mea maikai me ka emi.
E NAUE MAI
E IKE I KA MAKOU MAU MEA HOU
O KEIA PULE
E hookuku iho i keia mau Kumukuai:
NA KIHEI O KEIA MAU KUNI—LOCKWOOD, DALLAS
ME KA PEPPERSOLL
42 Iniha Laula.... 10 Keneta
45 Iniha Laula.... 12 1/2 "
50 Iniha Laula.... 15 "
6—4s Laula.... 16 "
7—4s Laula.... 18 "
9—4s Laula.... 20 "
10—4s Laula.... 25 "
NA KUNI BOSTON A ME PEQUOT
42 Iniha Laula.... 12 1/2 Keneta
45 Iniha Laula.... 15 "
50 Iniha Laula.... 16 1/2 "
6—4s Laula.... 18 "
7—4s Laula.... 20 "
8—4s Laula.... 22 1/2 "
9—4s Laula.... 25 "
10—4s Laula.... 30 "
KUIKAWA—10—4s Laula, Keokeo me Puu.... 15 Keneta no ka I-a
NA UHI PAKAUKAU
O na ano hou i ike mua ole ia, Keokeo me ka Ulamau Puu, 72 Iniha Laula, 50c., 65c., 75c., 85c., $1.00, $1.25, $1.50.
NA KAWELE LIMA PAPAAINA
Hooluuia.... 75c., 85c., $1.00 no ke Kakini
Keokeo Kuuwelu.... 85c., no ke Kakini
Keokeo Maoli.... $1.25, $1.75, $2.00, $2.25, $2.50, $2.75 no ke Kakini
NA KAWELE! NA KAWELE! NA KAWELE!
No ka Waiwai I'O o na Kawele—Aohe Oi ae!
Na Kawele Tureke, 75c., $1.00, $1.25, $1.50, $2.00, $2.25, $2.50 a hiki i $6.00 o ke Kakini.
KUAI NUI O NA KAWELE LILINA!
I KEIA PULE
Keokeo 23x38....$3.25 no ke Kakini
" 23x39.... 3.75 "
" 22x38.... 3.25 "
" 23x37.... 3.25 "
" 25x41.... 3.75 "
" 25x42.... 3.75 "
" 25x44.... 3.75 "
Na Kaekae i Hooluuia 21x35.... 2.00 "
" 21x34.... 3.00
" 21x39.... 3.25
Na Mea Ano Hou ma ka Alameda mai
NA ANO APO OPU HOU NA KAHI KAU AOAO
NA KAHI HOONANI NA KAHI O
Na ano Kui Papale Hou, Na Mea Hoonani Lauoho, Na Omau Apo Lipine,—Na Lipine Hou me na Ano Lihilihi Like Ole.
Mai Nele i ke Kipa ana mai e Ikemaka
L. B. KERR & CO., LTD.
ALANUI MOIWAHINE