Ke Aloha Aina, Volume I, Number 11, 3 August 1895 — [Illegible] Makai Kiu O KE Keena Waihona Buke o [Illegible] Nu Yoka. KALIUKA OPIO, A O KE KAPENA MAKAI HAWADA. KE PIHI I NA-HA-HA. [ARTICLE]

[Illegible] Makai Kiu O KE Keena Waihona Buke o [Illegible] Nu Yoka.

KALIUKA OPIO, A O KE KAPENA MAKAI HAWADA.

KE PIHI I NA-HA-HA.

»A* m

Ke hoomau 'la no ua nika la i ka nana maluna o kana wahine. I ka lohe pono ana o ua nika 'la i na olelo a Mado, ua palua ia ae la ka nunulu ana me ka weliweli nui, me he la e hae mai ana. Haka pono aku la na maka o Mado maluna ona me ka paa no i ka pana o kana pu panapana iluna, a olelo aku la oia iaia. E lawe aku oe ia Magarita ma kahi e a kanu aku iaia, alaila, hoi hou mai oe, oiai ua makemake au ia oe. Me ka kulana ahiu, ua nika la i lele ae ai ma kahi e waiho ana o kana wahine. Hapai ae la oia iaia iluna me he wahi keiki aiwaiu la, a hoopili iho la i kona mau lehelehe manoanoa me ko ka wahine a holo aku la. Ano pioo a nui ae la ka hanu o Mado i kona wa i nalo aku ai, kii aku la oia e pani i ka puka a paa, a pane mai la. Ke ike la anei oe i ko kane e mare aku ai, ke hoole paakiki loa oe i ka mare ana aku me Ralston, Noho mumule iho la ke kaikamahine me ka pane leo ole aku. Malalo o keia mau kumu, aole wau e hoomaunauna wale i ka manawa. Ke makemake nei wau e lohe i kau haina i keia manawa, owai la kau e koho ai i kane mare nau, o Ralston paha, a o Belphigor anei? Hoopuka ae la o Mada rne kekahi mau huaolelo kaukau ku i ke aloha me na kulu waimaka e hiolo ana ma kona mau papalina lahilahi, oia keia; Auwe – e kuu makuakane aloha, kuu Papa hoi e, i hooneleia kou manaolana no ka hoohauoli ana aku i kou mau la kanikoo o keia ola ana, oiai kau kaikamahine hookahi au i mailani ai a hiki i ko'u haalele ana aku ia oe. O! auwe oe e kuu makuakane aloha e, eia wau iloko o ke kulana kupilikii o ka ehaeha iloko o keia hora. E na aheahe lau makani e pa mai nei, e lawe aku oukou i kuu aloha a haawi i kuu Papa aloha, pehea la wau e iko hou ai i kou helehelena. Auwe kuu make, kuu luuluu hoi— e, a uwe iho la me ka ehaeha o kona puuwai i ke aloha makua.

Hooho ae la o Mado me ka olelo hoohiki. Aole loa wau e lawe mai i kau mau olelo waiwai ole a kanu iho iloko o ko'u puuwai. Aole loa he manawa i koe e hooloihi hou aku ai, o kou ae wale mai no a hoole mai. I kela wa no i loli ae ai ka manao o ua kaikamahine la a pane mai la: E mare no au me kekahi o laua. Ua olelo rnua aku au ia oe, aole oe e make. Ke hoole nei no anei oe ia Ralston? Ae. Alaila, o Belphigor kau e mare ai. E kahea ae wau iaia a e hoike aku no ko olua mare. Hele aku la oia e wehe i ka puka. I ka ike ana o ke kaikamahine i ke kii ia o ka nika, lele mai la o Maud imua a hoooho ae la. Aole, aole, aole! Alaila, ua ae oe e mare me Ralston ea? Paa iho la kona waha no kekahi manawa e noonoo ana no kana mea e hana ai, a mahope iho o ia noonoo ana, hoopuka ae la oia. Ke ae nei wau. E hoohiki mai ana anei oe, aole e hoike iki i kekahi mea no ke kumu o ko'u lilo ana i wahine mare nana ? Ae. Ua naauao maoli oe, wahi a Mado me na helehelena o ka hauoli i pahola ae maluna iho ona. Aka, e hoike aku wau ia oe, o kela manao hoomakaukau ou e pau koke ae ana ia, a e hoohala ia auanei ka hapanui o kou mau la me ka noho ana hauoli. He mea oiaio no, e hoopau aku auanei o Ralston i kana mau hana karaima ana, oiai, ua hoonaauao kupono ia no oia, a ua hiki loa iaia ke lawe mai i na rula keonimana. O ka'u dala, ua lawa ia no olua a i elua, a nana auanei e hoihoi aku ia oe iloko o ke kulana kupono me na helehelena o na hoaloha oiaio o ka noho hauoli ana. E ike no anauei oe i kou aloha pili paa aku iaia i na wa a pau. Auhee aku la na manao weliweli mai na noonoo uluahewa o kaikamahine, komo pono mai la na apu koheoheo a ka ui Maud.

Ua auhee aku na manao ooloku, wahi a Maud. Ua ae aku nei au, ua lawa ia. I ka wa au i makemake ai ia'u e mohai aku. Mai kapa oe ia mea he mohai—i pane mai ai o Mado. I keia manawa i lanakila ai oia ma kana mau hoopahee ana i ka aila imua o ke kaikaikamahine, a loli ae la ke kulana he lookoa o ka powa, pepehi kanaka, aihue. E hooko koke ia ka mare. E pane mai ano i ka'u no, wahi a Maud. Aole i maopoopo loa ka hora o olua e kau ai i ka lele, he hookahi paha hora mamua ae o ka poeleele ana, e hoi hou mai ai au. Oia no hoi ka wa e makaukau ai na mea a pau no ko olua mare ana. Ua pono loa ae la, i hooheno iho ai ua ui luli wale la, haule aku la oia iluna o ka pela nolunolu o hulehulei, a puana ae la, maanei au e hiolani ai. Noonoo iho la o Mado, e hoea mai paha auanei kekahi kupueu e ae, a kaili hou ia ia aku oia, he hana nui hou aku ia e huli hou ai, nolaila, e laka ae no ka puka a paa. Laka aku la oia a paa, haalele hou aku la oia io Maud e noho mehameha ku ae la oia iluna, paa ae la kona mau lima i ka lae. E kala mai e ke Akua i ka'u mea i hana iho nei. Ke hoole hou nei wau, aole wau e ae ana. I hana wale iho nei no wau i loaa ia'u ka manawa e auhee aku ai ka makau no kuu lilo ana i wahine mare,na ka nika. Noho hou iho la oia ilalo e noonoo ai. Nana ae la oia a puni ke Keena, loaa ae la iaia kekahi pahi hou puuwai uu ae la oia a hemo kona mau kupee lima iwaho, waihe olohelohe iho la no ka manawa. Noo iho la oia e hou i kona puuwai i ka pahi a ku aku ke koko iwaho i make ai oia. Noonoo hou iho la oia, e pule aku i ke Akua Mana Loa, e kala mai i kona mau hewa. Ia wa no, lohe aku la oia i ka nakeke ana mai o ke pani o ka puka, e wili ana i ke ki. Ku koke aela oia iluna me ka haalulu e paa ana i ka pahi ma kona lima akau. I na paha o Mado keia, alaila, e hoopili no au i ka pahi me kuu lima a komo iloko o kuu lole. Aole nae o Mado, aka, he kanaka opiopio keia ana i ike ole ai hoi mamua aku.

Iaia i komo aku ai iloko, kau ae la oia i kona manamana lima ma ka lehelehe e hamau ana. Hamau me ka leo haahaa. He hoaloha au nou. Papani aku la oia i ka puka a paa. hele loa mai la oia ma kahi a ke kaikamahine e ku ana, a hopu aku la oia i kona lima. E nee aku ihope mai hoao mai oe e hoopa mai ia'u. E hele koke no wau ke olelo mai oe pela, ua kuhi au, he makemake oe e pakele. He makemake au. O ka'u hoi ia i hele mai nei? Owai oe ? Mai haawi mai ia ninau. Ua hiki loa ia'u ke hookuu aku ia oe a lanakila ke ae mai oe e nuku ia'u no ka'u mau aklakai ana ia oe. E haawi no au ia oe i ka huina dala au e koho mai ai, oiai o ko'u mana ia e hooko aku ai. Oia ka oihana, wahi a ke kanaka. Aole loa wau e haule malalo o nei mea he aloha. E haawi mai oe i kau hoohiki a me kau nota hoopaa, e like me ka kaua i aelike iho nei no na dala he iwakalua tausani, a e hoolele aku no au ia oe i Nu Ioka, mamua o ke kakahiaka o ka la apopo. Ke hoohiki io nei au. Hoohiki oe. Ke hoohiki nei au. Ua pono, e hahai mai ia'u. Puka aku la oia iwaho, hahai aku la o Maud i kekahi manawa, ku like iho la laua iloko o ke ana. Paa ae la ke kanaka i kona mau lima palupalu. E paa mai oe. E hele aku ana kaua iloko o kahi pouli no ka wa pokole, i ole ai oe e nalowale mai 'u aku, ma ka lima o ka poe powa. Lalau aku la o Maud i kona lima, a alakai aku la ke kanaka opiopio iaia no kahi mamao, a hiki ma kekahi puka hou aku. Aole i pau.