Ke Aloha Aina, Volume I, Number 21, 12 October 1895 — Hoopau ia na Kiai. [ARTICLE]

Hoopau ia na Kiai.

Ma ka ike ana iho, ua hooholo ka Papa Ola, e hoonoa i ke kiai ana a ka poe i hoonohoia e hoomaiu i na awawa mai Moanalua a Palolo, koe aku ka nuku o Nuuanu a me Maunalua. Haohao ae nei no kekahi poe a ninau mai nei, no keaha aku la hoi i hookoe ia aku na kiai ma ia mau waha? Aole no ka paha oukou i hoomaopopo? Oia na wahi e nana pono aku ai na maka i ke kua o ka ale, o ka hoea mai o ke aumoku filibuster o Akipoka ma i nalowale honua iho nei iloko o keia mau la. Nolaiia ia i hookoe ia aku la na kiai, na lakou hoi e hoi mai a hoapunipuni i ko lakou poe, he poe powa ae keia; alaila, liuliu hou na pualikoa me na makai no ke kaua. Nui na hana hoopau manawa wale.