Ke Aloha Aina, Volume III, Number 6, 6 February 1897 — Page 2

KE ALOHA AINA, POAONO, FEBERUARI 6, 1897

 

KE ALOHA AINA

 

Hoopukaia no ka

 

Pomaikai o ka Lehulehu, a he Nu

Pepa na ka Lanui Hawaii.

 

EDWARD L. LIKE,

Lunahooponopono

 

E. A. NAWAHI,

Puuku o KE ALOHA AINA.

 

HONOLULU    FEB 6, 1897

 

OLILIU O LOLOKUI KE EHUEHU

 

Aia Aku la i ke Alo o Kalivilana

E Luana la.

 

KE AUPUNI ANUENUE ME KA AETO.

 

Ua Hookahi ka Manao Iliwai Like

 

Alapine ka Uwea Olelo i Kapalakiko

 

Na ka Mokuahi Auseteralia i Hii Mai Nei,

 

            Ma ke ku ana mai nei o ka mokuahi Australia ma ke ahiahi Poalua nei, ua hii pu mai la oia me na nuhou hauoli e pili ana i ko ka Moiwahine Liliuokalani hui a launa pu ana me ka Peresidena o Amerika Huipuia, ka pulakaumaka hoi a ka lahui e kau aku nei na maka o ka hoea mai i kahi o ka manaolana i kaunui ia ai.

 

                A oiai hoi, he loihi ke alahele e hoea mai ai i kahi o ka Ausstralia e ku ana i ke awa o Kapalakiko, nona ka mamao he mau tausani mile ka nui, nolaila, ua lawe mai makou, mailoko mai o na lono telegarapa awiwi loa, a i hoolaha ia hoi maloko o kekahi mupepa ma Kapalakiko ae nei, a @(word unreadable) leta pu mai hoi kekahi a ko makou mau makamaka, e noho ana ma ia kulanakauha le i muimui@ e ka nani me ke onaona.

 

                A no ka pomaikai o na makamaka heluhelu o KE ALOHA AINA ke pahola koke aku nei makou me ka hookaulua ole, i maha iho ae ka manao, a oloolo hei na nanaina, mamuli o Kona hoea k@@@ maoli ana aku la i ke kehewaena o ke Amerika mana pili aupuni, a oia iho keia malahoi.

 

                Ua houke @@ ka pupepa “La” o Wasinetona i kekahi lono kuikawa a wahi ana Ua ukali ia ka Moiwahine Liliuokalani e Julian Palmer, Kona Kakau olelo pilikine, no ke kipa ano aku, e ike i ka Peresidena Kalivalana ma ka Hale Keo i keia auina la Ianuari 2@.

 

                Me na helehelena ukumahuehue a me ka puuwai hama ma o ke aloha, e hoike mai ana i ka ukana maemae, mailoko mai o kona puuwai, ua haawi mai la oia i kama mau olelo kahoahoa, e pili ana i ke kipa ana aku o kana malihini kiekie imua o kona alo, ma o kona haawi ana mai i na lululima pu ana me Ia, no ka elua o ka manawa

 

                Mahope koke iho o na hoolauna makamaka ana, ma ke anaina o ka poe i hilu ia ma ke kulana i kaupoku wale no o Hanalei, ua noho ae la lakou maluna o na noho i hookaawale ia, no ke kamakamailio pu ana he alo a he alo, aole hoi i like me na olelo a na Kilokilo o Kawaapae, e holo ana oia i ka lawaia Alalauwa, mai ke alo aku o Kalani Aimoku, o ke Aupuni Anuenue, i hoouluwehi ia e ka U@koko, ka nani laha ole ma ka honua.

 

                Nani a mohala na mapuna leo i puana ia mai, ma ke ano me ha mea la, he kaikunane i ke kaikuahine, a he pilikoko kona mau pilikana.

 

                Ua malu ke kula aohe lele pueo, a o na hamumu nakeke, o loko o kekahi rumi o ua Hale Mana Hooko la, ua meha ia mai kona maa mau mai, a oia ka wa i poha aku ai ka leo o ke kanaka e noho mana ana maluna o na heluna o na umi miliona, me keia mau olelo hoolauna mua loa:

 

                Aole anei Ou manao, ua hoea mai nei Oe i ka wa kau puanuanu, oiai hoi, he wa Hooilo keia?

 

                Ua panai koke aku la ka Moiwahine, me na huaolelo moakaka, e hoike ana, o Kona noho liuliu ana ma ia aina, ua lawa ia no Kona hookamaaina ana me na ea huinui oia aina.

 

                Pehea ka loihi o Kou wa e noho ai maanei nei, (Wasinetona) mamua o Kou hoi ana?  Wahi a ka peresidena.

 

                Aole i maepopo Ia’u ka loihi o Ko’u manawa e noho ai ianei, aka, he kanalua ole nae Ko’u, ke puana ae, e hoea hou mai ana no Au ianei @ kekahi manawa, wahi Ana.

 

                I keia wa i pane hou aku ai ka Peresidena me keia mau olelo.

 

                Ua hauoli loa au i Kou hele ole ana, a halawai pu iho la kaua, me ka hoopanee hou ele ia aku imanawa no kaua e kamakamailio pu ai.

 

                I keia wa oia i ninau koke aku ai i ke kulana a me ka manao o ka lahui, iloko o ko Hawaii Paeaina, e pili ana no ko lakou momaikai malaio e keia aupuni hou e ke nei, a me ka ole.

 

                Ua pane koke aku la Oia; aole loa he pomaikai i loaa ka lahui malalo o keia aupuni hou e ku nei, a o ka mea elale ne hoi, he lehulehu e lakou, hoenele ia i na pomaikai.  Ke hoike nei Au, i ka wa o ke aupuni mua e ku ana, aia ka lahui iloko o na pomaikai ma na hana a pau, i ike ole ia, e like me ko keia wa ano.

 

                I keia wa i panai aku ai ka Moiwahine i Kona mau hoomaikai i ka Peresidena, ma ka aoao o ka lahui Hawaii, a wahi Ana:

 

                U hauoli nui ia au, mamuli o kau mau hana maikai, i kou unuhi ana mai i ke kuikahi Hoohui Aina, i hoouna ia aku i ke Senate e Peresidena Harison.

 

                O ka Hoohui Aina, aole ia he mea i apono ia iloko o ka umauma o ka lahui Hawaii, wahi a ka Moiwahine i pane aku ai.

 

                Ua hauoli loa au ma ka aoao o Kou lahui e ka Moiwahine, ma ka lawelawe ana i kekahi hana e hiki ai ke unuhi ia mai, no ka noonoo ana ia mea he Kuikahi Hoohui Aina.

 

                A mamua ae o ka manawa i hookuu ia ai o ka laua kukua kamailio ana, ua hooka ua hou ia mai ka Moiwahine e Peresidena Kalivalana, ina paha he manawa Nona e ike hou aku ai iaia ma ka Hale Keokeo, a o ka pane, aole e hiki Iaia ke hoike aku i ka manawa, wahi Ana i pane aku ai.

 

                Ma keia wahi aku la, ua hiki ole i ke ike o ka makepeni a ka poe kakau nupepa ke hoaiai ae i ka hopena o ka laua mau olelo mamua o Kona hoi ana mai i Kona hotele e hoomaha ai.

 

                Aia Oia ma kekahi hotele o ke kulanakauhale o Wasinetona kahi i noho ai, iloko o ke ola kino maikai, e hanu ana i na ea huihui me ka nawaliwali ole.

 

                Nolaila, o na olelo lalau a na poe kakau nupepa o na aina e, a me ko Honolulu nei, he poe Kuhikuhi Puuone lalau ia, a o ka lakou mau kilo ana, no ka nee ana o na hana imua, aia lakou a pau iluna o ke ahua one kahi i pupue ai a pau ke aho.

 

                A o ka lakou mau hoike ana he lalau ia a me ka wahahee, a o ko lakou ano no ia, mai kinohi mai a hiki i keia la.  Nolaila, mai puni wale i na olelo e pahele ana ia oukou, e komo pu a e kekua ia ka ninau Hoohui Aina, ka mea a ka lahei i hoowahawaha ai. 

               

KA HUI KALEPA HOOKUONONO HAWAII.

                Eia keia Hui Kalepa Hookuonoono Hawaii, ke pii mau mai nei kona ohelia ia ke la a e nei ia nei kena mau mahele, a ke p@ mahuihua ae la hoi na lala ma kahi e na hine@@, O S. K. Kaloa ka Luna Hoohana Nui oia Hui, he wa@@ahe ola a he makuamaka eiaie hoi.  Ua loaa ke ka Hui telepona ma ka Makehe Ku @ la, a nolaila, he wa kupone loa keia no na ma kamaka e haueha ae ai ila@(word unreadable).

 

WELO KIHEI A KEAELOA.

 

HAWAII O HAHO MA AMERIKA.

 

KUKULU IA NA AHAHUI ALOHA AINA

 

HE KUPAPAU MAKE KA HOOHUI AINA.

 

Pehia o Kalani e ka Huna Wai o Niagara.

 

                Ma ke ku ana mai o ka mokuahi australia ma ka Poalua nei, Feb. 2, i loaa mai ai ia makou he leta, a oia keia a makou e hoopuka aku nei, no ka pono o ka poe Aloha Aina.

 

                61 Sewall Ave, Charles St.

                  Brookline, Mass., Jan. 16, ‘97

                                                                Aloha a nui!

 

                O ka loaa ana mai la no ia o kau leta o ka la 24 o Dek. 1896, me ka hauoli i ka ike ana iho ma kau leta, i ke kupaa o ka lahui, e hai aku Au ia oe, aole no he hana e ae a ka lahui, hookahi wale iho no, o ka hoomau aku i ke kupaa e like me ia mai kinohi mai, mai puni i na pelo a ka poe pakaha, no ka mea, o ka ae ana o ka lahui i ko lakou makemake, o ko kakou hopena ia, a o ko kakou luakupapau ia e kanu ola ia ai.

 

                He mau  leta Ka’u e loaa mau mai nei, mai Wainetona a mai Pilekelepia mai kekahi o ko kakou mau hoaloha, e hoike mai ana, wahi a kekahi o ko laua mau hoaloha iloko o ka Aha Senate, e noho nei i keia manawa, i hai mai ia laua, o ka ninau Hoohuiaina, he kupapau make ia, no ka mea, aole he ae o ka lahui Hawaii i ka hoohui.

 

                A ne ka Ninau o hawaii aole i pau, e ala hou mai ana no, ina aole ia Kalivalana, alaila, na Makinele no e hana.

 

                A ma ke kulanakauhale hoi o Bestetona nei, kahi o na Mikanele o kakou i hoouna ia ae ai, ke kukulu mai nei na Ahahui aloha Aina, o kela a me keia, ko na kane a me ko na wahine, na poe hoolaha Nupepa, e kakoo ana i ka Moiwahine, me ka elelo mai, ina aole e hana ia Kou pone, alaila, e hano aku ana ne makou, ua hewa loa na Mikanele, a ua hewa pu o Amerika nei.

 

                No ko lakou ike pono ana a huipu, a kamailio me ke Alii, a hoomaopo lakou i ke @ulana o ke Alii aohe he hupe, aole he pegana, e like me ka @(word unreadable) i hoolahaia ma na Nupepa a mei ma@@@@@ a lakou i @ una@ kuhikema a@ a @@ hoopau ia nae ia kuhihewa mamui o ka ike pono ana.

 

                E hele mau mai ana e noi, makemake au e ike i ka Moiwahine, makemake makou e ike i ka Moiwahine, aole o lakou olelo, he Ex queen (Moiwahine i pau) ina lakou e hele e noi mai ana lakou, me keia:

May I see Her Majesty?  May we see her Majesty?  Na poe Kiekie a me na poe waiwai o onei, ke hoouna mau mai nei i ka lakou mau kono, hoouna pu mai no me ke kaa, a kii okoa mai o na wahine a ka poe Kiekie e hele i ka holokaa, me he mea la, he Moiwahine no ke Alii, a aia no Oia maluna o Kona Noho Alii iloko o keia mau la a makou e noho nei.

 

                Nolaila, e hoomanawanui me ka paupauaho ole, a e ao aku pela i ka lahui, no ka mea, aia ka Haku ke nana mai la i ka pule a Kona poe ohua, iloko o ke aheahe malie.

 

                I keia Poaono aku nei, la 9 hora 7:30 ahiahi, holo makou i ka Wailele o Niagala e makaikai ae, he 600 mile ma ke Komohana mai anei aku a hiki i laila hora 2 , ahiahi la Sabati, la 10, makaikai no ia koena la ma ka aoao o Amerika, a kakahiaka Poakahi ae la 11, hele ma ka aoao o ka Pelekane, oia o Canada, aia ma kekahi aoao o ka Wailele, ia ahiahi no hora 5:30 p.m., kau hou ma ke kaaahi hiki i Brookline nei i ka hora 10:30 a.m., o ka Poalua nei la 12, me ke ola kino maikai.

 

                He nani ka nanaina o ke kumu o keia mau Wailele oia ka moanawai Elia malino a lana malie ka wai, aka, he mile paha ka mamao mai kahi e haule ai ka wai, e ike aku ana oe i ka haki mai o ka nalu, oia no oe o ka mea e hae mai ana, he ku i ka weliweli, a oi loa aku hoi kahi e haule mai @ ka wai, oia no oe o ka Hekili pamaloo ka hele a mahanahana o ke kumu pepeiao.

 

                Ma ka hora 8 p.m., o ka po nei, ua haiolelo o Kapena Julian Palmer no kaPaeaina o Hawaii a me kona lahui poko o kekahi halepule o Brookline nei, mamuli o ke nei a na Ahahui Opiopio o keia kulanakauhale, piha a hookeke na kanaka me he kahe @na la na ka mai nei.  Aole i hele ke Alii ma keia anaina.

 

                Ua lawa kaua maanei, a no kahi wa aku.  E aloha i ke lahui Aloha Aina, e kupaa me ka minaoio, a pule me ka naniolana.

 

                He maikai oi ae ko Kalaoi, 1 pela l@ke no a pau.

 

                Aloha!  Aloha a nui loa.

 

                Ua hopai ia o Kahelekula o uka o Manoa no ka hoike wahahee ma ka hihia o Moepono oia wahi hookahi no no ke kuai okolehao me ka laikini ole.