Ke Aloha Aina, Volume II, Number 24, 13 June 1896 — Page 1

KE ALOHA AINA

            UA MAU KE AE O KA AINA I KA PONO

JOSEPH NAWAHI                      HOOKUMUIA I MEI 20, 1895                        EDWARD L. LIKE

                     LUNAHOOPUKA A PUUKU.                                                                               HOPE PUUKA

 

HONOLULU, POAONO, IUNE 13, 1896                        HELU 24

 

 

@ ALOHA AINA

 

            @  @paka  @ ia aku ana mai ka @ @ahi a ka @oalima o na pule a @ o keia @ keia mahina.

            @.. he 20 keneta o ka @.. kope hookahi,m he 5@.

            @.. @pa mai ke Keena @ KE ALOHA AINA, a mai @.. o na Luna Lawe @.

            @.. Olelo Hoolaha, na @.. e na Mele Inoa, me ke keiki.  Aole nupepa na ka @ paka e hoounaia ke ole e  @ @aa mua ia ka uku pepa.

            @.. @na polekei mai i na Nuhou @ @umanao, na Olelo Hoola  @oa Kanikau a me na Mele @ i ka Luua hooponopono o @ kepa.

            @.. e hoopukaia a hoolahaia 2 @oi manao ma na kol@mu o @ Pepa, malalo o kekahi inoa @ ke ole e hoike mai i ka @ hooponopono i kona inoa @.

 

 

@ a Nupepa Puka Pule

@ ALOHA . AINA

 

            @ Makahiki---------------------$2.00

            @ Mahina-------------------------1.00

            @nahina----------------------------.50

            @ Mahina--------------------------.20

 

@EPH NAWAHI

@ponopono a Puuku o

 

@ ALOHA . AINA

@WARD L. LIKE

Hope Puuku.

 

            @ @ona Nupepa me na hookaa @ e hoouna poloei mai i ka @ @ooponopono ma Honolulu @

 

            @PENA HANA:  Aia ma ke @  o Josehp Nawahi, @ a o ka Hale Uinihapa o @ @amon, ma ke kihi o na Ala.  @ @oi me Betela. ma Honolulu-@

            --------------------------------------

 

@U O KEIA KANAWAI KA

KAUINOA

-------------------------- 

 

            @.. olelo hauwawa a ma@ @ @e ai mai Amerika mai, @ i iloko o keia kulana@ @ no ka hana aku i keia  @ ua oleloia, a like no @ kauoha mau i lawe@ @ mamua aku nei, no @ @u  hoohiki malala o keia @

            @ Makou i manaoio i keia @ ina paha he wahi @ kahi o ka oiaio, na la@ @ @uwale no e o i koi mai @ @na lakou nei i keia @

 

            @ ua hiki ia makou ke @ @o aku i ko makou la@ @ mea, a e lilo ia i mea @ @ui e noonoo iho ai i @ a kupilikii loa ko lakou  @ mamua ae o ka mea hiki i ko lakou mana kaua ke hao ina pono a pau loa o keia lahui noho malie, a hana hewa ole aku ia hai.

-------------------------------

KE ALANUI KUPONO O KA WA

POPILIKIA.

 

            Heaha ia alanui?  O ke alanui a ka Moi o Rusia e hooluolu ae la i kona makaainana.  Oia hoi e hoemi iho i ka auhau i 50 pa keneta iloko o 10 makahiki maluna o na waiwai a pau.

            He alanui hookuonoono kela o ka manao lahui e ike aku i ko lakou Moi hou, anan e pahola mai nei i na au hooponopono hou o Rusia.

            He mea keia i hoomaka hou ae iloko o ka manao Alii, no ka pono o kona lahui.

            O ka pono no kakou i ka hoomahui aku ma ia alahele oluolu, a ohohiaia, aka, aole nea pela ko kakou nei wahi Aupuni ano lua ole.

            O na hana hookaumaha o na auhau hou  iho, o na aie kupai hou iho oia ke ikeia nei e hanaia ma ke Aupuni o Hawaii nei.

            Iloko o keia wa nele, poino, a popilikia hoi, aia ka, e kau hou ia iho ana no he mau haawe kaumaha hou i ike maoliia ka ohana a Parao,  a ia Reh@boama.

            He hoomahuahua auhau ko keia Aupuni, a he hoemi a hookuu, a hoomama aku hoi ka ka Moi o Rusia hana i kona lahui kanaka.

            He mea ano nui keia i like ole mawaena o na Aupuni mana lima ikaika, a mana kaua, e hoopaa ana no kona ku ana no ka wa a ka lahui e makemake ole ai.

           

-------------------------------------

OLELO HOALOHALOHA.

--------------------------

 

            I ka wahine kanemake, na  moopuna a me ka pokii iloko o ka luuluu, ke kaumaha a me ke kumakena.

            Na ke kohu o ka inika o na hua metala a ka mea hoonoho hua a me na hua inika a ka limakakau o ka mea kakau lea i pahola iho i ka lono i o makou nei, ua niau aku la me ka palanehe loa, ka hanu, ke ola, ka uhane o Ikuwa Kapohakaeleele Ulumaheihei Hoapili ko makou Haku Alii, mailoko aku o ka home i hoopuniia e ka ohana, maloko hoi o ke kulanakauhale o Honolulu me ke kakahiaka o ka la 1 o Mei, 1'96.

            O Keauhou nei la, mai ka uka a ke kai, mai kela pe'a a keia pe'a, mai ke nui hoi a ka liilii.  Ua puiwa, ua hikilele, ua pili ka hanu, ua lomi-a a wali i ka wali lima ole a ke aloha.

            Alo-ha, aloha ko heme e pehia mau ia nei e ka hunakai.  Aloha na iliili nehe o Keauhou oia wahi hoi au e holoholo ai.  O ko wai e auau ai o Waiakaheiau, ua haohao loa ia oe, e ake ana no e hoopulu aku i lou ili alii me kona mau hunawai.  Aloha o Kokonui, kou home noho uka, o kakou pu no ka i ike like i ke ala anuhea o ia wahi.

            He home no nae kou i hoopuniia e na lae-a maka hauliuli a ka malihini hoi e hoohihi ole ai, ua walea no nae oe i ka pohu a me ka olu o ke aheahe makani he Eka o kou aina.  E Ami-e, ua haalele iho kau kane Alii ia oe.  Nau ana ka hoi e u me ka paiauma aku nona, u i-a, paiauma ho-i.

            E Lilia hoi, huna ka maka o ka makua i ke aouli, nalowale, Kanikauia.  O oe ia e Davida, alualu wale ana oe i ke aka kinowailua o kou papa, huliia a hoomau i ka aloha.

            Nou hoi kahi aloha e Albert aole ka hoi oe i huipu me kou papa, ua hala e aku la ka puulena aia i Hilo, a mai poina hoi i na hana maikai a kou makua.

            E na kamaiki Haku Alii o makou, ua nele a ua hoa-a oukou i ke kupunakane ole.

            Nau ka hoi e Makainai e kuoe hookahi i ke ala me ka waimaka no kou mau Alii i hala aku la.  Aloha na Haku Alii o ka aina; nolaila,

            E HOOHOLOIA:  E like hoi me oukou e noho'la iloko o ka luuluu, o ahaia la hoi, o makou pu hoi kekahi, mai ke nui a ka liilii, mai ka uka a ke kai, a mai kela pe'a a keia pe'a o Keauhou nei. 

 

            E HOOHOLOIA:   He mea no nae e hoolanaia ae ai o ko kakou mau manao a e luia ae ai hoi o na luuluu, oia hoi, o kana alanui i hele aku la, malaila aku ana no kakou a pau, he alanui loaa aku no kana i ka huliia; no ka mea, he lepo no kakou a pau a no ka lepo mai, a e hoi hou aku ana no kakou a pau ilaila, he home malihini keia ao no kakou, aia nao ka home paa.  A ina o kakou pu kekahi me ka Hoapili mau hana maikai i hana ai ma keia ao, alaila, e huipu hou no kakou me Hoapili ma o.

            E HOOHOLOIA:   E hoounaia ke kumu o keia palapala i ka wahine kanemake no ka ohana a pau a e hoounaia ke kope o keia palapala hoalohaloha i ka nupepa KE ALOHA AINA.

O makou ihio no,

 

J. K. NAHALE,  W. N. LONO,  J. W. KELIIKOA,  S. HAANIO,  S. K. HALUAPO,  MANUIA,  J. N. KOOMOA,  H. AEA,  G. W. KOOMOA,      J. S. MAALO,  F. K. KEOHO,  KA-HA,  D. KAUIHANA,  IHUMOKU,  K. KAHALEKOU,  B. HAANIO,  B. KAHAIALII,  E. LUKELA,   L. KAAIALII,  H. SIMONA,   J. M. KAHUKULA,   C. KEAO,  K. KEOHO,  L. KUHAUPIO,   K. KAULAHIWA,   J. HULI,   J. K. KEALOHA,  P POHUKAINA,   S. W. KAWEWEHI,  J. ALA,  R. MAKAHALUPA. 

           

----------------------------------

 

            Ua makemakeia na L@la a pau e ka-Hui Hookuonoono Lahui Hawaii, e kii mai i ko lakou kuleana iloko o ka waihona i keia malama o Iuna nei me ke kanalua ole.  E loaa no ua na ke Keena Loio o  Mr. J. M. Poepoe, kihi o na Alanui Moi a me Betela, ma kela a me keia Poaha, mai ka hora 9 a. m. a hiki i ka 3 p.m. , mai poina i ka lawe pu m@i i ka Buke  @ahu.  O na lala ma na mokupuni, e hoouaa mai i ka lakou Buke ma ka Hale Leta i loaa pone aku ka lakou mau dala me ka maikai.

             Me ka mahalo,     ABRAHAM FERNANDEZ,   Kahu,  

            No ka Hui Hookuonoono Lahu Hawaii.

 

 

 

 

 

He Moolelo

 

---NO KA---

 

HOOKUMUIA ANA O HAWAII

 

--------------------

 

            I kakauia a pooponoponoia e Rev. J. F. Pokuea, mamuli o ka Moolelo Hawaii i paiia ma Lahianaluna i ka M. H. 1838, a ua paiia a hoopnopouo ia ma ka Halepai Palapala Aupuni m@ Honolulu 1838.

            A penei no keia makahiki i oleloia nona:  I ka wa i hele ai o ke akua paa ni, a o kana mau ano hana lealea oia ke kuikui, ka loulou, ka o-o ihe,kahonuhonu a mae kekahi mau hana lealea e ae i kupono i keia wahi akua ke hana. 

            A i kona wa e lilo ana ma ia hana o ka lealea, pololi iho la kona mau kanaka, a kii wale aku, a i ko hai mala ai e huhuki ai, ka uala, ke kalo, a kii pu aku i ka puaa a lawe mai a kalua, ka moa a me ka pelehu.

            A ike ua wahi akua nei, ua p@ ka ai a me ka i'a a kona poe kanaka, alaila, hoomaka aku la no oia i na hana lealea, pela oia e hana ai ina hana lealea a puni ka mokupuni ana i hele ai  O keia poe kanaka nae e hele pu nei me ia, oia no na kanaka puni lealea. 

            I ka manawa e hele nei o ua wahi akua paani nei, a puni lealea no hoi, a kolohe ne hoi, a hiki ole oia ke hele no ka mmaloeloe loa paha, alaila, o ka hoomaka ao ia e na kanaka ona e kaue a lilo ae la ia paani ana a lakou he mea lealea loa na lakou, aka hoi i na hiki ole ua wahi akua nei i kona poe kanaka ma keia huki ana, alaila, hoomaka iho la ua wahi aku nei e huhu, a kauoha aku la oia i na akua a pau e hele e kauo iaia.

            I ke kaue ana o keia poe akua i hi akua paani a loaa i kekahi o lakou ka manao huhu, alaila, oia ka wa e hele mai ai o ke akua makahiki o Lono koaa inoa.

            I kona hele ana mai e kaapuni, alaila, hahai no na kanaka he nui loa i keia akua, no ka mea, oia no ka Akua nui, a oia ke kumu o ka hahai ana o aa kanaka he nui, no ka mea no hoi, na keia akua i hookupu na puali aoao Hawaii.   Hookupu ka ai a ku ka pau o ka waiwai, alaila, hookaawale ka aa akua la, a o ka koena iho no na kanaka ia.  A pela mau aku no ka hana a@.

            Hala hope ae la keia puali ae aku ana he puali, o ka hana mau no o ka

--------------------------------------------

 

(E nana ma ka aoa ewalu.)