Ke Aloha Aina, Volume II, Number 39, 26 September 1896 — Page 1
| This text was transcribed by: | Hartwig Hermann |
| This work is dedicated to: | to my mother |
KE ALOHA AINA
UA MAU KE EA O KA AINA I KA PONO
JOSEPH NAWAHI EDWARD L LIKE
LUNAHOOPUKA A PUUKU HOPE PUUKU
HOOKUMUIA I MEI 20, 1895
---
BUKE II. HONOLULU, POAONO, SEPATAMABA 26, 1896. HELU 39
---
KE ALOHA AINA
E hoopuka mau ia aku ana mai ka Poakahi a ka Poalima o na pule a pau o kela me keia mahina.
Ka Uku Pepa, he ao keneta o ka pule. No ke kope hookahi, he 5 keneta.
E loaa no ka pepa mai ke Keena aku o KE ALOHA AINA, a mai ka nina aku o na Luna Lawe Pepa.
E pau ia no na Olelo Hoolaha, na Kanikau me na Mele Inoa, me ke Dala kuike. Aole nupepa ma ka owili pakahi e hoounaia ke ole e hookaa mua o ka aku pepa.
E hoouna pololei mai i na Nuhou oa Kumumanao, na Olelo Hoola ha, na Kanikau a me na Mele looa i ka Lunahooponopono o kona Pepa.
Aole loa e hoopukaia e hoolahaia kekahi manao ma na kolamu o keia Pepa, malalo o kekahi inoa kapakapa ke ole e hoike mai i ka Lunahooponopono i kona inoa ponoi.
Ka Nupepa Puke Pule
KE - ALOHA - AINA
Hookahi Makahiki......... $2.00
Eono Mahina ........................ 1.00
Ekolu mahina .......................... .50
Hookahi Mahina ......................... .20
JOSEPH NAWAHI
Lunahooponopono a Puuku o
KE - ALOHA . AINA
EDWARD L. LIKE
Hope Puuku.
O na kauoha Nupepa me na hookaa Dala, e hoouna pololei mai i ka Lunahooponopono ma Honolulu
KEENA HANA: Aia no ke Keena Loio o Joseph Nawahi, @ ka H@ U@ @, ma ke ki@ na A@ Moi me Betela, ma Honolulu.
---
Mr. S. Kobayashi.
KAUKA IAPANA.
ME KA HAUOLI AU E HOIKE AKU @ no ka hoi ana mai o K@ @ w@he hou i kona Keena @ mauka o ke Alanui @ma @ Alanui Nuuano a me Papa@, @ Hawaii au i loaa i ka ma no ke @oihi. Ua hele ia e a e na Kanaka @ me na Kauka Hawaii, no ka @, aole nae i loaa k@la, a na @ @kaika o ka mai. Ma ka Papa @ @, ua hele au ia Kauka S. K@ @ oia ia'u, a ua hoike mai@ a @ ia'u. Ua hoomaka ko K. S. Kobayashi lapaau ana ia'u ma ke kaha @ oiai, o ko'u mai aia ikolo a ka @ ua loaa iaia he pau iloko o @ keiki e like me ke poo o ka he@ @, a e ikeia no keia puu ma @ @ o S. Kobayashi ke mau aku @ pule mahope iho o ke oki ia @ loaa aku ia Kauka S. Kobayashi @ ola loa ae la wau, a mai ia @ hiki i keia wa, aole wau i loaa i @ makahiki. Ua pakele keia @a @ ana @ kaha ia ko'u op@ Kauka S. Kobayashi.
@ ana ia u@o ke o@a l@ n@ @ mamuli o k@ @ @ la, oia ke kumu nui @ a @ @ aku imua o ke @ @ @ i na makamaka a @ @ ana @ @ kahi ma@ loihi @ Kobayashi, @ @ ia, ma kona Kauka Kobayashi @lama, n@ aoia o @ @ hora @ a @ o ka @ @ a 8 o ke ahiahi. He olo@ @ ana a pe@a no hoi me kona uku.
MRS LILIA BENI KAHOIUA.
Alanui Kamika, Honolulu Sept. 18, 1896.
NUHOU KUWAHO.
---
KE KOHO BALOTA MA KILI.
---
AOLE I MAOPOPO KA PERESIDENA
I KEIA WA.
Lima, Peru, Aug. 30. O ka lono hope loa i loaa mai mai Kili mai, oia no na mea e pili ana i ke kakauinoa a me ke koho ana ina Luna Nui e like me kekahi olelo hooholo ma ka halawai ana o ka Ahaolelo Lahui i kahea ia no ka noho ana i ka la apopo, me ka manao paa e hana, no ka mea i kohoia i Peresidena.
Ua manaoia, aia he hoopoluluhi ana o na manao kue, a me he mea la, e hoea mai ana ka hopena o ia hana, ma o ka hoala ia ana mai o kekahi hau naele, mai ka poai mai o ka poe kue.
O ke koho balota hou mai nei i malamaia ma Kili, oia ke kahi o na koho balota ino loa i malama ia ma kela aina, e na poai holo balota no ia kulana kiekie o ka aina.
O Senor Errazurez, he Lunahooponopono no kekahi mau nupopa alakai o Kili ka mea i koho ia no ka hoomalu ana ka aina.
O Senor Frederico Errazurez, he hoa no kekahi mau Aha Kuhina lehulehu o Kili, a he mea hoi e malama ana ia kulana, ma ke ano, oia kekahi o na alakai pookela loa o na aina a pau ma Amerika Hema.
O ka mea i koho ia ma ka aoao kue i ka paa balota mua, oia o Senor Rayes, kekahi o na kanaka kalaiaina naauao o ke Aupuni o Kili.
Ua hoike ia ae kekahi lono no Senor Errazurez, ua kipe oia ina dala $400,000 a oi aku, iloko o kona poai.
O Senor ma kekahi aoao mai e hoike ana, aole loa oia i hoolilo no keia hana i hookahi keneta.
Mamua o ke koho ana, ua hoike ae o Rayes i kona manao no kona kulana holo moho no ka lehulehu, ke kohoia oia, oia hoi, wahi ana, o kona akenui, oia ka hui ana o lakou a pau a lilo i ohana keiki hookahi, no ka hoopakele ana ia lakou mai na ao omamalu mai o ka poino e hekau ana maluna o lakou.
Ua olelo hou ae no hoi oia, e hoao no oia e kue aku i ka poe nana i lawelawe na hana kipe dala, i mea e koho ia ai oia i Peresidena.
Ua hai mua aku no hoi oia i kona manao, he kue loa oia i ka hoohana ia ana o kela ano hana me na huina dala mahuahua, no ke kulana kalai aupuni e kue ana i kona hoa paio.
No ka mea, ina e hoomau ia aku ana ka hoomaamaa ia ana o keia ano hana, e manao lana mau ia, he hiki wale no ke komo aku iloko o na kulana kiekie, malalo o keia ano hana.
O ke koho balota i malama ia ua poni ia ia me ka malie, a o ka hua @ loaa ma o ka hoihoi ia ana mai o na hoa i koho ia, mai kekahi mau apana aina mai o Kili, oia no ka loaa ana he poe kupono.
Ma ka nana aku, ma ka pau ana o keia koho balota, ke hopohopo ia ala o ala mai ka haunaele, mamuli o ke kulike ole o ka makemake o ka poe nana i koho.
Aia no ke hauwawa la, he mau nunenune ana no keia hana, a me he mea la, o ka akahi hapakolu, a i ole, oi aku paha o ka poe i koho ia, a o ka poe kue loa i keia hana.
PAU I KA MAKE HE II POE
KINAIAHI.
Benton Harbor, Mich. Sept. 6. He oi aku ka weliweli a me ke eehia mamuli o ka nalohia ana aku o kekahi mau ola uhane, i ike ma keia apana o keia mokuaina i hoea mai i ka ponei, i ka wa hoi i komo ai ka hale keaka Yore Opera House iloko o ka enaena o ke ahi, a e hakoko ana hoi na kanaka kinai ahi no ka hoopakele ana i ka hale keaka, a me kekahi maa hale okoa aku.
A oia hoi ka wa i komo aku ai keia poe he 11, hookahi hoi mahele okoa ia o ka oihana kinai ahi, me ko lakou hopena i ka manawa hookahi.
He elima o lakou i make iloko o ka manawa pokole loa, me he imo ana la na ka maka, a he eono i kamau iki mai no kekahi mau hora wale no, iloko o ka ehaeha nui, a ua halawai no hoi kekahi poe e ae me na palapu o keia pauahi.
I ke ahiahi i hoomaka ia ai o ka paani ana, ua hana ia mai la na mea e pili anai ke kaikamahine hana akeakamai, i haawi ia no na mea a pau i hoea ae malaila.
He hapalua hora mamua iho o ke pani ia ana o na puka o ka hale keaka, ua pahola ae la ke ahi me ka weliweli nui, e hiki ole ai ke hoopio aku.
O na hale i keia wa, mai ka hale eha mai o ka hale keaka ua paapu me ka uahi i piha me na alelo manamana o ke ahi, a poha ae la na lole paku o loko a lalapa ae la ke ahi a puka ana mawaho o na rumi o ka hale, me ka lohe ia aku o ka paapaaina oloko, mamua ae o ka hoea ana mai o ka poe kinai ahi, me kekahi wahi iliwai hookahi e hoohana ia ana e ka poe o na kaawai polohuku me ka nele i ka wai kupono e hiki ai ke hoopio i ke ahi, a no elua la hoi i hooikaika ai ka oinana kinai ahi i ka hoopio ana, me ka paupauaho ole ana no ka holopono o ka lakou hana.
SIMON BOLIVAR BUCKNER.
O Simon Bolivar Buckner, ka mea i koho ia mai nei no ke kulana moho holo Hope Peresidena no na mokuaina hui ia o Amerika Huipuia, ma ka aoao kakoo dala gula, he Kenetuke oia ma ka hanau ana, a he 74 hoi ka nui o kona mau makahiki i keia wa, ua keokeo kona lauoho e like me ka hau, aka, he loea ike piha nae ma ka hana.
Oia kekahi o na keiki kaeaea o na Mokuaina o ka Hema. O kona noho ana, he akahai loa i loaa ole kona lua.
Ua puka mai oia mai ke Kula Koa mai o Amerika ma West Point i ka makahiki 1844 a ua komo hou i ke Kula Koa no ka lua o ka manawa ma ka Halekula Koa helewawae o Amerika Huipuia, mai ka malama o Augate 1845, a hiki i Mei 1846, ua lilo oia i kokua kumu no na hana akamai iloko o ke Kula Koa o West Point.
Ua komo oia i ke kaua kue ia Mekiko, ma ke kulana Lutanela ekahi no na koe ma Contreras a me Churubusco, kahi ona i hoeha ia ai, a he Kapena hoi no kona pualikoa wiwo ole ma Molino de Rey.
Mai Augate 1848, ah hiki i Maraki 1855, he kokua keena oia no ke ao ana ina loa hele wawae, ma ka hoomaamaa ana i ka oihana kaua, ma West Point, a ua waiho aku i ka oihana, ma o kona lilo ana i Luna Nui no ka Hale Dute ma Kikako.
Ia makahiki no, 11855, ua kohoia oia i Konela no na pualikoa i hoala ia ma Ilinoi, mamuli o kona makemake iho, no ke kue ana aku i ka poe Moremona o Uta a me na Ilikini pu hoi iloko o ia mokuaina, aka, aole nae i hooko ia ia hoakoakoa ana.
Ua noho oia ma ke ao loio, a ua lilo, oia kekahi o na Naita o ke Kea Gula Poepoe iloko o Kenetuke, mahope iho o ke Kaua Kivila, ua lilo oia he Luna Nui no na pualikoa kiai no ka mokuaina o Kenetuke, ma ke ano he Akukana Kenerala no ka mokuaina mai Sept. 12, 1861, ua koho ia oia i mea hoike aku ina kanaka o Blue Grass State, no ka liuliu ana e lawe ina mea kaua no ke kue ana aku, i kapaia, he "limanui," he lalau wale i ko hai wahi o Aberahama Linekona, me ka hookaulua ole, ua lawe ae la oia ia Bowling Green.
Ua nui a lehulehu na wa ona i paa pio ai, hookahi ana haawi pio nui ana ana me 16,000, a ua hoopaahao ia oia ma Fort Warren Bosetona, a hiki i ka wa i pau ai.
I ka make ana o Kenela Kalani, oia kekahi o na kanaka hapai pahu i kona la hoolewa i ke kanaka i haawi pio aku ai i kana pahikaua, oiai oia he Alii koa no ka aoao kipi, aka, he okoa nae kona noonoo, a pela i loaa ai iaia na haawina o ka pomaikai a hiki i keia la.