Home Rula Repubalika, Volume I, Number 11, 6 January 1902 — Page 8
8 HOME RULA REPUBALIKA, POAKAHI, IANUARI 6, 1902.
la ua Kaneialehia nei a noho iluna o kona haku, a hai iho la i kana huaolelo i ka ohana o ka hale e nonoho ana ma Kaumaui Keaukaha, e hele kekahi poe me ia ma Papai, a ua hookoia kona leo me ka hakalia ole. I ko lakou hele ana a hiki mahope mai o Papai, ua ike ia aku la kekahi kanaka e lawaia paeaea mai ana maluna o ka lae pohaku, o keia no ka manawa a Kaneialehia i hai iho ai i kana mau hua olelo:
"O keia no ka mea a'u i olelo aku nei ia oukou e hele pu mai me a'u i ike pono oukou, o kela kanaka e noho mai la e lawaia makoi e pau ana i ka mano ia Mikololou."
I ka pau ana o keia mau olelo, aole i liuliu iho, ua holu koke ae la ke kai iluna o ua lae nei kahi a ua kanaka nei e noho ana a nalowale pu i ke kai, a i ka mimiki ana iho o ke kai, o ua kanaka pu nei kekahi i haule iho iloko o ke kai, a oiai o Mikololou e hakapono ae ana kona mau maka lena alohilohi, aia i kela wa i miki koke ai ua mano eueu nei e nahu i ke kanaka, o keia no ka manawa a Kaneialehia i lele koke aku ai iloko o ke kai me ka awiwi nui ma kona kino kanaka a hiki ma kahi o ua Mikololou nei e makaukau ana kona waha nui me kona mau papa-niho e upa iho i ua kanaka nei a palahe liilii me ka hoohuli ana aku i ke kumupali; aia i keia wa no, i lalau aku ai na lima lauahi o ke Kahu Kanaka maoli o Kaneialehia ma api ame ka lala, ku me ka pane ana aku ia Mikololou penei: "Ai a mano nana i kumu pali."
Nolaila, ano e hoomanao iho kaua e ke hoa kuwiliwili o keia moolelo, ke kumu i loaa mai ai a paanaau no hoi ia kakou i keia manawa ia wahi mapuna olelo ae la maluna e o mau nei i keia hanauna hou a hanauna hou aku no.
(Aole i pau.)
KA HALAWAI A KA HOME RULA MA KA HALE PAIKAU.
Ua nui na poe i hele ae ma ka hale Paikau ma ke ahiahi o ka Poaono e hoolohe i na haiolelo naauao.
Ua hoomalu ia ka halawai e ka mea hanohano J. Kaulia, a ua hoolauna mai oia i ko kakou makua alakai Hon. D. Kalauoka lani oia ka Luna Hoomalu o ka Halawai. He nui na poe i haiolelo ma ia po a ua heluhelu ia mai ka palapala hoomaikai i ka Peresidena e ko kakou keonimana eleu John Wise maloko o ka olelo haole ame Hawaii, a ua oleloia e hoouna ia keia Palapa i ka Peresidena ma ka lima o ko kakou Elele R. W. Wilcox me ka hoike pu ia ana mai hoi o ke apono ia ana o keia Bila ma na hulo ekolu o ka lokahi-puuwai.
Ke olelo mai nei na Nupepa kue i ka Elele a ka Home Rula aole ka ia o ka hana a ka Elele i ka Ahaolelo o ka hookomo ae i ka bila kanawai mai Lepera.
Kupanaha keia pane a keia poe, kai no ua ike kakou he piha uwe ka mea i ike ia a puni keia Paeaina no ke kaawale o ka ohana no keia mai, a ke huli mai la hoi ka Elele i ka mea e pono ai, a e loaa ai ka maha i ka lahui, oia hoi, ka lapaau ia, aole ka ma'i lepera. O ka pono no ka paha o ka waiho wale no a make.
Kupanaha ka manao pepehi kanaka i loko o na nupepa Demokarata ame Repubalika.
E NAUE MAI
E IKE I KA MAKOU MAU MEA HOU
O KEIA PULE
E hookuku iho i keia mau Kumukuai:
NA KIHEI O KEIA MAU KUNI—LOCKWOOD, DALLAS
ME KA PEPPERSOLL
Keneta
42 Iniha Laula.... 10 7—4s Laula.... 18 "
45 Iniha Laula.... 12 1/2 9—4s Laula.... 20
50 Iniha Laula.... 15 10—4s Laula.... 25
6—4s Laula.... 16
NA KUNI BOSTON A ME PEQUOT
42 Iniha Laula.... 12 1/2 7—4s Laula.... 20
45 Iniha Laula.... 15 8—4s Laula.... 22 1/2
50 Iniha Laula.... 16 1/2 9—4s Laula.... 25
6—4s Laula.... 18 10—4s Laula.... 30
KUIKAWA—10—4s Laula, Keokeo me Puu.... 15 Keneta no ka I-a
NA UHI PAKAUKAU
O na ano hou i ike mua ole ia, Keokeo me ka Ulamau Puu, 72 Iniha Laula, 50c., 65c., 75c., 85c., $1.00, $1.25, $1.50.
NA KAWELE LIMA PAPAAINA
Hooluuia.... 75c., 85c., $1.00 no ke Kakini
Keokeo Kuuwelu.... 85c., no ke Kakini
Keokeo Maoli.... $1.75, $2.00, $2.25, $2.50, $2.75 no ke Kakini
NA KAWELE HOU! NA KAWELE HOU!
No ka Waiwai I'O o na Kawele Aohe Oi ae
Na Kawele Tureke, 75c., $1.00, $1.25, $1.50, $2.00, $2.25, $2.50 a hiki i $6.00 o ke Kakini.
KUAI NUI O NA KAWELE LILINA!
I KEIA PULE!
Keokeo 23x38....$3.25 no ke Kakini
" 22x38.... 3.75 "
" 23x39.... 3.25 "
" 23x37.... 3.25 "
" 25x41.... 3.25 "
" 25x42.... 3.75 "
" 25x44.... 3.75 "
Na kaekae i Hooluuia 21x35.... 3.75 "
Na kaekae i Hooluuia 21x34.... 2.00 "
Na kaekae i Hooluuia 21x39.... 3.00 "
Na Mea Ano Hou maluna mai o Alameda
NA ANO APO OPU HOU NA KAHI KAU AOAO
NA KAHI HOONANI NA KAHI O
Na ano Kui Papale Hou, Na Mea Hoonani Lauoho, na omau apo Lipine,—Na lipine Hou me na Ano Lihilihi like Ole.
Mai Hoonele i ke Kipa ana mai e Ikemaka
L. B. KERR & CO., LTD.
ALANUI MOIWAHINE