Ke Aloha Aina, Volume III, Number 5, 30 January 1897 — E OLA O KALANI. [ARTICLE]

E OLA O KALANI.

lst. He wahl kanaenae aloha keia, No kakou e na Hawaii nei, E ka poe i aloha i ka aina, I ke one hanau o na kupuna, E mau ke ola ou e Hawaii, A hiki i ka lanakila ana, Heopau ia ka manao o ka poe pakaha, E ola o Kalani, aloha oe. Hui. ? E hauoli kakou na opio Hawaii nei, No ke ola o Kalani a hoea mai, Me Kona mau hana maikai, E ola o Kalani i ke Akui. 2nd. Na oukou ka makou manao| hoolana, ' E lei i ke aloha o ka aina, E kukuni hoi a paa i ka puuwai, I ke aloha o Kalani Alii e, Aia no he wa kupono a ka Ma.kua, E hoihoi mai ia Kalani Alii, Uia ka makou wahi kanaenae E ola o Kalani, aloha oe. Hakuia e Hui HIMEKI MIIWAIOKAAINA. lanuari 19, 1897.