Ke Aloha Aina, Volume I, Number 22, 19 October 1895 — Page 2

KE ALOHA AINA

POAONO  OCT 19, 1895

(Mai ka aoao ekahi mai.)

            O ke ehu kai o nae o ia nalu, ua pun@ nae ka Houua a pau, oia hoi na mea uhane ola, ka lahui a me na mali@ini,  a oia ke kakou e nalu nei, e nalu ana ka lahui, e nalu ana na malihini i o kakou nei, e nalu ana na haipule oiaio a oiaio ole, a e nalu ana ko na Aina E a e nalu ana no ko ka Honua holo okoa.

            A okaikai mai nei no ko Hawaii, Mai, Kauai, aole e lele iuka ka poe o ka Papa Ola i ae aku ai.  I ke kana wai o ka nalu e hakukoi ana iloko.  Hoomalu hou ia o Analu & Akue ma i Mokuola, a hoihoi hou ia mai o Kanaka, aole ae ia e lele i Kauai, ka ua mea he nalu.

            “Mai Kona” mai ke Kona paha i Hawaii, mai ke Kona no paha o Oahu nei?  Aole.  Mai knoa lima kakau no o ka M. H. 1887.  Mai kona pono a ko ka Lahui lawe a ka nalu ku o 1893 @ a koele i keia la.

            E ka lahui, ei keia ku la, “Ku iho la o Karisto ma ka pohaku i Holeba, a kahe mai la ka wai no ka pono o kanaka.”  Pukaana 1718 a mea I Korineta 10:4.  Inu no lakou i ko ia Pohaku lani i hahai mahope o lakou, a o ua pohaku la oia no o Karisto.

            Nolaila, o ka poe a pau ma ko Iesu aoao e kukuli kakou, o ka Iesu hana maa ia o ka kukuli imua o Kona Makua i  ike mai ke koena a lokahi kakou iloko o Karisto,   Amene:

            Hookahi Waa Pohaku Ako’ako’a – oia no ka Pohaku ako’a @ a ka mea e hiki e loaa iloko o ke kai a me na kahakai a o ka Punakea a me ka Puna uli kekahi mau inoa o ke ako’ako’a na ke kai e bahaki mai i kahi manawa i waiho ae iuka.

            Aole no keia he pohaku paakiki loa, ua ano like no me ka pohaku Eleku, “Hookahi Waa Pohaku Ako’ako’a” – Hookahi waa – O ke Aupuni no ia, o ka pohaku oia ka ukana o luna, a mai ka wa e alo ia ana ka Waa Pohaku Eleku.

            E alo pu ia ana no ka waa pohaku ako’ako’a, a i ka wa e hookele ana na Moi a me ka Lahui i ko lakou aupuni, e hookele pu ia ana no ke Aupuni me ke ano hoomakaulii.

                        (Aole i pau)

 

            O mamalu hoi keia la, he ano ua paha.

            E lawe nui i Ke Aloha aina i ike mea hou o keia mau la e nee nei.

            Ua pau loa na mea paahana o ke Mere-go-round i ka wehewheia.

            Eia ke eliia nei he auwai hoahu dala e lakou nei ma ae ma ka Hale Keaka Pake mua iho nei.  Hu no hoi ka aka i keia au hou!

            Apiki no paha ka Papa Kahu Malama Waiwai o kaumakapili i ka manao ana e hoolilo aku ma ke kuai i kela apana aina o Holokahana i $300.  No keia au wale no la hoi na hana apiki.

            Ua ku mai i ka po Poakolu nei ka mokuahi Alameda mai na Panalaau mai o ka Hema, a ma keia awakea Poaha oia i niau loa aku ai oia no ka Ipuka Gula o Kapalakilo, me ka lawe ana aku i na eke leta a me na ukana mai keia awa aku.

 

KE ALOHA AINA

Hoopukaia no ka Pomaikai o ka Lehulehu, a he Nupepa na ka Lahui Oiwi.

J. NAWAHI, Lunahooponopono a me Puuku

E. L. LIKE, Hope Puuku.

HONOLULU, OCT 19, 1895.

 

 

Ko Kuokoa Mea Kakau

            Aole makou i ike mai mua mai i kekahi mea kakau manao no ke Kuokoa, i oi aku ka hawawa a me ka lauwili, a me ka huikau o na mea i kakau ia, e like me ia e ike ia nei i keia wa.

            I na wehewehe maopopo ia na mea a pau loa e Ke Aloha Aina, alaila, hoolauwili ae la i ka mea oiaio, a hoole kumu ole iho la oia, a ua like kana mau pane ana me ka ka poe i ao ole ia i na rula o ke kamailio oiaio ana.

            Ua haalele loa aku oia i kona kulana kalaimanao mua ana i kukulu mua ai, a i lele kamoko mua loa mai ai maluna o Ke Aloha Aina.  a i keia wa, eia oia ke auwana hele nei malun o na kumuhana he lehulehu wale e pili ana no J. Nawahi.

 

            Aia maluna o kela manao mua i oleloia e ke Kuokoa, e i ana penei:  “O J. Nawahi kekahi o na Hawaii kue loa i ke ano o na hana o ke Aupuni ia manawa, a hiki wale i ka make ana o Kalakaua.”

            Aole anei e pono ia Nawahi ke pane i ka mea oiaio a pololei.  Ae!  A heaha ke kumu o ko Nawahi kue ana?  Aole anei e pono ia Nawahi ke hoike ae ia kumu ana i kue ai ina hana pili i ke Aupuni?  Oia ka Nawahi i hoike ai, e owili pu ana ia Kawainui ma maloko o ia auna hookahi o na hana ona rama uhauha, hookikini i na hana hoopilikia i ka Lahui Hawaii.

            He hewa anei ko Nawahi kue ana i na hana hookuapapanui hoopilikia i kona Lahui?  Aole loa!  Aole he enemi o Nawahi no ke Aupuni ma na hana i ku i ka pono, aka, no na hana pono ole.

            Ina he oiaio ka ke Kuokoa i olelo ai, he enemi o Nawahi no ka Moi Kalakaua a hiki i Kona make ana, alaila, pehea i ae ai o Kalakaua e haawi ia Nawahi i kekahi hana aupuni iloko o 1881-1882-1883-1884 a me 1887?  No ka mea, oia kona enemi.

            Maanei nei, ua hiki ia Nawahi ke hai akea aku i ke kumu, a me ka manao o Kalakaua no Nawahi, i mea e hoopau ia ai kela manao.  Wole no ko Nawahi ake a pai iaia iho, aole loa he kanaka o Nawahi i maa ole ia mea, aka hoi,  ma kahi haiki loa, ua ae ia na mea a pau loa, e ku i koike nona iho, e hoike ae i ka mea oia oiaio.

 

            Ua hoiaio no o Iesu Karisto Iaia iho imua o ko ke ao nei, Oia no ke Akua! Pehea la?  Ua hoole anei o Kawainui ma, aole Oia he Akua, no ka mea, Nana no oia i pai laia iho, he Akua Oia?

 

            Ke olelo hou nei o Kawainui ma kana Kuokoa:  He oi aku no ka pono o ka Lahui Hawaii ina aole i hanau ia mai @ J. Nawahi ma keia ao.

            Me he mea la, no ka piha lili a no ka nui ukiuki, nalaila, i hoopuka ai oia i kela mau huaolelo.

            Heaha la ko Kawainui kuleana e olelo ai pela?  No Kawainui anei ke ao nei?  Na Kawainui anei i hana i ko’u mau makua i ku ai kana olelo ana iho, e aho no i na aole o J. Nawahi i hanau ia mai ma keia ao?

            Owai la na keiki kupono loa ke hanau ia mai ma keia ao?  O na keiki kumakaia kipi hookahuli aupuni anei e like me J. U. Kawainui ma?  O ka poe keiki aloha anei i ko lakou aina hanau e like me J. Nawahi ma?  Na ka lehulehu no ia e ike ana a pane koki iho me ka maopopo loa.

            Ke hoomanao nei makou i ka olelo kaulana a kekahi mea pena kii i hoikeia maloko o ka Buke “ The Art Recreation ” penei:

            “O ke kanaka e aloha ole ana i ka nani o na pua, ua hanau wawae ia mai oia.”

            Pela makou e olelo aku nei, ua hanau ia mai o J. U. Kawainui ma na wawae e kona makuahine, no ka mea, aohe ona aloha i kona aina hanau.

 

Hokuloa me ka Mahina.

            Ma ke kakahiaka nui o ka Poalua nei Oct. 15, ua ikeia aku la o Hokuloa a me ka Mahina e kau like mai ana ma na ao kaalelewa o ka poai lani laelae.

            Olinolino mai o Hokuloa!  Nani kona alohi ana iloko o ke aouli o ka lani.  Ua hala oia ma ke komohana nei o ka La, nolaila kona malamalama kokoke loa ana.  Ua piilaua me ka Mahina me ka motio like ole, oiai ka honua e huli ana i ka hikina, a i ka hala ana ae o na hora hou he 24, aia hoi, ua ike kakou i ka mama loa o ko Hokuloa hele ana, oiai, i ka hora 6 a.m. o keia la, ua haule hope iho ka Mahina, malalo loa o Hokuloa, kokoke 25 degere kona emi ihope.  Ia wa, he meridiana okoa ko kekahi a me kekahi e hele ana. O!  Ka Mahina opulepule.  Ae!  Ka Hokuloa malamalama.  Ua hoike mai la i ko ke Akua nani.

 

O BOSTON KA MEA AA E KAUA.

            Ka liuliu ma ka Hikina me ka manao e hoihoi hou i ka Moiwahine Liliuokalani.

O Joseph Adam ka Agena Malu.

(Mai ka P. C. Advertiser mai o Oct. 17, 1895)

  Boston, Mass. Sept. 27 – He nui ka makaala o na agena o ke Aupuni Hawaii ma ka Hikina, iloko o ka pule i hala ae, a o ka hua o ka lakou hana, oia no ka ulaa ia ana ae o kekahi wahi ohumu makaukau, no ka manao hoihoi hou mai i ka Nohoalii o ka Moiwahine Liliuokalani.

            Ma ka Hikina nei, he nui wale na poe i manao, ua hoopoino maeliia no ka Moiwahine i kona mau pono, a o keia mea, ua hoomaopopo maoli ia no ia i na agena o ka aoao Aloha’lii a lakou e hooikaika maoli nei ma ka hana, e hoao ana e hoolako hou i loaa ka ikaika.

            Aole no i holo pono loa na hana, a o ke kumu paha o ia holo pono ole oia no ka n@ loa o na poe i hele aku mawaho o ka aina, e pili ana i kela kaua iho nei o Berazila.

            O ke kanaka i oleloia, nana e lawelawe nei i ka hooholo mua ana i ka hana, he kanaka Enelani, oia o Joseph Adam, he mea i noho mua ma na mokupuni (o Hawaii) a he mea e hahai ana mahope o ka aoao aloha Alii, iloko o ka wa uluaoa aku nei.

            Ua aneane pau loa iaia na kulanakauhale o ka Hikina i ke kipa ia, a o ka hua o kana hana ana, ua hoiliili ae oia, a lilo he ano pualikoa mahuahua ana i manao ai e hoouna aku i Hawaii i keia mahina ae (oia o Okatoba.)

            O kekahi heluna o keia poe kanaka, ua hoakoakoa mua ia, a ua komo ma kela kaua ma ka aoao ona poe Cuba, a o na olelo hoopaa no ka loaa ana o na kulana a me ka waiwai, ina e loaa ana ka lanakila ma ke kaua, ua haawi pakahi ia no ia lakou, a iloko oka hapanui loa o na mea o ia ano, ua hoole ia mai ka hookoia ana o na makana.

            Ua hoike ae na agena o ke Aupuni, (o Hawaii) ua loaa ia Adam he puali o kanaono kanaka i hoakoakoaia a na kekahi mau hui hana lakokaua o ka Hikina, e hana ana i na lako kaua, a e hoouna koke ia e like me ka awiwi loa e hiki ai, oiai he hooilikaua imanaoia e hiki mai ana, iloko o kekahi mau mahina helu wale no.

            O ka Hui hana pu a hana lako kaua Winchester, oia hoi ka hui nui hookahi ma (Amerika) ka aina nei e hana ana i na pu, ua olelo ae lakou, aole loa he kauoha mah@ @ lako pu a me na @ @ mai la lakou, aka, @ @ oha liilii no nae he @ @ loaa mai.

            E lawelaweia aku 2 @ ka mana aupuni k@ @ @ lawe ia ana na hi@ @ aku ai na hana kue 2 2 wai noho kuikawa.

            I ka wa @ ikeia 2 @ Adam e ka mea ka@ @ pepa Call i keia po@ @ ole oia i kona noho @ @ o ka oihana o ke @ @ @ pubalika) Hawaii @ @ i hoole i ka hauwa@ @ ulu ana oia i na lako @ @ kaua, a pela no ho@ @ hoike ae, no ke ku@ @ mau hoomakaukau @ @.

            O kana wale no i 2 @ e hana ana oia, @ 2 agena, a ma ia m@ 2 ma kekahi kulana @ @ la o kona poe limah@ @

            Nolaila, ua ike a @ @ kahua hoolala, alai@ @ no kekahi hoomaka@ @ kaua ana aku, a e @ @ ia.

 

            O keia maluna ae @ @ na poe paulele ole @ @ io, e like me na olelo @ @ kou.

            Aole o makou @ @ o keia mau olelo @ @ makou mea e ike @ @ Aupuni uuku e @ @ hoonohoia na poe @ @ lehu wale ma na @ @ dala mahuihui a ka @ 2 ia ana ia, lakou no @ 2 oiaio paha, a i ole@ @ paha.

            Mai  Boston ma no @ @ malama, a malaila m@ @ Boston nana i kokua @ @ huli Aupuni Moi i la@ @ 1893.

            Ua hoea mai ka ma@ @ a ua hiki pu mai no m@ @ uli kekahi.

 

            Ua uku aku ka Papa O@ @ $5,500 i a @o@k@@ @.

            Ua ku mai i ka Poakolu @ @ kupea Ritbet mai Kapala@ @.

 

            He halawai ka ka P@ @ i ka hora 3 p.m. o ka a@ @ kolu aku nei.

 

            M@ ke kakahiaka P@ @ ai ka M@ki mai Kau @ mai, @ la no i holo hou ak@ @ @.

 

            Kupanaha no @ @ @ Akua, i ka 1893 i @ @ @ koa o ka mokukaua @ @ o ka aina, a @ mai. @ @ loheia mai nei e @ 2 @ Joseph Adams he pua ik@ @ na nae he oiaio keia mau @ @.

 

            O Okatoba 16:  hala aku @ @ la hanau o ke Kama@ @ Kaiulani, ka Hooilina M@ @ nei, a o ka piha ana hoi @ @ lua o kona mau makahiki @ @ kou e pule nei e hooloi@ @ Kamaliiwahine, a @ hou @ o ka aina.