Ke Aloha Aina, Volume I, Number 2, 1 June 1895 — KE KULANA AUPUNI [ARTICLE]

KE KULANA AUPUNI

O ke Aupuni, o ka Home ia o ka Maluhia o na lahuikanaka. Pela i manaoia ai e ka poe noonoo a i maa hoi i ka noho hooponopono aupuni ana. O na aupuni o na lahui hupo aole lakou he home no ka maluhia, aka, he heiau ia no ka pakaha a me ke kaili wale a me ka poino nui. Ua like ole na aupuni i kukuluia e ka lahui naauao a me ka lahui naaupo, aka, ke kamailio nei makou no ke kulana aupuni naauao. I kekahi manawa, ua hoea mai ka hemahema o na aupuni mamuli o ka hookele ana a na poo alakai aupuni, a ma ia mea, ua komo ke aupuni i loko o na pilikia nui a me na hoopii ia mai, aka, e loli mau ana no nae

@ mea a me na alakai aupuni i kela a me keia kau o na kalai aupuni. O kekahi o na mea ano nui mauli, oia no ka hilinai a me paulele o ka lahui i ka hana hookele aupuni o ko lakou aina ponoi iho. O ka hilinai ole mai o ka lahui, he mea no ia e ala maikai na paio ana no na hana mau ai na aha kuhina o na aupuni a pau, pela ma na aina e, a pela no hoi ma Hawaii nei. O ka paulele o ka lahui, oia ko lakou apono ana i na mea a pau a ke aupuni e @. O na hana hookele i huna ia mai ka lahui, he hoike no @ na manao ahai, e hoonalo mai ana i ka hana e koi ia ana e ka lahui e ikeia mai. I ko makou nana ana i keia , ua nui na hoohuoi a me na hoopahaohao ia no kekahi mau hana, aka, aole nae e hiki ke hookoia ia manao, no ka mea, aole mai ka hapanui mai o ka lahui ke kukulu aupuni ana.