Ke Aloha Aina, Volume I, Number 1, 25 May 1895 — Nuhou Kuloko [ARTICLE]

Nuhou Kuloko

Ko Quini Victoria la hanau no Aohe e haiolelo ana o Se akua keia poeleele. Kinau kai puka aku mai ke awa no Hilo. Kuai po ko ka halekuai o Levy ma keia po Poaono ae. Hora 10 o ka po nei, make ke Komisina Farani. Apopo hora 3:30, ma Kulaokahua, he kaua ka Ikeaoleia kue Hoku. Ua kuu ka heleuma o ka moku kaua Lehua i ka po nei ma Ewa iho o Piladelepia. Ua hooiaio ae kekahi poe mea kual laau Iapaau, he hohono lua pele maoli no kela wahi Pele keiki o nehinei. Ua ike ia aku la mai Waimea Kauai aku, he moku kuna malihini o ke ano holo loa ke ka@ mai la oia malaila. I ko makou mea imi mea hou i kaalo ae ai ma ke alo aho o ka pa Alii maluna o ke Kaa-@ [kaa alahao,] i keia kakahiaka, ua ike aku oia i ka Puuwai o ka Lahui Hawaii e noho mai ana ma ka lanai o ka halealii me kona nani nui. Ua koani papale aku ai me hookahi muki i ke ahe a ka makani. Paikau hookahakaha ma ke ala nui o ke kulanakauhale nei, ka na koa o ka Repubalika i keia kakahiaka, no ka hanohano o ka la hanau o ka Moiwahine o na moku puni nana i Rula na Ale o ka Mo ana, nona ka mana maluna o ka Poepoe Honua, aole loa e napoo iki ka iLa. Apopo ka makou puka paleo pulelo aku ai i ke ahi a kamailei no ka pepa puka pule makamua loa o "Ke Aloha Aina," e imi aku ana oia ia oukou e na makamaka heluhelu e hookipa aku ma ko oukou mau ipuka hale me ke ohohia nui.