Ke Aloha Aina, Volume II, Number 9, 29 February 1896 — Page 3

KE ALOHA AINA

 

KE ALOHA AINA, POAONO, FEBERUARI 29, 1896.

 

@N OLELO PAIPAI.

 

@ na @ lawe pepa a pau @ @ Aloha Aina, i loaa @ @hi helu, a puolo @ @ @ke mai @loa, i ka hoi @ka moku i holo @e huli koke ia @ kumu i hiki ole @ pono ke kali a @ha paha pule, @ aole i loaa aku @, a mea?

@ka Luna Leta @hi o keia mau @na nupepa o ka @ keia pule i hala @maka oia e kono @ne aku ma ke @ wa i hooko@ @pa a ka poe i @ a nalowale.

 

@ hoike no ka hoo@ @o ka Luna @ nupepa i @mai ai ka hoo@ @ ole aku o @ pule.

@ ina e ho@ @ pono aku @ @la, aole na @ o Honolulu

@ mai na wa@ @kupuni, a pau @ no ka nalo@ nupepa, aka, ke @e makou ma @ makaukau, e @a mau poino @ i hookaala, ala @ mahele like ole @ poe hookaa no @ Ku oe hookaa (3.) Ka poe hoo@ makahiki holookoa. @wale no no Kau@ @elua maka@

            “Ma kana hoike ana aku i ka hewa o na Iudaio i ka la o ka Penetekota (Oihana 2:38) ka poe i oleloia; e kumakaia ana ia Karisto, o ko lakou hewa maoli no nae, oia no ko lakou ao ana aku e hanaia ia mea.

            Olelo mai la oia (Rev. Romig oiai, i ka wa e ae maoli ai na kanaka e laikini ia ka waiona, a i ole ia, o ka laha ana o ka Opiuma, ua hewa lakou, a ua lawe i ka mahele o ka hewa o ka poe i hana hewa maoli ai.

            A i ka wa e haawi ai kekahi Ekalesia i kona ae e hana hewa a i na hana maa paha o ke ao nei, alaila, ua hewa oia imua o ka Akua, no na ano hewa iloko oia hana ana.”

 

            He huipa keia mau olelo a Rev. Romig ma ke kua o ka poe Ekalesia Union o Honolulu nei, no ke mea, ua loaa pono mai la o lakou kai ae e lawelawe ia ke kuai ana aku o na waiona malalo o na rula hoohaiki kanawai, e waiho ia aku ai imua o keia Kau Ahaolelo.

 

KA MANAO O KA MAKAI NUI O HAWAII

 

            Ua ike iho makou ma ka Hilo Tribune o Feberuari 22, 1896, i ka manao o ka Makai Nui o Hawaii no ka apono ika laikini ia o ka opiuma.

            O ka Makai Nui o Hawaii i keia wa, oia no ka Hamuku o ke Aupuni Repubalika o Hawaii nei iloko o kekahi mau makahiki i hala iho nei.

            A i ka nana aku ua loaa iaia ka ike pono (aole ka ike kapilipili), oiai oia e paa ana i ke kulana kiai nui no ka oihana hoomalu o ke Aupuni, a ia w@na halawai pinepine mai me ia na ike pono, no ka nui o na pake i hopola no ka malama ana i ka opiuma na Honolulu, a ma Hilo, a ma na wahi no a pau loa iloko o keia paeaina.

            O ka hana hewa, oia ka hana kue i ke kanawai o ka aina. Oia wale iho la no. a ina e hoopaula ke kanawai no ia mea, a hoololila ma kekahi ano okoa ae, alaila, ua lilo kela mea hewa mamua he mea hewa ole paha ma ke kanawai o ka aina.

            Aka, oiai ka poe hoomalu kanawai e hooko ana i ka hoopio ana i ka loaa ana o ka opiuma ma Hawaii nei, aia hoi, ia wa no, ua oi paumi aku ka holomua o ka hoolaha ana i ka opiuma, mamua o ka mea hiki ke hoopau i kona laha ana. Ua oi aku ka lilo hoomalu mamua o ka nele loaa mai no la mea he opiuma.

            Me he la, mamuli o ka ike ia he pono wale no keia no ka poe hoopae opiuma e hoomaula malalo o keia noho ana minamina kanawai, aole nae he pomaikai iki no ke Aupuni nana i kau i ke kanawai e papa ana ia mea.

            O ka poe hoopae malu i ka opiuma e like me ka olelo a Senetoa McCandless iloko o ke Senate:  Ua loaa ia lakou mai loko ae o 15,000 paona opiuma he huina dala nui o $100,000 iloko o ka makahiki i hala aku.

            A heaha ka mea i loaa mai i ke Aupuni no ia mea? Aole no. o ka nui o ka lilo no ka mokukaua holo huli no ka opiuma, oia ka mea oi aku o ka lilo mamua aku nei, he okoa na lilo no na poe koa a no na makai, a pela aku.        

            Eia hoi kekahi o kahi opiuma i loaa mai, aole no ia i nui e lawa ai i ka uku ana i na hoolilo. A aole no ia i hoolilo ia aku, aka, ua hoopau wale ia a @iola wale ia paha i ka moana.

            A heaha ka pomaikai i loaa mai no ke Aupuni? E lilo ke Aupuni no ka uku ana i na Luna Aupuni, no ka hoomalu ana, a no ka hopu ana i na poe haihai kanawai, hoopae opiuma, aka, o ka opiuma e loaa mai ana e kiolaia oia a nalowale iloko o ke kai!

            Aole anei e pono e laikini la ka opiuma, a e lilo auanei na ka poe laia na laikini e nana i ka poe hoopae malu.

            He ekolu wahi e komo mai ai na loaa i ke Aupuni:  (1) Ma na Laikini, (2) Ma ke dute maluna o ka heluna o na paona opiuma hookomoia mai, (3) Ka uku hoopai ho ka poe haihai kanawai.

            O keia no na manao mua i hoolalaia ai no ka bila opiuma i ke kau Ahaolelo Aupuni Moi o Hawaii nei i ka 1892.

 

Pu ke Kai Iloko o ke Senate.

 

            Ua lawe ia mai kekahi mau hoopuka manao oolea loa ana iloko o ke Keena Senate, mamuli o na mea i hoolaha ia ae ma ka nupepa Advertiser e olelo ana:  O na poe e kokua ana i ka bila opiuma, oia o Brown, McCandless a me Hawkin, he papainoa eleele lakou.

            Ua nui na kamailio ana, e hoahewa ana i ka nupepa Advertiser, no ke kapa ana aku i kekahi mau hoa o ke Senate, he poe poneko eleele lakou, he hoohaahaa ia mau hana ana, a he hoinoino maoli i ke kulana o na hoa o ka Ahaolelo pela na olelo ana.

            Ua lele loa aku na olelo ana iluna o ke Kuhina Waiwai, me ka manao, oia pu no kekahi me kela nupepa.

            Ua hoole ke Kuhina i ke kuleana ole o ke Aupuni i na nupepa. Maluna no o lakou ia mea, aka, wahi ana, he mea maikai no ia mau olelo ana i kekahi wa, he mea o ke Aupuni e makaala ai.

            Mahope iho o laila, ua pau iho la na hoopaapaa ana.

 

Kahi i Loaa Mai ai na Loaa Aupuni.

 

            Ua hoike mai ke Kuhina Waiwai ma kana Hoike (aoao 2), o na wahi i loaa mau ai na dala iloko o ka waihona Aupuni, oia no keia:  (1.) Mai kauhau ponoi mai o na waiwai paa, ma ka i pa keneta, a oia like ana no maluna o na waiwai lewa, a i huipula hoi me na auhau maluna o na kane oo, o hookahi dala ka auahau kino, a he elua dala ka auhau alanui, a me elua dala ka auhau kula, o ka huina a pau loa, ua hiki aku ia i ka $502,691.92. O na loaa mai ka Hale Dute mai, he $547,149.04. O ke koena hoi he $600,224.23, ua loaa mai ia mai na loaa e ae mai, a e hiki ana ke ohi ia me ka oluolu loa.

            O ka huina nui o keia mau loaa a pau a ke Kuhina e hoike mai nei, ua like ia me $1,740,045.19 iloko o ka makahiki hookahi (paha). A ina he elua makahiki, alaila, e loaa ana ka huina o $3,480,095.38.

            Ina he pololei ka hoike a ke Kuhina Waiwai, no na loaa o na makahiki 1894 a me 1895, e like me ia ana i kakau ai mana aoao 8 a me 9 o kana hoike, alaila, ua hiki aku na loaa a pau loa i ka huina o $3,979,928.26.

 

            Ina e hoolaweia na loaa maoli a ke Kuhina i olelo ai mamua mai o na loaa i hooulueluia ma na aoao 8 me 9, alaila, ua koe aku la he $496,836.88 ka like ole.

            Aka ma ka hoike hoolilo a ke Kuhina ma na aoao 9 a me 10, ua pau loa ia mau dala a koe iho he $314,041.60. Aka, he pohihihi no ia, no ka mea, ke koi ia nei ke Aupuni e aie hou aku i $3,603,671.63.

 

            Ina he oiaio he $$3,480,090.88 na loaa Aupuni maoli no elua makahiki i Ianuari 1, 1897, alaila, e alualu ana ka aie ia kakou, ma kahi o $123,581.25.

            A ina hoi he $3,976,928.26 na hoelilo, alaila, e alualu ana ka aie ia kakou ma kahi o ka $496,838.88!! Aohe wahi e pakele ai, oia mau no ke alualu ia ana, me he aka la mahope o ka mea e hele ana i ka wa e papa ana ka La.

 

UA PII AE KONA OLUOLU.

 

            Ma ke telepona mai Hilo mai o ka la 24 o Feberuari, a i kauohaia mai, e pane mai maka leta ia Josepeph Nawahi ma Honolulu nei, mai Mahukona mai, a penei na olelo pokole:

            Mahukona, Feb. 24, ’96. Mr. J. Nawahi,

            Aloha oe:

            Ua ko@a ia mai makou e hoouna koke aku ia oe i keia manao telepona mai ia Mrs. Nawahi mai:  “Ua hiki mai me ka maalahi, a ke pu mau ae nei ko’u ola oluolu.”

            Kou Oiaio,

Hawaiian Railroad Co. Ld. Per C. H. Hawe M’gr.

 

KA HALE OIWI.

 

            Oia ka inoa Hawaii o ka Halekuai o Mr. Daimana e ku nei me ke Alanui Moi.

            O kona ano hoi, oia ka hale o ka mea nona na iwi i hanau ia maluna ponoi o kekahi o na mokupuni o keia Paemoku.

            He kohu a pili pono ke kamailio ana ae pela, o ka mea nona keia hale e o nei ka inoa, Ka Hale Oiwi, no ka mea, maanei nei kona mau iwi i hanau ia mai ai, a i hoea mua mai ai e ike i ka honua a na Hawaii e noho nei.

            O ka poe i hanaula ma na aino e, he mea kohu ole ia lakou ke olelo, a ke kapa inoa i ko lakou mau Hale Oihana, he Hale Oiwi.

           

KA MAKE ANA O PALMER K. PARKER.

 

Aloha no na Pua o Hawaii e hele aku nei.

 

            Ma ka hora 7 p. m. o ka ponei, Feb. 25, ua kipa mai la ka Anela o ka make, ma ko ka Hon. Samuel Parker Home ma Kulaokahua ma Honolulu nei, a lawe aku la i ke ola makamae o Palmer, Kuihelani Parker, ka laua keikikani elua nona na makahiki he 18 wale no.

            He ma’i tiphoid fiva, loihi kona mamua aku nei, a mahope ua lilo ae la i pnemonia, a hiki aku la i kona make ana.

            He keiki aloha ia na kona mau makua, e ka manaolana he mea e pani ana ma kahi o kona kaikuaana i hala aku, a he mea hoomaha ina manao mokumokuahua o na makua Aka nae, aole nae pela ka manao o ka Mea Nana oia i hana. Ua kii mai no oia ina mea aloha nui ia, a ua lawe aku la nona.

            Ua haalele iho oia ina makua a me kona mau hoahanau a pau o ka ohana hookahi, a me na kini makamaka he lehulehu wale e kumakena aku nona ma keia ao.

            A i ka Poalima i hoihoi ai aku ai kona kino kupapau no ko lakou home ma Mana, Hawaii, a malaila oia e waiho ia ai me kona ohana i hala mua aku.

            Ke komo pu aku nei makou iloko o na walohia ana me ka ohana o ka mea i hala aku.

 

 

            Na Wilfred Burns, ka haole ikaika o ka hui keaka lio, e lele ana ka baluna mawaho e Makiki, i kela Poaono.

            Ua hala aku no Kauai ke Komisina Palekane Hawes, ma ka hora 8 p. m. o ka Poakahi nei, maluna o ka mokuahi Kauai.

            He keaka lio, he ahamele, he hooleleaka kii a me na hana kupanaha a @amaloka na wahi kupono no na poe puni lealea e naue ai i keia po.