Ke Alaula, Volume VII, Number 4, 1 July 1872 — Page 14

14 KE ALAULA.

HE HAAWINA HUI NO KA HOIKE MALAMA O NA KULA SAB ATI, NO IULAl.

            Mele- " A ike maka'e." Alaula.

            Heluhelu kike—Halelu 24. Ku iluna.

            Kahu—No Iehova ka honua a me kona mea e piha ai; o ke ao nei a me ka poe e noho ana ma loko ona.

            Na haumana - No ka mea nana no ia hookumu maluna iho o na kai, a hoopaa h oi maluna iho o na wai.

            Kahu- Owai la ka mea e pii i ka mauna o Iehova ? Owai la hoi ke ku ma kona wahi hoano?

            Haumana- O ka mea lima paumaele ole, a me ka naau maemae; o ka mea i paulele ole kona uhane i ka mea lapuwale ; aole hoi i hoohiki i ke Akua me ka wahahee.

            Kahu—Oia ka mea e hoomaikaiia mai e Iehova, a e hooponoia mai hoi e kona Akua e ola'i.

            Haumana- Oia ko hanauna o ka poe imi iaia, i huli hoi i kou alo, e ke Akua o Iakoba.

            Kahu- E hapai ae e na pani, i ko oukou mau poo, e hookiekieia'e hoi oukou, e na ipuka mau loa, a e komo no hoi ke Lii nani.

            Haumana- Owai la ia Alii nani ? O Iehova ka ikaika a me ka mana ; o Iehova ke mea mana i ke kaua.

            Kahu- E hapai ae e na pani, i ko oukou mau poo, e hookiekieia'e oukou, e na ipuka mau loa, a e komo no hoi ke Lii nani.

            Haumana- Owai la ia Alii nani ? O Iehova Sabaota, oia ke Lii nani.

            Pule, e paa na maka a me na lima a pule penei: E Iehova Sabaota, ke Alii nani, e hookokoke mai oe io makou nei, i ka poe nui, i ka poe liilii, i ke kahu,i na kumu me na haumana, e kokua mai kou Uhane i wehe makou i ka puka o ko makou naau i komo mai oe iloko, a hoopiha ia makou i ka mihi, i ka manaoio, i ka makemake me ka hauoli. E hoomaemae i ko makou mau lima me ko makou mau naau i pau ka haumia, ka paumaele, ka lapuwale me ka wahahee

i maemae makou a makaukau e pii ae a noho ma kou wahi hoano ma ka lani me na anela, me na haipule a me Iesu, a mau loa aku. E noho pu a kokua mai ia makou ma keia hoike kula Sabati, i maikai a holo pono na hana, na mea paanaau, me na leo himeni, a e hoole mai oe ia makou, a pau ma o Iesu. Amene.

            Mele- "Ka lira gula." Alaula.

            Na pokii- Nowai ka honua ? No Iehova.

            Heaha na mea i piha ai ka honua ?

            Na moana, na muliwai, na mauna, na puu, na ululaau, na mea ula he nui wale, na holoholona, na kanaka, na kamalii."

            Nowai keia mau mea a pau loa ? No Iehova anei oukou ?

            Owai ko ke Akua wahi hoano? Ka lani.

            Owai ka poe hiki ke pii ae a noho ilaila me ke Akua? O ka poe lima paumaele oia, a me ka naau maemae, a wahahee ole. Ua loaa anei ia ano ia oukou i Heaha ka mea e maemae ai oukou ?

            Hai paanaau mai i keia pauku mele :

Hoao kakou i like
Me ko kakou Iesu,
Maemae a hemolele,
Haahaa a akahele,
A lokomaikai pu.

Mele na pok ii - "Manu iki."

Manu iki ma ka pa, ma ka pa, ma ka pa,

Manu iki ma ka, pa, mele maikai mai;

Mele no na mauna, mele no na kai, Mele no na moku, no na waa liilii.

HUI—Manu iki ma ka pa, ma ka pa, ma ka pa,

Manu iki ma ka pa, mele maikai mai.

            Na keiki nui — E hai mai i kekahi mau mauna aole i kakauia ma ka Baibala a oukou i lohe ai ma na malama i hala ?

            Owai ka mauna weliweli loa?

            Ua paa anei na mauna o ka Baibala ? Aole paha i laua iho.

            E kaei i ko oukou puhaka, a e hai mai i kekahi mauna hou. Pirega.

            Na makua—Aia mahea o Pirega ?

            Aia ma ka hikina akau o ke Kai Make, ma ka aoao hikina hoi o Ioredane.

            He mauna ia o Nebo ka inoa o kekahi piko.

            Heaha ka mea i kaulana ai ia mauna? O ka pii ana ae a Mose ilaila ma ke kauoha a ke Akua, a nana mai kona piko i ka aina maikai ia Kanaana malalo iho.

            Heaha mawaena o Mose a me ia aina maikai ? O ke awawa a me ka muliwai o Ioredane.

            Ua komo anei o Mose iloko oia aina ? Aole, ua hooleia.

            Nawai ia ikeole ? No ke aha?

            Heluhelu ma Nahelu 27:12-14. "Olelo mai la o Iehova ia Mose, e pii aku oe i keia kuahiwi o Abarima, e nana i ka aina. A pau kou nana ana, o oe hoi kekahi e hui pu aku me kou poe kanaka, e l ike me kou kaikuaana me Aarona, no ka mea ua kue mai olua i ka'u olelo ma ka waonahele o Zina."

            E nana hoi ma Kanawailua 3:27. "E pii aku oe maluna pono o Pirega, a e nana aku kou maka, a e ike me kou maka; no ka mea aole oe e hele ma kela kapa o Ioredane nei."

Loaa ka ka hewa i kela kanaka maikai, ia Mose ? Ae, aohe kanaka maikai loa ma keia ao

            Na kamalii— Ekolu ka inoa o keia mauna, o Pire g a , Aberima, Nebo? Aole.

            Abarima ka inoa o ka lalani mauna, o Nebo kekahi piko oia lalani, a o Pirega ka piko kiekie loa.

            Owai kai kaiia maluna pono o Pirega?

Nahelu 23:14. Balaka ke alii o Moaba.

            Nawai i kai aku? Na Balaama, ke kaula i hoolalau.

            Na pokii—Hai paanaau mai i keia mele:

Mauna Pirega ,
Mauna ihi e,
Ku ma ka piko
Mose e nana'i
I ka ain a ilalo,
Kaneana e ;
Ike kona maka
Ia aina maikai ae,
Oli a mahalo,
Komo ole nae.
            Mele- " Pii' na i ko Ziona Pau," Hae Hoonani.

            Ma ka lala hea o Mose i hewa ai ? Ma ka waha.

            Mahea i puka pinepine ai ko oukou hewa? Ma ka waha no.

            Heaha ka pono? E malama i k a waha, e hoopaa me ke kaula, i ole e puka mai na hua

ino loko mai ona.

            Na keiki nui -Ma ka mauna hea i make ai o Mose ? Ma Pirega. " Pii aku la o Mose mai na papu aku o Moaba, ma ka puu aku o Nebo, maluna pono o Pirega e kupono ana i Ieriko ; a hoike mai la o Iehova iaia i ka aina a pau o Gileila a hiki i Dana. Olelo mai la o Iehova iaia, eia ka aina a'u e hoohiki ai e haawi ia Aberahama ma. Ua hoike aku au ia i kou mau maka, aka aole oe e hele a ku ilaila. A make iho la o Mose ke kauwa a Iehova ilaila, i ka aina o Moaba, e lik e me ka olelo ana mai a Ieho v a ." Kanawailua34:1,4, 5. Na Mak ua - Mahea o Mose i kanuia ai ? Ma kekahi awawa ma ka aina o Moaba. Nawai ia i kanu ? Na ke Akua no. E hai paanaau mai i keia mele, aia no ia ma ke Kuokoa, helu 9.

Ma ka mauna laa o Nebo,
Ma kahi nalo no ,
Ma ke awawa lipolipo,
He lua kupapau.
Na na a nela i eli,
A halii a maikai,
A amo no i ke kupapau
I kahi e kanu ai.
He kanu hanohano !
Na puu na kanikau;
Na anela na amo,
Na lama na hoku !
Na ka lima o Iehova,
I paa ke kupapau
A wahi maikai a hookuu ae
I ka lua nalo mau.
            Na pokii - Ka lua kupapau keia owai? O Mose.

            Ua nalo anei ia lua ? Ae, ua nalo loa, aohe mea i lik e a hiki i keia la.

            No ke aha ka hunaia aha? I ole paha e hele na Iudaio ilaila, a uwe nui, a hoomana aku ia Mose me he Akua la.

            Owai ka i hakaka a hoopaapaa me ke diabolo no ke kino o Mose ? O Mikaela ka luna anela. Iuda pauku 9.

            Komo ole o Mose iloko o Kanaana ma keia no, pehea ma kela Kanaana maluna , ua komo anei oia ilaila ? Ae, ua mihi oia i kona hewa, ua kalaia no, ua komo iloko o ka lani, ua hele mai e launa pu me Iesu ma keia ao ma kekahi mauna. Ma t . 17:3.

            Owai ka poe e hooleia ana aole e komo iloko o kahi maha, oia hoi ke Kanaana ho u ? O ka poe hookuli a hoomaloka, a lilo i na lealea o kela ao . Halelu 95-11.

            Hai paanaa u mai i keia pauku himeni: