Ke Aloha Aina, Volume I, Number 21, 12 October 1895 — Page 8

KE ALOHA AINA

 

8    KE ALOHA AINA, POAONO OCT. 12, 1895.

 

HE MOOLELO KAAO.

- NO NA -

HOAHANAU ELUA.

- A I OLE KE -

Opuu Pua Elua.

HELU 2.

 

  Ia laua i hoea aku ai ma kahi ua mau kaikamahine nei e holoholo ana ua pane aku la o Ha, e na ui maikai holoholo muliwai o Helevetia, e oluolu anei olua o maua pu kekahi e kau aku iluna o ko olua halelana i ke kai, a huli mai la kekahi kaikamahine a haawi mai la i na minoaka hoomahie ana ia laua nei.

  Pane aku la kekahi kaikamahine kekahi, pehea kaua, e kii kaua i kela mau keiki aole paha, imo aku la kekahi i kekahi a hehe ae la na aka a ua mau opua hiki ahiahi nei, hooholo like iho la laua e kii i ua mau keiki nei e hookau mai.

  I kela wa i halialia wale mai ai no ia Mamonia na kahoaka o ka popilikia e loaa ana ma ko laua alahele, i ka wa o laua e kau aku ai maluna o kahi waapa a na kaikamahine e holoholo ana me ka maalea.

  Ia wa i pane aku ai o Mamonia i kona hanau mua, e kuu kaikuaana, ke hele mai nei ka hoi au a aloha i kahi pokii o kaua e noho mai la i ke kakela o kakou, kahi hoi a ko kakou makua hanai i kukulu ai no kakou, me he la e koi okoa mai ana no ia kaua e hoi, aole keia he mau kaikamahine oiaio, aka, o na enemi no keia o ko kaua makuahanai.

  a ke hoomanao nei no hoi au i ka olelo kauoha a ko kaua makuahanai,  oia hoi, mai puni i na hoowalewaleia mai, a mai manao hoi i ka ui o kela a me keia kaikamahine, aka, e akahele mai pupuahulu.

  Aka, aole he hoolohe mai o kona kaikuaana i kana mau olelo e uwalo aku nei a ua lilo hoi ia mau olelo i mea hoonaukiuki loa no Ha kona hanaumua, a pane hou aku la, heaha la hoi, e hele aku no hoi kaua mahope o kau.

  Pane aku la o Ha, ina he makemake kou e hoi,  heaha no la hoi ka mea o ka hoi ole ana, a aole no he mea nana e papa aku ia oe, a pau wale ae la no ko Mamonia manao kanaenae aku imua o kona kaikuaana.

  I ka pae ana mai o ua wahi waapa nei ma kahi a laua nei e ku nei, kau aku la laua nei, a oia no ka wa i nalowale iho ai ua wahi waapa nei me kana pio mai no ka halepaahao.

  I ka nalo ana aku o ua wahi waapa la me kana mau pio, ua kahuli koke ae la oia a lilo i kino kanaka, a lawe loa aku la oia i kana mau pio a hoopaaia maloko o kekahi halepaahao i pa-umi ia aku kona pouli panopano e hiki ole ai ke ike aku kekahi i kekahi.

  No na wahine hoi, ua lele aku laua no ke kii ana i na lio o Mamonia ma, oia hoi o Losineholo a me Maunale na kaeaea o Aupuni Herona.

  Ke komo iho la paha iloko o oukou e na poe heluhelu ka haohao no keia wahi waapa kupanaha.

  Ae, o keia wahi waapa, aole ia he mea okoa, o ka luahine Kelelona no ia ka hoa paio o Diabolo, a na ke au o ka manawa e hoike mai.

  I ka wa a na lio i ike mai ai i keia mau kaikamahine e hele aku ana imua o laua, oia no ka wa i kani ae ai ka ihu o ua mau lio nei, a lelele ae ia ma o a maanei, e hoike mai ana hoi i ko laua huhu, mamuli o ko laua ike ana nei mai i keia mau mea malihini imua o laua.

  I kela wa i huli ae ai ua mau lio la e lele, a o ia pu no hoi ka wa a na kaikamahine i lele aku ai a paa ma ka huelo o ua mau lio nei, a oioi pono loa aku la ua mau kaikamahine la a kau pono iluna o ke kua.

  I kela wa i hooi loa aku ai ua mau lio la i ko laua mama lele, ke hele la a pau ka ike ana o ua mau kaikamahine nei i ke ao aina.

  E lele ana hoi ma o a maanei me ka manao o ua mau lio la e haule ana ua mau kaikamahine la, aka, ua oi loa aku ka pipili me he kui la ua kakiaia a paa.

  No keia mau manaolana poho o ua mau lio la, ua huli hoi aku la ua mau lio la no ko lakou aupuni, a ia Lopaina i ike mai ai i ka lio o kona mau kaikuaana e hoi aku ana, ua huna aku la oia i kana aikane ma kahi e nalo ai, a iaia no a nale aku, ku ana ua mau lio la me na kaikamahine.

  Me ka hele o ua mau lio la a na e iki, e lele ana hoi ma o a maanei me ka noke ana i ka owala, a noonoo iho la o Lopaina ua lawe aihue ia mai keia mau lio e keia mau kaikamahine.

  Ia wa o Lopaina i komo hou aku ai o Lopaina iloko o ka hale no ke kii ana i kana naau mea mana, oia hoi ke kookoo mana, kana pahikaua, haawi aku la na Hanoia, kii hou aku la a lawe mai la i kona hainaka lele, kona mau kamaa lele a me kana wahi ilio punahele.

  Puka aku la iwaho me kana aikane Hanora, a i ko laua puka ana aku aole ka lio me na kaikamahine o waho, a kani iho la kana u, a pane ae la, kahaha ua hiki hoi, a loaa aku hoi elua ia'u mamake olua ia'u.

  Me ka hoohakalia ole iho, ua kii aku la oia i kona lio a hana iho la a paa, kau ae maluna me kana aikane, a hoonoho iho i kana wahi ilio punahele me ke kauoha ana iho.

  E kuu Lenora maikai, e noho oe e malama i ka hale o kakou, a e hela ae au e huli i ka lio o kou mau haku a me laua pu.

  I ka pau ana o kana olelo ana i kana wahi ilio, ua kunou mai la ka ilio, a kauoha aku la o Lopaina i kana aikane e paa mai a paa iaia.

  Iloko no o keia wa i upoi ae ai na wawae o Lopaina i ka opi o ka lio, a o ia no hoi ka wa i lele aku ai ua lio nei i ka lewa, e kiei ana hoi, a e halo ana ma o a maanei, a aohe wahi mea a ikeia aku.

  Kaalo ana laua nei mawaho o ke aupuni o Liona, a pa e kahea.  E hele ana ka olua huakai hele ihea.

  Pane aku la o Lopaina, aole anei oe i ike ano nei i kekahi mau mea elua ma ka lio?

  O ka hala ana iho la no ia aole i loihi loa.

  A lele hou aku la no laua nei, a waena o ko laua alahele, akahi no a pane ae o Hanora.

  Ke hele mai la ka hoi a eha o ua mau maka, a ke hele mai la no hoi o'u mau wawae a wela.

  Pane iho la o Lopaina, e hoomanawanui e kuu aikane, a mai paupauaho hoi oe.

  Aole i emo keia lele ana aku a laua, kaalo ana laua mawaho o ke aupuni ahi, a pa ana kahea.

  E hele ana ka olua huakai ihea, e hele ana e huli i na kaikaina o ka Luakini Kelelona.

  Ahe! o ka hala ana aku la no ia la maanei, aole i loihi loa, he hookahi no paha minute i hala ae la.

  Haawi aku la laua nei i ke aloha ia Hipakane, a hoomau aku la no laua nei i ka lele ana e huli i na kaikamahine.

  Ia lana no e lele ana, ua ike koliuliu loa aku la laua i kekahi wahi ao opua e lele mai ana me he kaupu hehi ale la.

  Ia laua i ane hookokoke koa aku ai ma kahi o ua wahi ao opua la e kau ana.

  Ike pono aku la oia he elua mau mea e lele ana, a ia wa pu no hoi i ka huli ae ai o Lopaina i Opeapea, a o Hanora hoi i Pulelehua, a o ka lio iho manu.

  E like me ka lele ana o kela mau mea, pela no laua i ukali aku ai mahope.

  Ia lakou e lele like ana me ko laua la ike ole mai ia lakou nei, na komo aku na ua mau keiki nei a he hookahi ke poholo like ana.

  Ia lakou i komo aku ai, ua ike aku laua nei i kekahi kao pilikua e noho ana malalo o kekahi kumulaau ma kaekae pali, a e kulou ana hoi kona poo ilalo.

  Lele loa aku la laua nei a ma kahi o ua kao nei e noho ana, a pane iho la o Lopaina i ke kao.

  E Luriana e, e aha ana oe maanei e noho nei, alaalawa ae la oia ma o a maanei, aole ana mea i ike aku, koe wale no o kahi Opeapea kana e ike aku nei i ka lele ae maluna ae ona.

  Kahaha, kupanaha maoli, o ka leo ka'u e lohe nei, aohe no nae o'u ike aku i ke kino.

  Pane hou aku la o Lopaina, eia no hoi au la imua ou.

  Hoomanao iho la ke kao, o kahi Opeapea no e lele nei, oia no kona hoa kamailio.

  Pane hou aku la o Lopaina, e Luriana e oluolu mai ana no anei oe e lawe aku ia maua e hoomakaikai aku ma nei wahi, a i ole, e hoike mai no hoi oe ia maua i kahi o kanaka o keia wahi aku.

  Pane aku la ke kao, aole e hiki ia'u ke hoike aku ia olua, oiai he mau mea komohewa olua, a he mau pio hoi olua nau.

  A oia no hoi ka wa i alala ae ai ua wahi kao la me ka leo nui, a oia no hoi ka wa o na kiai o ua aupuni la i ala like mai ai a hele huli ae la, ha ia ae na ahi pele, a pii ae la ka wena ula o ke ahi me ko lakou mau alelo manamana e holapu ana ma o a maanei o ka aina.

  No Lopaina ma hoi, ua pipika wale aku la no lakou, a o ka lio hoi, kahuli hou ae la oia a lilo i ua, e hookulukulu maka walu ana me ke kahe ana a ka wai.

  A na keia ua pu no hoi i hoopio aku i ka a ana a ka pele, a pohina ae la ua aina la i ka uwahi a puni, a kahuli hou ae la ka lio e like me mamua.

  A na keia uwahi no hoi i hoopohina aku i na maka o na kiai o na aupuni nei, a maalahi loa ai o Lopaina ma.

  Ia lakou i hookokoke loa aku ai i ka hale o ke kupua Minora, e hiolani ana no oia me ka noonoo ole ae eia na kupuea i kona aupuni kahi hehihehi ku ai, me ka waiho hemahema no o na mea mana.

  Oia hoi ke kookoo aleloahi, na paa kamaa o ke kupua Minora, ke kinipopo aniani, na huhui ki like ole, na kui omau elua a me ke komolima.

  O keia mau mea mana a pau, aia no ia iloko o kekahi wahi pahu ume uuku aka, mamuli o ka ike i loaa ia Lopaina me he aniani la ia imua ona.

  Lele aku la ua wahi kino Opeapea la no ka rumi o ke kupua Minora e moe ana.

  Kahuli hou ae la o Lopaina mai ke kino Opeapea a ke kanaka.

  Alaalawa ae la oia ma o a maanei, aole ana mea i ike aku ai, a i kona huli ana aku ma kahi o ke kupua Minora e moe ana.

  Ike aku la oia he elua mau nahesa kiai ua pauhia loa ia e ka hiamoe naaupo, me ka noonoo ole ae no ko laua haku.

  Oiai, ua ala ia e ua mau kiai la, ke ao a me ka po, iloko o na la loihi, oiai he kanakolu la o ko laua haku e moe ai a ala mai.

  O ka la a Lopaina ma i hiki aku ai o ka la no ia e ala ai ke kupua Minora mai ka hiamoe mai, a he hookahi wale no la mamua aku o ka hiamoe ana o na kiai kino o Minora.

  Iaia i hiki aku ai ma kahi o kahi pahuume e waiho ana, wehe mai la oia i ka pahu i, aole he mea e ae oloko, aka, o ka huhuiki wale no, a huli hou la oia ihope, ike aku la oia i ka onioni o ke kupua Minora.

  Huli hou iho la oia i ka lua, he kookoo ka i loaa aku, a i ke kolu, he kinipopo aniani, a i ka ha, he mau pine omau, a i ka lima loaa aku la iaia kekahi paa kamaa, a haawi aku la ia Hanora, a huli hou iho la oia i ke ono o ka pahu, aohe he mea i loaa iaia, oia hoi kahi waiho o ke komolima, a aia no ma ka lima o ke kupua Minora a oia wale no kahi mea mana i koe aku iaia.

  Kani ae la ka pakaihu o ua kupua la, e like me ka hoonaueue ana a ke olai, kaakaa ae la kekahi maka, a aole nae oia i ike mai i laua nei.

  No Hanora hoi me ka lio, eia laua ke ku mai nei me na helehelena mae o ka piha makau, a pane aku la o Hanora.

  E Lopaina e aha ana ka hoi oe e mili mai nei i ka mea makau, ke ala mai la kela kanaka.

  Hamau aku la o Lopaina, a o ka lio hoi, pane mai la me ka leo kanaka.

  E kuu haku, e wehe ae i kau kookoo a hiki aku maluna o ke kupua Minora no ekolu manawa, e wiki a mai lohi e kuu haku, oiai ke kokoke loa aku nei i kona wa e ala mai ai, a ke hookuli ka hoi oe, ehia ka hoi mea aloha o ko kakou pau mai i ka make.

  Aka, aole he hoolohe mai o Lopaina i keia mau olelo a ka lio ke kokoke loa ae la i ka wa ala o na kupua la he hookahi minute i koe.

  ala mai la na kiai ekahi o ka puka o ua hale la, a ike ae la lakou i ka pohina o ka uwahi, a hoomanao iho la lakou eia he kupua ua hiki mai i ko lakou aupuni.

  I ke kani pono ana ae o ka hora ia o ua la nei, ua ala ae la ke kupua Minora, a ike ae la oia i keia poe e kuku aku ana ma kahi o ka pahuume.

  Ia wa oia i anai ae ai @  eono manawa, a ku ana @  kanaka, a pane mai lai@ 

  Heaha kau i kahea ae @  e hele mai.

  I kauoha aku nei au @  hopu aku i kela poe aea@  la maluna o Lopaina bat@  i kana kookoo no eko@  puka aku la kekahi alan@  aku la no na ao opua, @  ana aku i ua poe kanaka @  aku la iwaho o ka moan@  mai la ke alanui iloko o @

 

HUI IMI WAIWAI O@  PONO

E na makamaka a @  me na hoa'loha. Weli@

 

  UA KUKULU ae nei ka @  malalo iho nei i @  WAIHONA KALA A @  no na mea a pau e komo an@  i kapaia ma ka inoa, KA HUI@  O KA NOHONA PONOI @  i hoikeia maluna.

  NOLAILA, ke komo a @  au ina makamaka a me na @  makemake ana e hui pu @  lulu a hoiliili ina wahi la@  keia mea ma ka waihona @  hiki ai ke hapai i kekahi a@  a e pomaikai ai na poe a @  waihona; nolaila, i mea @  hana nui, he mea pono e @  hookahi iloko o ke apo @  kuikahi i loaa ai ia kakou ka@  o keia mua aku.

  O NA mea a pau e @  mai iloko o ka hui i ole @  no la lakou ka ike a me @  aku no na kumuhana, @  me na hoolala a pau e poe @  muli o ko lakou hehe kina@  kuka pu me ka mea noni @  nei, a nana e wehewehe @  ano a me na mea a pau @  hana i mea e holomua @  ka hui.

  E loaa no au ma@  Moiwahine kanemake K@  kaha, Honolulu, i kela @  hebedoma a koe ke Sa@                                              

MRS. KAIM@

 

Ha e Paionia & @

  I kou wa e makema@  no kou hale a me ka p@  lu paha i hale nou, @  HALE PAIONIA me @  AIF.  He oluolu ka @  oluolu ka hookaa ana @

                    {  8:30 A.

Hora Hana  {  4 P.M.                         KEENA OIHANA @

A. W@

 

PEPA HOONA@

  A no mai nei i hiki @  Hoonani Hale ano @  Hale Kuai o Waila @  na alanui Papu ma @  oluolu loa ke kumu@  he nani maoli no na @  waihooluu like ole.  @

  E kipa nui ae, a eh@  na Pepa i mea Hoo@  mau home.  @

my 20-@

 

L. B. K@

MEA HOUNA MO@

Europa a @

Ua hiki mai he @

Na Lole A@

Na Lole Nahe@

suka, P@  Pal@

GINAMU S@

Na hainaka na @

me na helu @

NA PAPAI@

Na Lole lahilahi, ia p@

ila, a me na L@

  Me na lole kaulana @

no na Lede a me na K@

i waeia no na Paemoha@

He Agena no ka @

Kaulana @

  He kuai make@

maloko o hookahi @

waiwai.