Ke Aloha Aina, Volume I, Number 1, 25 May 1895 — HEAHA KA PONO I LOAA? [ARTICLE]

HEAHA KA PONO I LOAA?

Ua ike makou mamua aku nei, e olelo ana na nupepa, no ka hooholo i puu dala $20,000 paha i mea kukulu makeke hou ma Ulakoheo, alaila, heaha iho la ka pono i loaa mai no keia Hale Makete ma Ainahou e ku nei. He aneane $70,000 ka lilo ma ka aie o ke Aupuni, no ke kukulu ia ana o keia Hale Makete; aka, aole nae hookahi wahi Amaama i kuai ia maloko o ua hale la. Ua pau na aniani i ka nohaha, a he wahi noho ua hale nei no ka manu Ku a me na Piheetero ai pilau. He halau kalaiwaa ke kupono loa.