Ke Aloha Aina, Volume II, Number 36, 5 September 1896 — Page 1
This text was transcribed by: | Kellen And Lihau Paik |
This work is dedicated to: | Kellen Paik |
KE ALOHA AINA
Hilo Bay, Hawaii
Ua Mau Ke Ea O Ka Aina I Ka Pono
Joseph Nawahi
Lunahoopuka a Puuku
Hookumuia I Mei 20, 1895
Edward L. Like
Hope Puuku
Buke 11
Honolulu, Poaono, Sepatemaba 5, 1896
Helu 36
KE ALOHA AINA
E hoopuka mau ia aku ana mai ka Poakahi a ka Poalima o na pule a pau o kela me keia mahina.
Ka Uku Pepa, he ao keneta o ka pule. No ke kope hookahi, he 5 keneta.
Loaa no ka pepa mai ke Keena @aku o KE ALOHA AINA, a mai ka lima aku o na Luna Lawe Pena.
E pai ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakahi e hoounaia ke ole e hookaa mua ia ka uku pepa.
E hoouna pololei mai i na Nunou na Kumumanao, na Olelo Hoolaha, na Kanikau a me na Mele Inoa i ka Lunahooponopono o keia Pepa.
Aole loa e hoopukaia a hoolahaia kekahi manao ma na kolamu o keia Pepa, mahalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puka Pule
Ke ALOHA AINA
Hookahi Makahiki $2.00
@ Mahina 1.00
@ Mahina .50
@ Mahina 20
Joseph Nawahi
Lunahooponopono a Puuku o
Ke Aloha Aina
Edward L. Like
Hope Puuku
O na kauoha Nupepa me na hookaa Dala, e hoouna pololei mai i ka Lunahooponopono ma Honolulu.
Keena Hana: Aia ma ke Keena Loio o Joseph Nawahi maluna o ka Hale Uinihapa o Mr. Damon, ma ke kihi o na Alanui Moi me Betela ma Honolulu.
OLELO HOALOHALOHA.
@ M@ Lilia S. N. Hanaia,
Welina pu kaua:
Oiai ua loaa mai ia’u i kou hanau @ he lono kaumaha, luuluu moku@mahua no ka oluolu ana i ke Akua @ Loa, ka lawe ana aku i ka hanu hope loa o ka kaua kane i aloha nui Mr. @am N. Hanaia, ma ka hora 3 @ o ka Poalima, la 14 o Augate, @ ma Apua, Honolulu, Oahu.
Nolaila, ua haalele iho ia oe a me na @ na moopuna, a ia kakou no a @ e u a e kani-kani-a-ula aku nona. Nolaila hoi, ke nonoi ae nei makou @ oluolu o na Mana Lani, e lawe ae @ kaumaha, luuluu ehaeha mai a oe @ ia kakou no a pau.
Me ke aloha nui,
S. H. Kalawaiaopuna.
Mrs. D. M. Kekaulike
Miss. Lilia Peter
Kalaupapa, Augate 27, 1896.
NUHOU KUWAHO.
Ma ke ku ana mai o ka Monowai ma ka hora 11 o ka po Poaha nei, i loaa mai ai ia makou na mea hou mai na aina e mai, a ke panee ia aku nei no ka pomaikai o ko makou mau makamaka heluhelu.
Nahaha Kekahi Kaaahi.
Wasinetona, Aug. 15. Oiai kekahi kaa ahi halihali ohua o ka Chesapeake & Ohio, e holo ana mai Wasinetona mai no Kinatinaki, ua hu ae la oia mawaho o ke alahao, a kiola ia aku la mawaho o kona alahele maa mau, ma Ravensworth, Vireginia, he 18 mile malalo aku o Wasinetona, ma ka hora 12:19 o keia kakahiaka, ma o ka nahaha ana o ke Kaaahi.
O ka enegini, ke kaa leta, ke kaa ohua a me kekahi kaa o na mea kuai liilii i hui pu ia, ke kaa ukana a me ke puhi paka, ua pau lakou i ka hu malalo o ka hana a kekahi poe powa e hoopilikia ai i ke ola o ka lehulehu.
Hookahi wale no ohua i loaa na ulia poino, oia o E. S. Coffman, ma ka eha ana o kona kua, mai ka hoolei ia ana mai luna mai o ka noho ana e noho ana.
O na kaola hao o ke alanui e lawelawe ia ana ma kahi e hoopelu ia ai, e keakea ana mai ka nahaha ana, ua ike ia iho la, i ka wa i hiki ai ke Kaaahi malaila, ua hoopaa ia na kui e pili ana i ke alahao.
Ua kauoha koke ka Wiliki Nui i ka mea hoopaa brake, no ke kaohi ana iho i ka holo o kaaahi, mahope o ko ka wiliki nana pono ana he 100 wale no kapuai ka mamao, a pau lakou i ka luku ia.
Ua hoonee ia na kuiki alahao i pau i ka haihai, a hoolei ia ae la ma kapa o ke alahao.
Ua kali ke kaa poino, ma kahi kokoke i ke alahele o na kaaahi, a oiai hoi kekahi o na poe hana e hoi mai ana no kahi o ke kaa poino, ua kapalulu ae la ka poka maluna o kona poo, a pakele no kona ola.
Ekolu Poe I Make I Ke Dainamita.
Lancaster, Pa. Aug. 17. Elua kanaka i make loa, ua oi aku mamua o 16 poe i hoeha ia a he lehulehu wale o na hale i hoonahaha ia, ma o ka pa-hu ana o 25 paona dainamita, ma Nu Holani, Pa., i keia kakahiaka.
O ka Hui Telepona Penesilabenia, i kukulu ia maluna o ke kahua hou, aia malaila he halekuai, me kekahi hale kuke no ka wa mehanana no ka Hotele Aeko.
I keia kakahiaka, ua hele aku o Charles F. Cannon i ka hale kuke, no ka lawe ana mai iwaho i kekahi mau poka dainamita, e lawa ai ka hana ana no kekahi mau la.
He mau minute helu wale no mahope iho o kona lawe ana mai i kela mau mea ana i kii ai, aia hoi, ua pa-hu koke ae la na mea ana e paa ana a puhi ia ae la oia i ka lewa me he opala la.
Ua loaa aku la hoi o Frank Hammond o Harisibuga i keia poino mauwale, oiai oia mawaho o ka hale, ua pau na iwi o kona kino i ka haihai, a ua make koke aku no. Pela no hoi o George Crossman o Steelton, ua loaa pu oia i na palapu, a e make aku ana.
He lehulehu no hoi na poe i hoeha ia, a me kekahi mau hale i pau i ka hiolo ma keia pa-hu ana. O ke kumu i pa-hu ai, aole i ike ia.
Ka Hakaka Iloko O Kerete.
Konekesanito, Aug. 17. Ua loaa mai ka nuhou makamaka hou loa mai Derete main, ua nui na hakaka i hooiaio ia ae, i hoouka ia ma na apana o Apocarana a me Tenedos, a me kekahi mau wahi e ae, he lehulehu wale.
Kokarana Ka Haiolelo.
Nu Ioka, Aug. 17. Aia o Bourke Kokarana ke kaahele la, ma ke ano he mea haiolelo ma ka aoao Kakoo Demodarata Gula, no ka pomaikai o ko lakou aoao, ma na mokuaina o Maina, Mikikana, Ohio, Vireginia a me Ilinoi, a e hooloihi ia aku ana kana huakai kaahele no ka mokuaina Komohana.
Make Ka Peresidena o Bolivia.
Lima, Peru, ma ke alahele ae a Calveston, Aug. 15. Ua hoea mai nei he lono i keia la, mai Bolivia mai, e hoike ana i ka make ana o Peresidena Campero o Bolivia, ma ka la 12 o keia mahina.
Aole E Hiki Ke Ku Maluna O Ko Lakou Kahua.
Freefort, Ili, Aug. 14. W. O. Wright, kekahi o na @ rata oolea loa, a i palahalaha aku hoi kona ike ana a puni na mokuaina hoi ia o Amerika, ua waiho aku loa oia i kona kulana iloko o ka Poai Demokarata o na Komite Kuwaena, oiai, ua noho lawelawe oia no 20 makakahiki, a he 14 makahiki ka noho ana iloko o ka oihana Komite Hooko.
Kue Ke Keiki I Ka Makua.
Foxcroft, Me., Aug. 14. Ua wehe ae kekahi o na alakai o ka aoao Repubalika i halawai imua o kekahi anaina nui, o 2000 a oi poe i akoakoa mai e hoolohe i ka haiolelo a Harold M. Swell, o kahi apana aina o Bath, Maine, kekahi hoi o na keikikane a kekahi Demokarata i wae ia i Hope Peresidena no ia aoao kalai aupuni.
O Sewall opio, ua haawi ae oia i kana haiolelo kue mua loa i ka paa balota o Bryan a me Sewall kona makuakane, e pili ana i ke dala keokeo, a e kakoo ana hoi ma ke dala gula.
Ua lilo ka loa a me ka loihi o ke alahele i kekahi poe Demokarata a me no Repubalika kakoo ia kumuhana i mea ole, no ke akenui e lohe i kana mau haiolelo ana.
Ma na mea e ae mawaho o ka mea pili i ke dala, aole ona kue i ka kona makuakane mea e hana ai. Ano e no ka hoi ka hana a keia loea kilo Aupuni.
Ka Mokukaua Beninetona No Honolulu.
Vallejo, Cal. Aug. 9. O ka mokukaua Bennington, ua kaulele iho la oia i ka pa ka@ moku inehinei no Kapalakiko, no ka hoopiha ana i ke nanahu aia no he kauoha e hele aku imua, a ma ka akau hoi, a komo pu me ko Adimarala Beardslee aumoku kaua no ka paikau ana a mahope iho o ia manawa, e holo aku ai oia no Honolulu. E ola ana na la malohaloha o na keiki hoehoe waapa o ka uapo. O ka pono hoi @ o ka nui mai.
Ua Ili Ka Mokuahi Gaelic.
Ua hoea ae ka lono ma Kapalakiko, ma ka la 17 nei o keia mahina, no ka ili ana o mokuahi Gaelic, mai Honokaona ae no Kapalakiko, ma ke alahele ae o Iokohama, ma ke kakahiaka o ka la 16 nei, ma Shimoneseki Iapana, aole i lana ae a hiki i ke kakahiaka mai o kekahi la ae.
Ka Moiwahine Vitoria.
O ka Moiwahine Victoria o Enelani, a Emepera hoi o Inia, na Panalaau o Australia, Betitania-Amerika, a me kekahi mau aina e ae e apo ia nei malalo o kona hoomalu ana, eia oia iloko o na makahiki o ke kanikoo, a o kona noho manu ana maluna o ka aina, ke kokoke aku nei ia e piha i ke 60 makahiki o kona noho hoomalu ana, he Alii Aimoku maluna o ia mau aina nui o ka honua, a nona hoi ka huina lahui i kokoke e piha ka 300,000,000.
E hoomaopopo ia, ua poni ia oia no ke Karaunu i ka la 88 o Iune 1838, aka, o kona hoomaka ana e noho mana ma ke poo o ia lahui nui a ikaika o ka honua nei, ma ka la 20 no ia o Iune, 1837, a nolaila, i keia Iune ae e hiki mai ana, e piha ai iaia na makahiki he 60 o kona ku hookele wahine ana ma ka hoeuli o ka hooponopono Aupuni ana.
E nana ma ka aoao elima.